اجيتي ولا هله بجيتج يفصليه
على اوليدي بنواعي اكضيها ليليه
الشاعر داخل البدري
مهند رجعت للبيت امشي بلا وعي الطريق طويل صارت خطواتة اثكل مما تكون صدمة اخوي صديقي صديق العمر تركني وصرت القاتل والمتهم رجعت ما احجي شي الصمت سيد الموقف كدام الكل .......انضرب جتفي برجل كبير بالسن بطريقي للبيت
الرجل الكبير بالسن بوية شمالك انتبهه لطريقك
مهند رفعت راسي بثقل ما حجيت شي حسيت ثقل جتف لساني
الرجل الكبير بالسن بوية شمالك مدوهن جوعان ويهك اصفر تعال اكعد اشرب مي
مهند ما كدرت ارد عليه مجرد اشرت براسي بأشارة لا ومشيت تركته اسمع كلماته
الرجل الكبير بالسن بوية الله يساعد العالم من الضيم تمشي وتصفن بالوجوه زمان الما رحم بينه ولا خله لا شاب ولا شايب بالة مرتاح
مهند خطوات ثكيلة للبيت اول وصولي لكيت امي بالباب وتنتظر جيتي
ام مهند يمة رجعت ضل بالي عليك
خديجة هلا خوية ها خوية اصار اخو الشيخ ما بي شي
خوية شمالك صافن متحجي يمه شبي اخوي
ام مهند يمة ركضي الماي بسرعة
مهند رشت امي المي بيدهه على وجهي فززتني فزة موت رجعتني لعالم الوعي هنا الدنيا ضاقت بية ما اكدر احجي اختنكت والدموع وحضن أمي هو الأمان الوحيد الي....
ام مهند يمة اسم الله وليدي بعد روحي شمالك اصار وياك ....يمة دموعك غسلني بعد اعيون أمك خاب جاوبني شني زلمة شكبرك كاعد وتبجي
مهند يمة انهزم صاحبي واخته جذبت على الشيخ تكلة صارلة اسبوع رايح لبغداد وشيخ حامد كالي بلغ اهلك اذا مات اخذ روحك اشوية اشوية واذا رجع مبي شي اعفي عنك
خديجة يمة خوية رحت من ادينة بعد روحي
ام مهند اسم الله سكتي يمه كتلك كلبي لاسبني عليك كلت مواعد صاحبك ورحت يمة روحت السودة ..... كوم يمة اريدك سبع ابن ابوك لا ادنك راسك ولا تخلي احد يشمت بيك وكعت دليني على بيت اخت صاحبك وانته ترد لعمامك تكلهم الصار وياك يمة خديجة جيبي عباتي كوم يمة
مهند يمه انهزم وين ترحين شعندج رايحة لأخته
ماكو فايدة
ام مهند انروح ادلينه بأخوهه وين انهزم بيا ديرة
اختة تعرف مكانة كتلك لا ادنك راسك يلا يمه
مهند اخذت أمي ورحت لبيت صاحبي سؤالهه قهرني
ام مهند يمه هذا بيت صويحبك
يمة هذا الصاحب الجنت تزامط بي روح يمة بعيد
وخليني احجي وية اختة
أنت تقرأ
خديجة فصلية الشيخ حامد
Mystery / Thrillerقصة حقيقيه سلطة قوة عادات وتقاليد قاتلة زواح الفصلية او الدية احدى العادات العشائرية التي تقتضي حقن الدم بين الطرفين بأعطاء البنت كزوجة للمعتدى عليه
