علاقات زائفة

البارت الواحد والسبعون

رونق

كعدت الصبح راسي يريد ينفجر عبالك مصخنه..
كمت نزلت جوة خليت قوري الجاي على النار وسويت ريوك رحت كعدت علياء كوه شلتها من الفراش اليوم يجي ابوها ياخذها ريكتها وبدلت الها وكعدت تنتظر..

مرت ساعه واتصل عليه ، فتحت خط وخليت علياء ترد عليه..

هو من سمع صوتها جر نفس طويل وكال..

سنان : يعني حتى سلام كطعتي ويايه اعتبريني واحد غريب واتصل ليش متجاوبيني صار اشهر رونق اشهر محاجي وياج.

محجيت وياه هاي كل مرة هيج يحجي واني مغلسه عليه طلعت بنتي واني وكفت وره الباب باوعت من الفتحه صعدها ليكدام وصعد يمها اخذها وراح ..

كل ما اشوفه لو اسمع صوته اختنك ورة ساعتين يلا تروح الخنكة مني ماعرف عبالك شوفته تأثر سلبي على نفسيتي ، بديت اسوي غده اليوم جمعه والجمعه والسبت اني ادلل ماما لان عطلتي بلشت بالسلك غسلته وطلعت باقي الشغلات مال دولمه ، لهناك دك تليفوني غسلت ايدي ورحت جبته ورجعت للمطبخ هاي حور خير ان شاءالله..

رونق : شعجب يابه كلت نسيتيني.

حور : حقج عيوني والله لو شنو تحجين مالومج بس مشاغل الحياه والدنيا تلاهي وتعرفين انتي ميحتاج اكلج..

رونق : حقج واني هم وين عندي وكت اصلا من عندي ساعه فراغ اروح انام بيها من التعب.

حور : الله يساعدج هسه كليلي انتي شلونج بنتج خاله ابوج خواتج..

رونق : كلنا بخير الحمدلله وانتو شلونكم عمر زيود

حور : والله زينين الحمدلله اكلج ، خابرتج علمود اعزمج عكب باجر على الغده ويه روند..

رونق : هاا راح تعزموهم.

حور : اي وانتي وبنان هم.

رونق : وجراح يجي لو لا.

حور :طبعا عمر عزمه..

رونق : خوش يلا راح اجيج من الصبح اساعدج..

حور: ايد الخير وما مدت هله بيج كلبي.

رونق : يلا اروح اكمل الغده يادوب الحك راح اسوي دولمه اليوم ههه.

حور : الف عافيه اني سويت برياني ودجاج عمر مشتهي..

رونق : فدوة لعموري الف عافيه..

حور : الله يعافيج لتنسين تجين وباعي اذا ماكو احد يجيبج ادزلج عمر يجيبج بتكسي..

رونق : لا بابا يذبني يمج الصبح من يطلع..

حور : هاهيه متفقين.

_______

روند

من شفت العلاكة اخذتها وضميتها بالكنتور..
رحت خابرت ماما كالت راح نجيكم العصر اني وبيت عمج خوما عدكم خطار او طلعه ،