🖤نهوة -الملازم عمر ❤

الجزء الثاني بارت 34

اصعب شي لمن تحب شخص بس تعرف انو نهايت هذا الحب فراق 🌿🌹

#اوجاع مشاعر...........

""كان هناك فتاة تحب شاب وهو يحبها ذات يوم قال لها "انا احبك" رفضته رغم أنها تحبه ولكنها تعرف انهم لا ينجمعوا فكسرت قلبه وقلبها تركت حبها واستسلمت لظرفها كم منا يعاني من شي يقيده ""

بعد مرور يومين............

مصطفى ،،،،،،،من وفاة امي تركت كلشي وطلعت من البيت شعندي بي منو يصبرني ظليت انام يم صديق قريب عليه الجكاير والشرب مافاركني دموعي تنزل بعد وين اشتم ريحتها بعد منو يكلي تعال اكل يربي والله تعبت لو ترجع اشتمها ورى الفاتحة رجعت للبيت حالتي ماتنوصف وعبالك اخرس صوت ماعندي دخلت شفت حمدان ورياض وعلي كاعدين ياكلون ولاكانو صار شي حتى ابويه معقوله هذا هيج قبضت ايدي وصعدت فوك روحي كارهة دخلت للغرفه شفت ريام موجوده .....ضليت اباوع عليها

ريام،،،،،مصطفى حبيبي اجيت وين جنت والله قلقت عليك هيج تعوفني

مصطفى،،،،،طبكت الباب قوي "ليش شبيج طفله صغيره متفتهمين "

ريام،،،،،،،مو هيج قصدي بس عبالي.......

مصطفى، ،،،،،،كاااااافي سدي حلكج👋🏻

ريام،،،،،نصدمت من ضربني هو اني شحجيت كمت ابجي شفته تقدم يمي كل ضني راح يعتذر

مصطفى،،،،،،لتضلين تنوحين فوك راسي طلعي من غرفتي ماريد اشوفج طلللللعي

ريام،،،،،،شلون الطفل والي نرعب كلمه مااكدر احجي طلعت واني ابجي

ريماس،،،،،،شبيج

ريام،،،،،لا ماكو بس نقهرت على ايه وينها

ريماس،،،،،،مثل ما هي تعبانه

ريام،،،،،،اروح يمها

ريماس،،،،،عمر موجود  يمها تعاي ننزل احسن

ريام،،،،،ماشي نزلنه اني وريماس كملنه البيت وسولفنه بس بقى بالي ليش هيج سوة بقت تاكل بكلبي طكيت وحجيت لريماس

ريماس،،،،،،لتاخذيها بالصدك حقه مضغوط منا سرى المسكينه الي ماعرف شي عنها يربي هسه شصار بيها ومنا امه وايه

ريام،،،،،،فعلا اني غبيه بس يرتاح احاجي

عمر،،،،،،ايه حبيبتي لشوكت تضلين على هاي الحاله

ايه،،،،،،لا رد

عمر،،،،،،مودحاجيج ماشي عفتها ونزلت سلمت عالبنات وطلعت شفت احمد

احمد،،،،،،ها اوصلك بطريقي

عمر،،،،،لا دنتظر اركان روح

احمد،،،،،ماشي طلعنه اني وسجاد شغلي كل ماشي وصلنه لمستوى زين اريد اثبت نفسي اصحح روحي سجاد وياي صار واحد من عدنه بس مرات خطيه ينقهر من حجي رياض يكله لفيه عدنه طبعا هو يغلس بس اني مااتحمل اتعارك
___________________________________________________
سرى،،،،،،،غسلت وكملت فتحت جنطتي البنات حاطاتلي هدوم زينه تناسب وضعي كملت ونزلت للحجيه جان يمها رجال جبير بالعمر سلمت عليه