القلب❤(باللهجة الجزائرية)

P.A.R.T 23

جازو يامات ...مبقاش للريزلتا تاع الباك ..ميسا ونورهان يحسبولها بالنهار

يونس : ااه ياميسا كون غير مجيبيهش

ميسا: ااااع حرام عليك علاه تقولي هاك..

يونس: والفت بيك قدامي يالزح.

ميسا: امممم مكرهتش مني كل يوم مقابلاتك هههههه

يونس: نن منكرهش ...نكره من عمري انا !!!

ميسا: ههه نورمال توالف ...هكا خير باش تتوحشني

يونس تنهد : متحكيليش على الوحش يرحم باباك..ديجا نستنا في نهار الريزيلتا غير باش نشوفك

ميسا: راني خايفة يونس ...خايفة منجيبوش...كلما يقرب النهار هذاك يطيح مني النص.

يونس : اذا جبتيه سلامات ..واذا مجبتيهش نتزوجو وفرات ههه

ميسا: ننن حابة نكمل قرايتي

يونس: نضحك معاك ..نشالله جيبيه ونجيبلك باطة شيكولة تتع خمسمية المدورة هذيك هخخخخ

ميسا: شوف اسيدي هذاك هو الكادو هههههه

يونس: معجبكش معليش نجيبلك شيكولة تتع الروز متزعفيش برك ههخخخخ

ميسا: ههههه اتمسخر اتمسخر.

يونس : متتقلقي موالو جيبيه باينة ...انا البروف تاعك ماشي نتي

ميسا: زعما صح خدمت ؟؟!

يونس: وعلاه نتمسخر بيك..شفتك واش جاوبتي متتقلقيش جيبيه نشالله وتفكري هدرتي

ميسا: ريحتني ...نشالله من فمك لربي

من جيهتها نورهان ثان مقلقة من الريزيلتا تتع الباك..وعامر يحاول يخفف عليها ..وحتى هو مزال ممدولوش كواغط التخرج ...باش يحوس على خدمة بقا معطل .

لحق نهار الريزيلتا ...قالولهم تخرج فاليل ..

عامر مقلق وكلما يدخل للسيت يلقاه مزال مفتحتش...

نورهان تعيطلو مقلقة

نورهان : عامر مزال مفتحوهش ؟؟

عامر : مزال نتي علاه راكي مقلقة ...كي يفتحوه نبعثلك..متتقلقيش راسك..

نورهان: والله كرشي توجع فيا مالقلق ...راح نموت مانيش قادرة نصبر ..

عامر : هههههه شبيك مهبولة متعياي جايباتو وتضحكي على روحك..

نورهان : شوف عامر بلاك فتحوه.

عامر : يانورهان ..مزال روحي تريحي درك كي يفتحوه نقولك...

نورهان : اوك هاني نستنا ..

كوبا عامر...جا يونس

يونس : واش عامر مزال ؟