القلب❤(باللهجة الجزائرية)

P.A.R.T 22

لحق النهار تاع الباك...يونس يحرس اليوم ...ناض اول حاجة دارها عيط لميسا..

يونس : الو عمري صباح الخير..

ميسا: صباح النور .

يونس : لباس راكي مليحة؟؟

ميسا: ايه الحمد لله..شوية ستراس برك.

يونس: متتقلقيش ...شوفي كي يجيك القلق قولي يونس الله يعطيك غمة يونس الله يعطيك غمة يروحلك القلق ههخخخح

ميسا شبعت ضحك : هههههه علاه ندعي عليك..بعيد الشر...نقول يونس ربي يخليك ليا يونس ربي يخليك ليا..

يونس : اااخ ياقلبي ...روحي وجدي روحك واتكلي على ربي ..ومكلاه تتقلقي.

مبسا: نشالله...نستنا نورهان نروحو مع بعض..

يونس: ايهه وليتو صحابات.

ميسا: ياك نتا وصيتنا

يونس : ايه مليح..

ميسا: وقيل نجي ليها لثم نعيطلها

يونس زير على وجهو : ارواحي...شوفي اذا مقطعتلكش رجليك.

ميسا: اووه علاه

يونس : منحبش

ميسا: علاه متحبش

يونس: منحملش نشوفك قدام دارنا تساليني درك...نحس بشعور غريب ههخخخ

ميسا: ايما على شعورك هههههه ..المهم من بعد

يونس : بون كوراج

ميسا: ميرسي

خرجت ميسا بقات تستنا فالبيس وفي نورهان ...خاطر ميجوزوش فاليسي تاعهم.

ميسا: وين راهي هذي المخلوقة..

شوية هاك شافتها جاية..

ميسا: هذاوين طولتي.

نورهان : ديزولي ..هاكي عارفة تعطلت..

ميسا: واش كنتي ديري ؟؟

نورهان: ميسا انا معنديش ام تنوظني الصبح...يارييت كون ترجع ماما. ...شحال تمنات تعيش هذا النهار مي الله غالب

ودمعو عينيها ..

ميسا عنقتها تصبر فيها .

ميسا: خلاص نورهان امسحي عينيك....المهم لي وصلني وحققتي واش حبت..

نورهان : صح...الحمد لله..

ميسا: بصح علاه مدرتيش رافاي ؟؟!

نورهان : درتو...

جات البيس طلعو ويحكو

ميسا: امالا علاه جيتي روطار...واش كاين نورهان ؟؟ احكيلي ديريني ختك.

نورهان حاسة بقنطة ..وميسا حاسة بيها

نورهان: الله غالب يلزم نخمل الدنيا ونغسل الماعن باش نخرج...ولا هذيك السمية تاع مرت خويا كاشما دير فيا...