____________________
هبط عامر تلقا بيونس فالكوزينة ..
يونس : واش فريتها ؟؟
عامر حك راسو ويضحك : ايه ..غدوة نشالله تروح تقرا ليكور.
يونس : مليح.
غدوة منذاك الصبح يونس خدم...ولعشية على الوحدة راح عند ميسا
لقاها تستنا فيه ..شافها تبسم...راح عندها..
يونس : سلخييير..
ميسا تبسمت : سلنوور .
يونس يحكي معاها ولي يقراو عندو وجاو يقراو ليكور كي يشوفوه يسلمو عليه..يعني يقولو سلام عليكم شيخ
ميسا : بففففف
يونس : شبيك ؟!!
ميسا شنفت :والو
يونس يضحك عليها عارفها غارت..
ميسا : امشي نروحو..
يونس جا رايح شاف نورهان .تبسم وقال نورهان جات مليح .
ميسا شافت فيها وفيه لقاتو يضحك..قلقت منو ومشات مشنفة وقالبا وجها..
لحقها ويضحك..
ميسا: علله تضحك ؟!
يونس : عليك .
ميسا : وعلاه شوف فيا كلون..
يونس : امممم نضحك على عمري شكون يسالني...
ميسا: امممم
يونس : حبيبي الغيورة متزيديش تغيري..
ميسا: شكون هذيك ؟!!!
يونس : نورهان ؟؟!؟
ميسا بغش : ايه شكونها
يونس شابع ضحك : ياك قتلك حبيبة عامر اسمها نورهان
ميسا : امممم حبيبة عامر هذيك !؟؟
يونس : ايه..
ميسا: علاه فرحت كي شفتها ؟!
يونس : حكاية طويلة امشي نحكيلك..
حكالها يونس مع لطريق ...
ميسا: امممم حابة نتعرف عليها .
يونس: المهم هاني وريتهالك...مسكينة ديما ترسللنا متهلية فينا
ميسا: كون نسكن قدامكم حتى انا نتهلا فيكم
يونس : اتهلاي فيا انا بركاات دنيا و ما فيها .
راحت ميسا ويونس فطرو وحكاو وضحكو..وفهمها فالتمرين لي مفهماتوش..
شاد ستيلو ويضرب فيها لراسها
يونس: فهمتي درك.
ميسا: اممم فهمت ...ميرسي
يونس: خلصيني .
ميسا : بووه عليا واش نخلصك..تتقعد.؟؟
يونس : ر*** مانيش نتقعد ...من نيتي !!!
ميسا: ماركي فالكارني ههههههههههه
يونس: تخلصيني ودرك.
ميسا: واش نحلصك ؟!!
يونس : غمضي عينيك.
ميسا : نن
يونس : غمضي قتلك .
ميسا وجها ولا حمر : نننن يونس راني عارفة فاش راك تخمم
يونس : واش راني نخمم يالالة ؟؟
مبسا: منقولش ..بصح منغمضش
يونس : هههههه غمضي تخافي مني قولي !!
ميسا: ماشي نخاف منك...نخاف من تخمامك..ورانا برا
يونس : وانا واش راح ندير..
وبقا يعوج في فمو يعاود في هدرتها ..
ميسا: اووه واش راح دير ؟؟
يونس : غمضي
ميسا غمضت وحطت يديها على وجها ويونس يضحك عليها..
يونس : افتحي.
فتحت لقاتو بوبون صغير مكتوب فيه حرف M & Y..تبسمت.
يونس : هذا. m. ميسا و y يونس. الحب ...لقيتو فالمكتبة لي نخدم فيها جبتولك ..يالموسوسة هههههخخخخخخ ...
ميسا: اععععع يهبل ..ههه
جازت عشوة هبال بين يونس وميسا نحاو فيها الوحش والضغط تتع القراية والخدمة. .
فاليل لطفي قاعد يلعب فالبلايستايشن...وداير كيتمان يدندن مع الغنية تاع بن شنات
قولها كنت برا عايش لاكلاص..وليت نرقد على الزورا والباياص..قلها كنت برا مكاش لي يحوس عليا..نتي دمرتني براس بويا....يافالڨلب ضربتني..حيا عليا وكي درتيلي..وهيااا يااااا..ويا انا عليك راني محرووڨ..خايفة تموت ويهودوك في صندوق....نڨتل روحي انااا..ڨلبك مافيهش الحنانة
بقا يدندن حتى صونا تليفونو...شاف النومرو معرفوش.
رفد : الو .
سمع الصوت عرفها حنان
حنان: الو لطفي ..متكوبيش عيشك.
لطفي : واش تحوسي عندي ؟؟!
حنان : لطفي ...سمحلي على كامل واش صاار ..الله غالب شيطان دارها بيا .
لطفي : ميهمش كلشي جاز درك.
حنان : علابالي راك مجروح...مي حتى انا ندمت وراني حابة نعوضك من كامل واش حرمتك...علابالي مش وقت الهدرة هذي ..مي راك مجروح وغير نتا لي تحبني وعلابالي قلبك مزالو عندي ..مزالك تحبني لطفي علابالي .
لطفي تنهد : ومنبعد؟؟ محال نولي ليك...درتي بزااف صوالح خلاوني نكره منك.
(متنساوش جام لصفحتي اسمها كرونيكات رزقو من الواقع )
حنان تبكي : خسارة ..علابالي خسرت ..مي انا راني هنا وقت متحتاج ...وراني ندمت .
ومستعدة نطلب السماح من خوك وميسا ..المهم عندي نتا تسامحني .
لطفي قلبو وجعو ...مشكلتو مزال يحبها ويحاول يتناسى ..ويكمل حياتو والشي لي دارتو ماهوش قليل ..
حنان : خمم لطفي ..خمم وديما دير في بالك بلي مستعدة نعطيك قلبي وحياتي ...اتهلا في روحك..
وكوبات..
لطفي حط التليفون تنهد مقهور..
لطفي : درك ق**** هذي راحت وولات ليا...علاه يا ربي علاه مانيش قادر ننساها ..حاب ننساها يالرب العالي ..
تنهد وحط راسو على الكورسي ويخمم..
خرج يونس من بيتو لقاه غايس .
أنت تقرأ
القلب❤(باللهجة الجزائرية)
Romanceإذا ما بدت من أخيك لك زلة فكن أنت محتالاً لزلته عذراً، أحب الفتى ينفي الفواحش سمعه كأن به عن كل فاحشة وقراً، سليم دواعي الصدر لا باسط أذى ولا مانع خيراً، ولا قائل هجراً..
