لطفي قاعد فالبحر حزين مدمر...متوقعش حنان تخرج خداعة هاك..كان يشوف فيها عاقلة وبنت فاميليا وفلخر ضهر كلشي خرطي ..وكانت تتمسخر بيه..
تنهد من قلبو حزين
لطفي : علااه يا حنان علااه ...واش ذنبي انا حبيتك برك..مانيش عارف فاش غلطت معاك ..ونتي تتمسخري وجوزي بيا الوقت..
ااه يا ربي ..
كون جيتي راجل كنت بردت فيك جنوني وطفيت حرقتي مي جيتي طفلة وماشي اي طفلة...الطفلة لي بغاها ڨلبي ...ااه ياڨلبي ومدرت فيا..
...
بعد ايام...الماصو كملهم التور تور وقسم الداخل ...وحبس معندهمش باش يديرو دالة حتى يخلص يونس
...ا
لحقت العطلة تتع الشتا ....نهار. طيح فيه شتا قاوية والبرد..يونس ماشي خدام ..حب يروح ينافيقي خدمة باش يدبر مصروف..
يونس : لطفي شوفلنا كش خدمة جيهتك
لطفي : ونتا ملقيتش ؟
يونس: كون لقيت منقولكش.
لطفي : نشوفلك..
دخل عامر
عامر : يونس هاك اهدر مع زبير باش تشدلو المكتبة فااعطلة هذي .
يونس : ايا مليح..
حكا يونس مع زبير وقالو ارواح ليا نفاهمو.
..
خرج يونس ..
عامر : لطفي ...نحتاجك
لطفي : خير ؟؟
عامر : كاين واحد لازم نعاودو نربوه.
لطفي : شكون هذا !؟
عامر : كريم جارنا خو نورهان
لطفي : واش دارلك ؟
عامر : ماشي ليا...هي ضربها ..على جال مرتو .
لطفي : وخوها وين المشكل ؟
عامر : يضربها كي تخسر ماشي مظلومة وتنضرب ...تعرفني لطفي منحبش عليها ..وانا راني نغلي منو .
لطفي : واش ناوي دير؟؟.
عامر غمزو: نتهلاو فيه واش قلت .
لطفي ضحك : هههخخخ عندي مدة مكسلتش يديا ياراستك ديجا انا راني مق*** خليني نبرد فيه قلبي .
عامر : صحاا لطفي ....بصح متقولش ليونس هاك علابالك ميبغيش.
لطفي : ايه علابالي..خليها بيناتنا
عامر : اليوم فليل نفروها ..نقاطعولو كي يكون جاي المخدمة .هو ميرجعش بكري .
...
لحق الليل خرج لطفي وعامر...يونس شافهم تسرسربو واحد مور خوه شك فيهم...
خرج يتبع فيهم..
أنت تقرأ
القلب❤(باللهجة الجزائرية)
Romanceإذا ما بدت من أخيك لك زلة فكن أنت محتالاً لزلته عذراً، أحب الفتى ينفي الفواحش سمعه كأن به عن كل فاحشة وقراً، سليم دواعي الصدر لا باسط أذى ولا مانع خيراً، ولا قائل هجراً..
