_______________________________
يونس يحكي مع ميسا
ميسا: واش وصلت؟؟
يونس: ايه هذاوين لحقت ...لطفي وعامر لحقو قبيل
ميسا: امم مليح راكو زاهيين امالا ههه
يونس: ههه لطفي هو لي راهي زاهي فينا
ميسا: علاه ؟
يونس: قاتلو يما لقاتلو طفلة وجا باش يشوفها.
ميسا: اممم مليح..ربي يكملو نشالله وتعجبو وتكون حلالية
يونس: نشالله يارب...نخليك درك راني مع الجماعة..هكا عمري
ميسا: معليه..منبعد
.
ميسا كوبات وخمت تعيط لحنان وتحكيلها خاطر معتبرتها صحبتها لانتيم
ميسا: الو حنان لباس
حنان : لباس ونتي
ميسا : الحمد لله ..كان شوفي لطفي خو يونس لي كان يظل موراك...راح بخطب
حنان حلت فمها مخلوعة : يخطب ؟؟ وقتاش هذي ؟؟
ميسا: اليوم راح يشوفها فالعرس ...يماه قاتلو عليها
حنان معجبهاش لحال : بصح كان يحبني انا
ميسا: علاه زعفتي ...تحبيه حنان ؟؟
حنان : منعرف...والله منعرف...يدبر راسو..
وكوبات..
ميسا : وقيل حنان بدات تحبو بفففف..مسكينة.
..
حنان تحكي مع روحها
اوااه لطفي هو سلاحي هو وميسا البهلولة ..كيفاه نخليه يطير مني بالسهولة هذي...اواااه يلزم نرجعو ليا باش نوصل لبونس..معنديش حل.
عيطتلو لطفي قاعد مع يونس شاف نومروها عرفو...استغرب كيفاه تعيطلو وهي راهي مع يونس
كوبالها ..
بونس: شكون عيطلك؟؟
لطفي : ااه.. وحد السامط خطينا منو..
وناض من قدامو ..
بعثتلو حنان ميساج.
لطفي انا حنان ...صرا سوء تفاهم ...ميسا صحبتي هي لي راهي مع يونس خوك ماشي انا ..درك عيطتلي وقاتلي وفهمتني سقسي خوك وشوف
لطفي مخلوع...راح عند يونس وقلبو يضرب خايف متكونش صح وتتخلط مع خوه
قعد لطفي يحك في راسو
لطفي : احم...عيطتلك حنان ؟؟
يونس: شكون حنان ؟
لطفي : حبيبتك شكون حنان ؟
يونس: حنان صحبتها ..اسمها ميسا
لطفي حس غمة تنحات على قلبو تبسم
أنت تقرأ
القلب❤(باللهجة الجزائرية)
Romanceإذا ما بدت من أخيك لك زلة فكن أنت محتالاً لزلته عذراً، أحب الفتى ينفي الفواحش سمعه كأن به عن كل فاحشة وقراً، سليم دواعي الصدر لا باسط أذى ولا مانع خيراً، ولا قائل هجراً..
