القلب❤(باللهجة الجزائرية)

P.A.R.T 11

لطفي شاد في كرشو مالضحك..ويونس يندب

يونس: اضحك ياوجه الشر...درك انا واش نلبس خسرتلي كامل حوايجي؟!!!

لطفي: ههخخخ نورمال زيد اشري

يونس: باه نشري بق*** ؟؟؟ ياك علابالك بروف جديد مزال باش يخلصوني

لطفي : اوو كتبت واش حابني نديرلك درك...الله غالب

يونس : شوف متزيد تمس والو هذو لي تخسرو تحرقهم بلاك نجي لعشية ونلقاهم...ولي بقاو خلي حتى نجي ونشوف كيفاه نغسلهم

لطفي : كيما تحب

خرج يونس يقري لعشية على الوحدة ...ولطفي خلا تليفونو في فالدوش نساه وغلق اباب ..

وراح قعد فالساحة يحرق فالحوايج هذوك لي تخسرو..

نورهان رايحة تقرا على الوحدة شافت النار شاعلة في ساحتهم وبانتلها قدام التاقة تاع الكوزينة ..تخلعت..بقات تخمم..

نورهان : يونس شفتو كي خرج ولطفي خدام وعامر فلافاك ...يعني مكان حتى واحد فالدار حااي عليا ..حااي عليا دارهم تحرقت وهو ما لا خبر..

راحت تجري وهي اصلا خرجت روتار ..فليكسات وعيطت لعامر لي كان جاي للدار...رفدلها

عامر : وي نورهان لباس !؟

نورهان مخلوعة: واش من لباس...داركم راهي تخرج منها الدخاان ...وقيل الكوزينة تحرقت ...منعرف

عامر : اووو ؟؟؟ وخاوتي ماهمش ثم ؟؟

نورهان : يونس قبيل خرج ولطفي ياك يخدم ميجيش للدار.

عامر : ااه يا ربي واستر هاني جااي

بقا عامر بعيط ليونس غالق التليفون خاطر دخل للقسم ديما يغلقو....زاد عيط للطفي يصوني مرفدش...نساه فالدوش والباب مغلوقة...

قاعد يدندن ويشعل فالنار..ولبس قشابة خاطر حوايجو توسخو وملقاش واش يلبس وزاد دار القرمونة على الصهد تتع النار

عامر يجري طاااير للدار..يعيط لخاوتو والو..

يجري ويدعي في ربي...لحق لدارهم لقا الدخان خارج منها ..دخل يجري مخلوع ...شاف لطفي قاعد بالضهر ولابس قشابة معرفوش ...وقاعد يشعل فالنار...

عامر لقا كورسي قدامو ويخبطو بيه على الراس

لطفي عيط : اااااااااه ...شكون هذا ؟؟!

ودار لقاه عامر

لطفي : هذا نتا؟؟؟ علاه تضرب فيا هبلت ؟؟!!

عامر استغفر: شفت الدخان حسبت كاش واحد يخرقلنا دارنا ..وزيد بالقشابة معرفتكش...اليوم سخانة.؟؟؟

لطفي شاد في راسو يحك فيه وجعو

لطفي : ياودي مخدمتش اليوم وملقيتش واش نلبس لبستها.