القلب❤(باللهجة الجزائرية)

P.A.R.T 10

ر الشخصيات..ول نخليكم تتخيلوهم كيما راكم متخيلينهم😁

********************************************

راح يونس ولطفي يخدمو ..وعامر راح لافاك..

يونس يدخل للكلاصة يشوف ميسا يتبسم ويغمزها .. لي يقراو معاها كامل فايقين بلي بيناتهم حاجة سبيسيال

يونس بدا يقري فيهم واعطاهم تمرين يديروه مالكتاب

جبدو الكتاب باش يحلوه

يونس شاف في ميسا مقلق ..مفهمش

قاتلو : نسيت لكتاب مجبتوش.

يونس ميل راسو زعما كيفاه تنسايه...جبد كتابو لي مقسمو على حساب المحاور..

حطولها باش تحل منو ولي يقراو معاهم يتغامزو عليهم.

يونس ماهامو حتى واحد ...هو في راسو المهم يحبها وراهي قدامو وديما يشوفها

يونس: اعطوني روجيست تاعكم نصححهم خاطر السمانة الجاية يجي المفتش

يونس بدا بالصف الاول لي فيه ميسا..

جمع كامل لي روجيست ويصحح وخلاهم مع التمارين يحلو فيهم

صحح كامل الصف...بقالو تاع ميسا خاطر هي تقعد الاولى الروجيست تاعها هو لي قعد لخر..

بقا يشوف فيه وفيها وهي غايسة مع الحل تاع التمرين.

يشوف فيه ويصحح لقاه منظم ...تبسم

كمل صحو كامل ...منبعد جات في بالو فكرة..شاف في ميسا

يونس: عندك قلم رصاص ؟؟

ميسا: ايه استاذ...هاك.

يونس راح للصفحة الاولى تتع اسمها ميسا **** زاد كتب قدامها بلعربي بالقلم ..

وشاف فيها وشاورلها بالقلم وخباه القلم ..تبسمت معناها نديه خليه عندي.

رجعلهم لي روجيست...ميسا مقلبتش الروجيست مشافتوش كي كتبها..

كملو صحو التمرين لي عطاهولهم..

وخرج

ميسا كي راحت للدار فتحاتو حتى شافتها تخلعت.

ميسا **** بلعربي...

ميسا؛ خااااه مهبول حطلي لقبو هنا هههههه

اععععع نعيطلو

رفدت تليفونها وعيطتلو....

يونس بالزعااف : الوو شكووون ؟؟

ميسا مستغربة : شبيك يونس؟؟

يونس: اااه ميسا !!!؟... مشفتش النومرو ...درك نعاودلك

عاودلها: وي حبيبي لباس؟؟

ميسا: انا لباس مي نتا علاه راك مقلق

يونس: ياودي يما راحت عند خالي تريح سمانة وخلاتنا وحدنا فالدار ...اول مرة ديرها

ميسا: ايه خليها مسكينة براحتها