انقلاب حياة (روايات ليبيه)

الحلقة 7

#انقلاب_حياة

#الحلقة_السابعه

الكاتبة مرام احمد
Meroo Ahmad

🌹"«قراءة ممتعة»"🌺

طول الطريق مافيش حد نطق بكلمه وصلنا المستشفى نحيت الجبس اول ما طلعنا ركبنا في السياره نفس الشي مافيش حد تكلم درس يوسف السياره
يوسف: حياه
انا: نعم
يوسف:عارف الي صار غلط وعارفك مش راضيه ومجبوره عليا طبيعي انتي زي اي بنت تحلم تاخد شخص ايحبها واتحبه واتعيش حياتها امع شخص الي يختاره قلبها
انا قعدت ساكته ونسمع فيه
يوسف: صح سالتك قدام الكل بس حاس انك مش اموافقه
انا تنهدت بتعب: كل شي نصيب خلاص صار الي صار مانقدروش انغيرو حاجه
يوسف: اسف ماكنت نبي انخش حياتك بالطريقه هذي بس الي صارلي صدمني مافكرت في نتائج كلامي بعد انعصب عارف بقراري غيرت حياتك مرات في شخص بحياتك وانتي اطريتي اتوافقي عشان العيله
انا:مافيش حد بحياتي
يوسف: توا بتقنعيني انك ماحبيبتي
انا:لو ماتبيش اتصدق براحتك
يوسف:به عدل ولد اخت امنه شنو صح كنتي معجبه بيه
انا انصدمت: من وين تعرف
يوسف: يومها بعد تحكي لي البنات انا كنت في البلكونه نسمع فيكم
انا : مافيش كلام بينا ولا اعطيته اي فرصه زي ما اسمعت انت يعني ما ايهمني لاهو ولا غيره
يوسف: بنعرف عندك مشاعر اتجاه لو اتحبيه او الا
انا:لا مانحبه شخص عادي غير اعجبت باهتمامه ليا في وقت كنت انا محتاجه حد يهتم بيا وايحن عليا لانه كنت فاقده هل الشعور بس توا الحمدلله هلي امعايا وايحبوني مانبيش شي تاني
يوسف: نفهم انك كنتي ماتحبيش ولا صار كلام بينكم ولا هدرزتو
انا: لا ماصارش خلاص انروحو
يوسف: لا وين لين انكمل كلامي
انا بعصبيه: شن مزال
يوسف: لازم نتفقو من توا لانه بعد ايام قليله بتكونو في بيت واحد وايسكر علينا باب واحد
انا: به قول الي عندك
يوسف:خلينا من توا متفاهمين تطلبي اعيوني نعطيهن ليك اي شي تطلبيه تلقيه في دقائق مش حا انقص عليك شي بس مش حا ايصير بينا اي شي من غيرك ارضاك كوني مطمنه انا مش حقير لدرجة نجبرك علي حاجه انتي ماتبيها
انا: علاش اخترتني انا بالتحديد ولا علي خاطر انا سمحه
يوسف: عمره الجمال ماكن يجذبني زي الاخلاق صح انتي سمحه ماشاء الله عليك بس صدقيني زواجي ليك ماكنت شهوه ولا علي خاطر انك سمحه بس انتي الوحيده الي خطرت علي بالي ممكن نتقبلها كازوجه ليا لانه باقي بنات عمامي معتبرهن زي خواتي ميس ومنار
انا سكتت
يوسف: عارف من حقك تسالي كل هل الاسئله عارف صعب عليك تزوجي شخص كان ايحب وحده غيرك
بس صدقيني هي معاش تعنيلي اي شي بعد الي صار
انا: شن صار
يوسف: مانبيش انوجع راسك بس بنختصرلك هي خانتي وغدرت بيا ولعبت بمشاعري واستغلتني لي مصالحها الشخصيه اخساره ضيعت عمري امعاها
باعتني بالرخيص
انا وجعني يوسف: صدقني ربي حا ايعوضك باحسن منها واحمد ربي انه اكتشفتها قبل ماتزوجو
يوسف ابتسم بوجع: ممكن ربي عوضني بيك
الا هيا خلاص طاح من عيني ومن قلبي معاش ليها وجود بحياتي
انا سكتت ماعرفت كيف انواسيه ولا انواسي روحي
يوسف حب ايغير الموضوع: ناقصك شي
انا: لا الحمدلله كملت
يوسف: ينقصك شي كلميني تمام
انا:تمام
رن تليفوني وكانت ماما فتحت الخط
انا:الو
ماما:وينك طولتي
انا: اهو امروحين غير طولو في فك الجبس
ماما:تمام غير انشغلت عليك ليك قريب ساعتين طالعه
انا:لالا ماتخافيش اهو امروحين
ماما: تمام
وسكرت
يوسف: خيرها عمتي
انا: انشغلت قالت ليش طولتو
يوسف ضحك:يحسابو خاطفك ابصر شن انديرو بعدين انتي ايام واتكوني مرتي 😂😂😂 اعقول مريضه امتاع زمان
انا ابتسمت: الله غالب خايفين عليا
يوسف: من منو بيخافو مني انا مستحيل نأذيك زي ماهم خايفين عليك حتي انا خايف عليك مني مهما كان انتي عرضي وشرفي
انا سكتت
ولع السياره وطلع علي الطريق
يوسف:جعتي
انا: اما جوع ماما اتراجي فيا مزال بنمشي العشيه بنقيس الفيلو
يوسف: توا الساعه كم
انا رفعت هاتفي شفتها : 10 ونص
يوسف: اكيد طلعتي بلا فطور صح
انا: مش مهم توا خلي انروحو
يوسف غير طريق: مش حا انروحو عازمك علي فطور
انا: والله ماما اتعصب
يوسف: توا انكلمها انا
انا: بتجي علي راسي فكني والله مش جعانه
يوسف:خلاص قررت انا
اتصل باماما وقاللها نبو نفطرو امع بعض وانروحو فالاول ماما رفضت بعدها وافقت
يوسف: توا سبلتك بامك خلاص
انا سكتت مش عارفه شعور متلخبط
يوسف نفسها بزبط كان يبي يفتح صفحه جديده بحياته وينسا الماضي وايعيش حياته مايبي يظلم حياة يبي يعطي فرصه لروحه
درس علي مطعم
انا: يوسف مانحبهم المطاعم
يوسف: علاش
انا: هكي ماعمري خشيتهم ولا انحب ناكل فيهم شن منضرك والناس اتشوف فيك
يوسف ضحك: حاضر توا ناخدو وجبه ونمشو ع الشط شن رايك
انا: تمام زي ماتبي
نزل يوسف جاب وجبات وامعاهم مشروب
يوسف: ان شاء الله يعجبك ذوقي انزلي خلي نمشو مش بعيد الشط
نزلت انا ويوسف نتمشو ماكن بعيد واجد
خدينا طاوله
انا: غريبه مافيش ناس
يوسف: ماهو خلاص خش الشتاء البحر امسقع مايجوش ناس لين الصيفيه
انا: اي صح الجو بارد
بدينا ناكلو انا يوسف كل مره ايهدرز موضوع عادي كملنا كان الجو حلو وهادي
يوسف: الجو ايهبل البحر سهفني اححح الجو رومانسي 😂😂😂
انا اشرقت طول
ماكان جايب اميه
يوسف اوقف جنبي ويمسح بايده علي ظهري ويضحك
انا:نبي اميه
يوسف: من غبائي انسيت الميه توا انجيبلك
خليك هنا مانحركي
مشا يوسف
انا حاولت انهدي روحي
مر من جبني ولد ايعاكس ويحذف في كلام هكي كبره
الولد: غير عدل علينا ياحلو انت
انا نزلت راسي خايف ايجي يوسف
الولد: نعليا من المتحشم والخدود الحمر انجي ناكلهن تي انموت غير ارحميني خليني انشوف العيون الخضر 🔥 غير كم رقمك مدار ولا اليبيانا يانعليا اكيد صوتك احنين زي شكلك كنك ماتتكلميش انجي انقعمز جنبك شكلك ابروحك قاعده تي قمر زيك يقعد ابروحه غير ردي عليا ياسمحه
يوسف مسكه منه قميصه: اترد علي امك ياكلب وطاح فيه ضرب
الولد يضحك: شكله انت صاحبها 😂😂 غير خلي نتفاهمو يوم ليك ويوم ليا خلينا اصحاب وربي تكسب من وراي
يوسف سمع كلامه جن اجنونه: وقعد يضرب فيه خله وجه كله دم كسره تكسير
يوسف هو داهش: مرتي ياكلب
الولد خاف بعد القتله: اسفه والله مانحسبها مدامتك لانه مش لابسه ذبله
يوسف ضربه علي خشمه بقوه لعند قعد خشمه
زي الشيشمه ينزف دم