عذريتي مقابل براءتي

البارت العاشر

من تشتاكلي تحن لو برد طبعك                  هم تريد تحجي  ومحد يسمعك

هم يصادفك موقف وأمر عالبال                  وتسكت بس يسولف خنكتك دمعك 

هم تتمناه صدفه اجيبني من بعيد               وتنسى تحبني بس ذاكرتك ترجعك

تذكرني تبجي تريد تحجي وياي                 بس  الكبرياء العندك يمنعك

يارين :رجعت من يم نقيب عمار واني بدوامة افكار الها اول ما ألها آخر يعني شنو

ممرضه كول خدامه يكلي ممرضه يجملها لا ميحتاج تجميل اي يا يارين راح تشتغلين

بالبيوت وبعدين أخذ جهالي من علاء أسأل نقيب عمار شلون أخذ جهالي من علاء

قررت انطي خبر لأمي رحت لكيتها كاعده وتباوع على الشباك كعدت يمها وكتلها يمه

لكيت شغل

ظلت تباوع عليه منتظره أكمل كلامي كتلها بيت نقيب عمار

كالت شنو تشتغلين يمه وشرحت حالة مرته كالتلي بنتي يعني خدامه

كتلها خلاص بعد ما عدنا حل وقررت  أخذ جهالي من علاء

كالت -هذا الي جنت صافنه بي علاء اخذ جهالج وانهزم هنا نصدمت وكمت ادك وألطم

ورحت أركض لبست عبايه وطلعت بسرعه وصلت يم بيت عمتي رويده وكمت ادك

بالباب بخبال انفتح الباب حتى ما شفت منو فتح الباب دفعت الباب وهجمت ودخلت جوه واني

اصيح  لك علاء وين أخذت جهالي لك اريد جهالي الله لا يوفقك صارن كبالي عمتي ورؤى

وعمتي صيح ولج شجابج بيتي هسه أبلغ عليج واكول هاي تريد تبوكنا هنا فقدت جنت اريد

حجه كمزت على عمتي وجلبت بشعرها وتمالخنا هي ورؤى واني وحدي على حس العياط

اجوي الجوارين فاككونا رجعت على أمي مدمايه 

دارين-رحلة عمر مجهوله نذهب إلى أماكن مجهوله محد يعرف راح نرجع منها لو ذهاب

بلا عوده حرك السياره ونطلقنا وجانت الدنيا ليل ظلام بس تستطيع تميز لأن القمر

جان في وقتها محاق مثل حياتي وجان السكوت سيد الموقف إلا من شهكاتي

وهو يسوق بكل سرعته انتبهت يسوق على طريق خارجي حسيت بخوف تملك كل جسمي

وروحي سألته أحنا وين رايحين  ما جاوب وظل مستمر وكأنه ما يسمع

إلى أن خفف من سرعته ونزل على ترابي مشى مسافه وكف السياره

وفتح باب السياره وكلي نزلي اباوع بكل مكان كل شي ماكو بس صوت

الكلاب تنبح خفت وكتله ما أنزل ولطشت بالكرسي  وما عاد السؤال مرة ثانية

جرني من أيدي بقوه  ونزلني  وشمرني على الكاع وسحب أقسام هنا حسيت خلاص