#عجائب_الاقدار
بقلم: زينب ال محمد
الحـلـقـة 7
...........
بعد مرور ٣ سنوات
مروة: - مرام صار عندها توأم ولد باقر و بارق، منار صار عندها ولد و بنت ايلين و وليان، اني نحجت و صرت صف سادس، هنا تركتتتت كلشي من تليفون، تلفزيون كلشي عفت هنا مصيري يعادل ١١سنة و ١٠ شهور اهنا اما اكون او اكون ، گعدنا اكثر من شهر، كلها دراسة حتى استراحة ما استريح، دخلت تدريس خصوصي مادة كيمياء، رياضيات، انگليزي هذني المواد عندي بيهم صعوبة، اجا يوم الامتحان نمت بـ ١٢ گعدت بـ ٥ امي گعدت وياي صليت خلصت تريكت بديت اراجع على السريع خلصت بدلت اجت هدى رحنا الطريق كلة اراجع اني وياها، دخلنا للقاعة الخوف و القلق و التوتر مبين على وجوه الطلاب اجني المراقبات، وزعوا الاسئلة و الدفاتر، بديت احل بالدفتر بقى السؤال الاخير ممتأكدة منه مجاوبتة نص و نص، مرت ٢٠ يوم ويا الامتحانات خلصنا، اجت العطلة، اما اني فخلصت العطلة قلق و خايفة من النتائج، اما هدى ف هي فرحانة خلصت من الدوام و حتبدي كلية، الثقة عدها فول انُ هي ح تنجح 😂 ، اجا اليوم اللي يوزعون النتائج بي ،
...........
في مكان آخر
...........
جميلة (ام علي) : - يمة علي البنية صارت سادس اريد اخطبها الك تقبل بيها لو لا حتى مو بعدين تگول امي اختارتها و اني ما اريدها،
علي: - بكيفج يمة
جميلة: - هم گال بكيفج هذا زواج يمة مو لعبة يوم و يومين
علي: - قابل يمة قابل روحي خطبيها
جميلة: - متأكد ؟ كلمتك الاخيرة؟
علي: - اي متأكد و كلمتي الاخيرة بعد؟ باجر تخطبيها
جميلة : - ماشي
...........
في مكان آخر
...........
اجا اليوم اللي يوزعون النتائج بي ، بيومها اجتي مرام و منار و اطفالهن، جبت اللابتوب، لحتى انطلع التتائج عليها، دخلت على للبحث اسم مدرستي و اسمي و رقمي الامتحاني ، طلعت النتائج
مرام: - عاااااا ولججججج طلعتييي ناجحةةةةةةة مبروكككك
منار: - مبرووككك حبيبيتي دكتورة ان شاء الله
مروة و هي تبچي : - شكد المعدل
- 98.9 معدلج ثمانية و تسعين بوينت تسعة
- مروة و هي حاضنه امها: - يمة حققت حلمج حصير دكتورة 🥺💘
- حبيبتي ، مسحت دموعها (امها ايمان ) بيومها هدى طلعت ناجحة لكن بمعدل صيدلانية اما مروة ف بمعدل دكتورة ، رحنا اني و هدى لحتى نشتري ملابس جديدة للكلية خلصنا كلشي بيوم واحد بقى بس الشوز و الجنط عفناهم على غير يوم، ورا فترة اشتريناهم و اشتريت موبايل جديد، چنا كُلش متحمسين على اول يوم، بدا الدوام سجلنا ويا خط بمطقتنا، اول يوم كلية صار بينا موقف ينذكر مينعاد 😂 ، للي هوَ
_ اول يوم بالكلية ، اجا علينا دكتور اسمه دكتور وائل، ف گال هسا اريد كل واحد يعرف على نفسة بالعربي و بلانگليزي، اني هنا بدا گلبي يرجف و عززه شلون حگوم اعرف على نفسي و بالمايك و اوكف يم الدكتور و اعرف 😨 ، ف خطيه البنيه الي بصفي سراها قبلي ف ميته خوف و وحده لزمت اید اللخ و نرجف رغم ما اعرفها ومتعرفني وصل سره الي يمه كلبي هنا يرجففف ف عرفت عن نفسي بالعربي وبالانكليزي جان الدكتور ياخذ المايك مني و يكلي شكد ماخذه بالانكليزي بالبكلوريا كتله ۹۹ جان يكول صفكولها وكلي انكليزيتچ كلش حلوه ومضبوطه وضل يكلي عفيه وهيج هنا الفرحه متنوصففففف بحيث هیج ردت بنفس لحظه اخابر ماما و اگول الها 😂
و هذا موقف هم صار بس طبعاً بغير يوم
_دا انزل من الطابق ف جان اتزحلگ ٥ درجات سوا
بحيث وصلت للطابق الارضي 😂 ، المهم الوكعة صارت
ام الزحليكة و الامنية و العالم التمت يعني كلها شافت 😞😂 ،
عبالهم صار بية شي لان الوكعه قوية، و اني منزلة راسي و
خربانة ضحك ، و الامنية و هاي يريدون يساعدوني و خوما تأذيتي و شي
رفعتلهم راسي و اني ميتة ضحك عاد همه كلها ضحكت ، خلصت الدوام و رجعت للبيت سولفت لامي هالموقف خربنا ضحك ،
_ بعد مرور ٤ سنوات بهالفترة صارت عدنا شلة مختلطة ف واحد بيهم حاچي لهدى ان هو معجب بيه و گلت لهدى ، اذا يحاجيج مرة لخ كوليلة ماگتلها عنك، على اساس اسوي نفسي مادري بس، بس اني الصراحة انعجبت بي مجرد اعجاب، (اسمة همام)
...........
في مكان آخر
...........
هدى: - صرت مرحلة اولى و تقدم علي وافقنا و تزوجنا بهالفترة علي بدا يحبني و اني اصلا احبه ،عشت احلى ايام ويا، تخرجت صار عدنا ولد سميته حسين بوقتها جان اول يوم محرم و سميته هيج على اسم الامام الحسين (عليه السلام) بين فترة وللخ اروح لاهلي علي عزل الي بيت وحدي رغم اني مطلبت منا بالعكس كتله خلي نبقى هنا احسن مقبل كال اول و تالي عازل ف عزلت من هسا، اما اهل علي عيالي، ف جانوا كلش يحبوني بس اخته تخبث و من تجي لاهلها تبدي اتأمر اگول عادي كم يوم و تروح عادي اني متزوجة علي ممتزوجتها هيَ حتى اهتم الها ، بيوم من الايام علي خابرني و يگول
_هدى بدلي لحسين و انتِ على السريع استعجلي، ردت افهم منه ليش و شكو؟! سد التلفون و غلقة عاد اني كلت خاف صاير شي بدلت بسرعة اجا اخذني طول الطريق ساكت و صلنا لمكان؟!! معقولة
........... يتبع
تصويت ممكن 🥺❤️
دمـتـم فـي حـفـظ الله
تحياتي: زينب ال محمد
الى اللقاء في الحلقة الاخيرة ❤️.
أنت تقرأ
عجائب الاقدار
Short Storyالانتصار على تحديات الحياة نجاح إنما ، النجاح الساحق انتظار التحديات و الصعوبات بلهفة للانتصار عليها لهزيمتها ، أي عقبات تلك التي تعوق طريقنا ، أي لحظات اليأس تهزمنا ، أي قليل الملل يمنعنا أهدافنا كلا كلا ليكن الإصرار سلاحنا و التحدي منهج حياتنا ن...
