عجائب الاقدار

الحـلـقـة 6

#عجائب_الاقدار
بقلم: زينب ال محمد
الحـلـقـة 6

...........

- انتظري والله مدتشوفين گدامج بعدهم مناشريها

- مراممم مررررررااامممم تعااااااييييي نشرووهاااا

- بشري شطلعتي؟

- مبروووكككك ناجحاااتتت،

- هدى و مروة وحدة حضنت لخ من الفرحة نجحن من الثالث لكن ببداية نصف السنة ، بيومها قررنه نطلع نتونس، يسار، كرار، ابو هدى، ام هدى، هدى، مرام، منار، مروة، و امهن (ايمان) رحنا بسيارتين الاولى يسوقها يسار هو و اهله ، كرار بسيارة بيها اهل مروة،

- اول شي سوينا رحنا لمطعم كلنا نزلنا كباب و تكه و المقبلات، مشروبات غازية، و وراها طلعنا رحنا لمدينة العاب كُلش تونسنه بوقتها، بعدين رجعنا اشترينا كيكة مكتوب عليها (مبروك النجاح H , M ) اسمائنا اختصروها بأحرف انگليزية ، رجعنا بطريقنا لگينا منتزه كعدنا بي و احتفلنا بنجاحنا، و وراها رجعنا، تقريباً رجعنا بليل بـ٩ ويا الازدحامات، من رجعنا شفت مرام مو على بعضها، گلت يجوز تعبت، نمنا گعدنا ثاني يوم، كل وحدة على شغلها إذن صلينا، تغدينا، مرت فترة على عطلة نصف السنة، روتين كلش عادي اما مرام ف من يومها ضلت مو على بعضها حتى ماما انتبهت الها، بس عفناها ما حاچيناها ، بدأ الدوام داومنا و الثالث صار حيل صعب بحيث المادة م گمت اركز بيها، اما المدرسة ام الفيزياء (هديل) حيل محبوبة و تشجعني بمعنى الكلمة بحيث تگُلي دكتورة متحاجيني بأسمي، كنت كل ما اتعب بالدراسة الكلمات اللي تگولهن الي اكتبهن بورقة و اخليهم يمي من ادرس هالشي يسويلي حافز، خلصت دوام اجا امتحانات اخير السنة اللي هيَ بكلوريا، گعدنا قبلها نقرا و نقرا ناخذ استراحة فد ١٠ دقائق و ارجع اكمل دراسة امتحنا اول يوم الى ان خلصنا امتحانات، هنا الخوف حسيت نفسي بالسادس ، عطلة عادية گلت خل اشوف مرام صار شكد م مسولفة وياها بس على كد السؤال اللي مافتهمة بلمادة او حسب المادة مال امتحاني،

مرام: - بيوم اللي كان نجاح مروة فرحنا و ياها و من طلعنا كرار خلى مرآية السيارة موجها عليَ فَ اني غلست و لا اهتميت عفته، بيومها من رجعنا اني نزلت آخر وحدة فَ گال

- يعني عود ليش انتِ مثولتني و لا مهتمة شبيج

- هو شكو حتى اثولك؟

- روحي الله كريم

- ضليت افكر بكلامه يعني شنو معقولة يحبني ؟! معجب بيه؟! شنو شاف بيه لحتى اعجبه؟! شوكت محاجيته و احتمال انعجب بيه ؟! الله اعلم بعد عود اذا يحبني بيت اهلي موجود، بيوم راسلني رقم غريب

مرام: - منو

: - معجب

مرام: - عرفه ولفه حتى معجب گول منوو؟!

: - كرار

مرام: - شنووووو

: - اي شبيج معجب بيج

مرام: - منين جبت رقمي؟

: - ماكو شي يصعب عليَ

مرام: - بااي

: - الله وياج

...........

في مكان آخر

...........

كرار : - اني معجب بمرام بيوم اللي وصلت امي لبيتهم و هي عبالها مشفتها بس اني شفتها، من وقتها ضلت ببالي، حاچيت امي گالت بعد وكت مو هسا على غير مرة احاچي امها بهلموضوع عفتها على راحتها ضليت دائماً اراقبها من تروح لدوام و ترجع ما عليها شي متخرجة، متعينة، اخلاق، جمال، مؤدبة؟ شأريد من الله بعد؟ بس يخليها زوجتي، عفتها على الله،

...........

في مكان آخر

...........

علي: - مرت سنة على وفاة ابوية امي قررت تخطب الي، اللي هي هدى گتلها صغيرة مو مال زواج گال لا لو هي لو ماكو گتلها على الاقل بس نحجزها و من تكبر اتزوجها عاد هنا بألف يالله و يا علي يالله قبلت و اقتنعت

...........

في مكان آخر

...........

يسار: - اني احب منار هيَ تعرف و بيناتنا علاقة و حتى امها تعرف و امي كذلك تعرف كبداية النا، شفتها بيوم طلعت ويا امها لسوگ و ومناك حاچيتها، و بدايتنا اصدقاء بعدين اعجاب منها و مني و بعدين حُب و الكل عرف و درا، بَس شهر و امشي عليها

...........

في مكان آخر

...........

ام هدى قررت تخطب لولدها الاثنين بيوم واحد مرام لكرار و منار ليسار و گالت كلهم حتى عرسهم نسوي بيوم واحد يعني سوا، اجا يوم مشوا على مرام و منار اخذوا شور عمامهن قبلوا، اجا يوم عقد السيد للمهر ١٥ بـ ١٥ مرام و منار نفس المهر تقريباً اثنيهم ٦٠ مليون المهر، رحنا عالسوگ نشتري ملابس عطور ميكاب خلصنا نرجع نسوي ترتيبات عالبيت، و نرتب غراضنا بالجنط اني و منار، اجا يوم الحنه (طبعاً كل هذي الامور صارت بالعطلة مال ثالث لمروة) راحت مرام و منار و صديقتهم وحدة تقريباَ ٣ بنات راحن الباقيين بالبيت اجني شغلنا اغاني و رگص و فرحانين اجوي يسار و كرار كل واحد گعد يم مرته و خو الابتسامة من الاذن للأذن 😂 ، حنوهن ،طلعوا بقينا بس بنات و كل شوي واحدة كايمة تركص بلأخير رگصن مرام و منار، و وراها راحن للمصور يصورون، ساعه و اجوي، تعشينا البنات كلهن بدلن نضفنه البيت لليل بقينا سهرانيين صلينا و نمنا، ثاني يوم گعدن بـ٧ لـ٨ راحن للصالون، اجني الظهر بـ٣ ضبط و هم اغاني و شي ترگص و شي تصفگ و الهلاهل عبالك مولدة عطلانة 😂 ، صارت بـ٤ ونص اجوي اهل الولد طبعاً بقاعة العرس كان، و رحنا و اغاني و رگص اني بلأخير من رادوا يزفون خواتي للفندق ضليت ابچي شفتهن يبچن عفتهن و طلعت برا منتظرة امي شوي و اجتي امي اباوع بالبيت بس اني و امي الخطار طش كل واحد لبيتة رحت نمت يم امي ،ثاني يوم امي و دتلهم ريوگ، رجعت فرحانه، گعدت علي التلفزيون ماكو مسلسل بي خير هفف يربي وين اروح كعدت يم امي شوي و جعت گالت
- ذاك الاكل روحي اكلي
-ماشي، اكلت و رجعت نمت كعدت وقت الصلاة راسي يوجعني و مسطورة صحت يمه يمه ماسمعتني گلت يجوز بالحديقة كاعدة و مسمعتني، بعدين كمت افتريت البيت كلة و امي ماكو؟!! وين راحت تالي طلعت عند ام هدى شوية و راجعة

........... يتبع

تصويت ممكن 🥺❤️

دمـتـم فـي حـفـظ الله

تحياتي: زينب ال محمد