عذريتي مقابل براءتي

البارت التاسع

مشكله من تحب شخص والكاتلك مو يمك

مرتاح هو وما يحس بس انت مأخذ همك

وتكشخله يوميه شكل وتلبسله يوميه شكل

وتفاوت يحرك دمك حب من طرف واحد مرض

يارين -جنت عند نقيب عمار من حجيت ويا على الراتب مال بابا وعدني يساعدني

كلي تأمرين أمر بعده يحجي وصار صياح ورمي هنا تخبلت تذكرت من أهل ياسر

من دكوا بيتنا وصوبت كمت أعيط ونقيب عمار جر سلاحه من راد يطلع وشافني

اعيط خله ايده على حلكي وهو يصيح اش اسكتي كعدني على الكرسي

وطلع يركض ظليت كاعده وغاب ما يقارب ساعتين واني خفت بعد ما طلعت من

رجع

كال -عندي ألج خبر والله ما اعرف شلون راح اكلج بي وابدي منين

كتله تفضل منين ما تبدي ابدي وش تريد تكول كول

بس جاوبته انفتحت الباب ودخل واحد ضخم اول ما شافه نقيب عمار كام وكف ودك تحيه

حجى هذا الي دخل بصوت عالي وبعصبيه

فرقد -بس اريد اعرف شنو هذا الإهمال يعني من دخلتوهم للحجز تفتيش ماكو

كاعدين على الثقه لو انتو هنا عميان نقيب عمار انت تتحمل المسؤوليه كامله

وحولك مجلس تحقيقي من اني ما موجود انت موجود وتكون كد المسؤوليه

وخله وطلع ظل نقيب عمار يجر حسرات رجع

كال -تفضلي

كعدت وجان يكول بصراحه الهوسه والرمي الي سمعتي اليوم الصبح جابوا اثنين متعاركين

وخلينهم بالحجز ورا نص ساعه من حجزهم متعاركين ويا معتز وطعنوا بسجينه

هنا كمت وكفت ونزلوا دموعي كتله بي شي الله يخليك

كال والله حولنا على المستشفى بس من دا ياخذوا بالسياره أهل الولد موسى

الي قتله معترضين السياره مال الشرطه وكاموا يرمون بالجو يريدون ياخذوا

بس احنا أدخلنا ومنعناهم

كتله الله يخليك اكدر اشوفه

كالي والله هسه أخذوا للمستشفى بس يعالجوا ويجيبوا اخليج شوفي

دارين - بعد ما عافني وراح وخلاني حايره شلون أخلص منه من تجي عيني على أيدي

وأذكر شلون اتوسل بي بس هو طبع السجينه على أيدي

اكرهه أكثر بس شلون إلى الخلاص منه سبيل اجى العصر متوتر وعصبي

وجاي عبالك متحامل عليه اول ما فات وشافني