عجائب الاقدار

الحـلـقـة 5

#عجائب_الاقدار
بقلم: زينب ال محمد
الحـلـقـة 5

...........

- منو

- (صوت رجال خشن) اني

- (رحت لامي گتلها: - يمة صوت رجال بالباب ماعرفة )، راحت امي

-حچا كرار: - السلام عليكم انتِ ام مرام صح.

- و عليكم السلام اي عيني اني ام مرام (طلعت وياها ، مرام)

- اني كرار (طلع جايب امه على بيت ام مرام)

- هلا ام كرار تفضلي تفضلي، دخلت و تسالمن، دخلتها على الاستقبال و مرام كذلك سلمت على ام هدى
(كرار راح بمجرد جاب امه و راح) ،

- خيرچ ام هدى شو اسود و وجهج ذبلان، تعاي مرام قدمي لخالتچ الضيافة

- اي يوم جاية ثواني،

- اي ام هدى شو اسود شنو منو توفى عندكم

- والله يا ام مرام شگُلج اتوفى حماية ابو علي انتِ متعرفي بس هذا الابنه دائماً يطلع ويا ولدنا (اجت مرام جابت الضيافة)

- ايي عرفته هذا الشاب الضخم حيل اضخم من ولدج ما شاء الله

- اي بالضبط هوَ ، شلونج شخبارج ان شاء الله زينة

- الحمد لله تحت رحمته ، انتوا شلونكم اموركم

- زينين على الله ، ما گتلچ قبل كم يوم طلعنا رحنا للكاظم (عليه السلام) و هناك لگيت صديقتي چانت جيرانه بمنطقتنه القديمة ، و شفتها صدفة و گعدت تحچيلي على اخبارهم،

- ياا احنا همين بيوم الي انتوا رحتوا بي للكاظم احنا هم رحنا و شفناج بس انتِ ماشفتيني، و شفتج انتِ و هدى بس ما رحنالچ لأن لگيناچ دتحچين ويا هاي الي هسا حچيتي عنها

- اي ام وائل هايَ خوش مرة والله (دگ تليفونها، ابنها كرار منتظرها، ديريد ياخذها، )

- يلا عيوني ام مرام انروح

- لا وين بعد وكت هستوچ اجيتي

- لا والله بعد اجا ابني منتظرني

- اودعناكم

- الله وياج

، طلعت ام هدى ، دخلت جوا ام مرام (ايمان)  هاي بعدجن تاكلن

-اي والله يا يمه جوعانين ، تعاي كملي غداج اجت ام هدى و كمتي بعد ما رجعتي دتعاي

- الف عافية، شبعت والله

- الله يعافيج ، على راحتچ

...........

في مكان آخر

...........

نتعرف على عائلة علي: - علي عنده ٢ اخوان و هو الثالث و الصغير عندة ٢ خوات متزوجات اخوانه الاثنين الكبار متزوجين بس هو بعدة ديكون نفسه، طالب كلية بالعطلة يگعد بالمحل او بالسوبر ماركت الي ابو انطى اله و حتى سجل المحل بإسم علي