عجائب الاقدار

الحـلـقـة 4

#عجائب_الاقدار
بقلم: زينب ال محمد
الحـلـقـة 4

...........

في مكالمة ابو هدى (عبد الله) و عم هدى (جاسم)

جاسم و هو يحچي بخنگة: - السلام عليكم يابة ابو كرار

عبد الله: - و عليكم ابو محمد خيرك شبي صوتك

جاسم: - اخونا ابو علي اتوفى انطاك عمرة

عبد الله: - لا صدك تحجي الى رحمة الله، انا لله و انا اليه راجعون

جاسم: - اي والله يرحم موتاك، شوكت تروح

عبد الله: - هسا انتضرني هستوني اجيت من الدوام بس خل ابدل و اجيك

جاسم: - تمام انتضرك (جاسم معندة لا ولد و لا بنيه لذلك يگولولة ابو محمد ، حالته المادية مو شي لذلك حتى طلب من اخو عبد الله ان ياخذة ويا لأن معندة حتى سيارة ف حيرحون سوا ، توضيح للي حيسألون ليش ميروحون كل واحد وحدة او ليش ميروح قبلة او شي كذا)

ام هدى: - ابو كرار منو توفى دحچي

ابو هدى و هو لأول مرة يحچي و هو يبچي و مكسور على اخو: - ابو علي

- الله يرحمه كلنا على هذا الطريق يومه هذا

هدى: - من سمعت بأبو علي (قصي) رحت لغرفتي سديت الباب ضليت ابچي يمكن بوقتها تذكرت كلشي من حزن لحتى بعد مابچي، هذا عمي بمكان ابوية شأعد و شأحجي على الوكفات الوكفهن ويانا بيوم الي احترگ بيتنا؟ لو بيوم الي صار حادث بأبوية ؟ لو بيوم هجموا على بيتنا ؟ ليش يا عمي ليش عفتنا و عفت بناتك و عفت ولدك و احفادك ؟ قليلات هنة حتى اگعد اعد بيهن؟؟ شما احچي ميوصف مكانته النا كلنا، رحنا الهم ولبسنا اسود لگينا البيت مگلوب وصريخ كبار و صغار الا اني ظل بالي يم علي

...........

لا تطلع ولا تنبلع
غصه بوسط صدري
خدرانه كلي من التعب
ميته ؟عدله؟ مدري ! 💔
...........

تسريع الحزن 💔 ..

دفنوا و رجعنا من بيت عمي بعد مرور ٢ يومين على الفاتحة الحزن غيم علينا كلنا كـ عمام وهيج شي، ضلينا نسويلة خميسات، وبيوم الاربعين محد راح من عدنا سيارات مقبطة ف مارحت.

في مكان آخر

...........

علي: - بالشغل و تخابرني اُختي تبچي و تگول ،

رقية: - ولكككك عليي راححح ابوونااا راحح خيمتنااا راححح سندنااا ، سد التليفون بوجهي

حچيت ويا رقية، گبل گُلت لأحسان

- عزل المحل و تعال وراية للبيت

-ماشي تمام
رجعت للبيت، ابوية توفى

لـ سلام (ابو علي)
سأرحل بصمت ولن أعود أبداً..الًيَوُمًِ سأرحل..فلا تستعجل الفرح أبداً..أجمع بقايا ملامحي من عالمك اليوم ..يبدأ الرحيل وتشتعل القلوب..بضجيج ونحيب..
وتبدأ أنت بعالمك الجديد العالم الذي كنت تتمناه ..عالم بدون همسي..وبدون إسمي عالم رفض أن يحتويني..معك فربما يصبح عالمك الجديد ..أجمل بكثير..
سوف أرحل تاركاً خلفي ذكريات..سوف أرحل تاركاً نار شوقي التي لم تنطفئ في يوم من الايام إليك..نعم سأرحل ولكن بدون وداع..سأرحل بدون أن يشعر قلبك برحيلي..نعم سوف أرحل وسوف أترك قلبي أمانة في قلبك..فقلبي رفض ..الرحيل معي وفضل أن يعيش بين يديك وبين ضلوعك..تفعل به ما تشاء فهو ملك عينيك ها أنا راحل ..بجسدي بعيداً..فقلبي إختار روحك الطاهرة التي إحتوتني بحزني وفرحي..ورسمت لي عالمك الجميل..ولكن أين هذا العالم الأن؟! أصبح عالم بلا وجود ..سأرحل وفي قلبي همساتك الجميلة وذكرياتك..
التي شاركتها معك وأحلامك التي مزجت قلوبنا معاً.. تذكر تلك الأيام التي لا تفارقنا فيها الإبتسامة آه آه ..سأرحل وقلبي سكن روحك فحافظ عليهِ ..
نصبنا چادر للفاتحة و هوسة صايرين رجعت شفت رقية گتلها اريد ادخل سوي طريق،  دقايق و اجتي،