Uni
မင်္ဂလာအချိန်ကျရောက်ကာ ဓလေ့အတိုင်း မင်္ဂလာဆောင်ပြီးချိန်မှာတော့ စားပွဲသောက်ပွဲက စ,လာတော့သည်။
ယွင်လုကတော့ အစားအစာတွေလာချကတည်းက တဝတပြဲစားထားသည်။
အစီအစဉ်အလယ်ပိုင်းလောက်မှ စားရင်တော့ ငတ်ဖို့ရာပဲရှိသည်ကိုး။
ဇာတ်ကြောင်းထဲက အတိုင်းပင်။ မိဖုရားတစ်ပါးက မူးလဲလေသည်။
ဒီတော့ လူတွေရုတ်ရုတ်သဲသဲဖြစ်သွားကာ ရန်ပိုင်ရှင်းကိုယ်တိုင်သွားကြည့်ရသည့် အဆင့်ဖြစ်သွားသည်။
ရန်ပိုင်ရှင်း ထိုင်ခုံမှထသည်နှင့် သူလဲထကာ ရန်ပိုင်ရှင်းနောက်လိုက်မလို့ ပြင်ပေမဲ့ ထိုလူကပြန်လှည့်လာကာ သူ့ကိုထိုင်ခုံတစ်ခုမှာ ထိုင်ခိုင်းသည်။
"မင်းလိုက်စရာမလိုဘူး။"
"ဒါပေမဲ့ ဒီအစေခံက....."
"စပျစ်သီးကြိုက်တယ်မလား။ များများစား။"
ရန်ပိုင်ရှင်းက သူ့ပါးစပ်ထဲကို စပျစ်သီး ခပ်ကြီးကြီးတစ်လုံးသွပ်သွားတာကြောင့်
သူခမျာစကားပင် ဆုံးအောင်မပြောလိုက်ရပဲ စပျစ်သီးကြီးပါးစပ်ထဲငုံကာ ဝူးဝူးဝါးဝါးဖြစ်နေလေသည်။ ဘေးမှာတော့ ရန်ပိုင်ရှင်းထားခဲ့သည့် ကိုယ်ရံတော် နှစ်ယောက်က မတ်တပ်ရပ်နေကြသည်။
ယွင်လု နားမလည်နိုင်တော့။ ဒါတွေကဘာသဘောလဲဆိုတာ။ ဝူစစ်သူကြီးကလဲ ပွဲကိုအခွင့်ကောင်းယူပြီး ယွင်လုနဲ့စကားပြောချင်ပေမဲ့ ကိုယ်ရံတော်နှစ်ယောက်ကြောင့် အဝေးကပင် မျက်နှာရိပ်၊မျက်နှာကဲ ပြနိုင်လေသည်။ယွင်လုကလဲ နားလည်တာကြောင့် ကိုယ်ရံတော်နှစ်ယောက်ကို လှည့်ထုတ်ရသည်။
"ဟေး အစ်ကိုတို့၊ ကျွန်မ အပေါ့သွားချင်လို့။"
"ခဏပဲကြာမှာပါ။ချက်ချင်းလာခဲ့မယ်လေ။"
ဒုတိယမ္ပိပြောကာမှ ထိုကျောက်ရုပ်ကိုယ်ရံတော်တွေက ခေါင်းညိမ့်ပြလာသည်။ ယွင်လုလဲ ဝူစစ်သူကြီးကို မျက်စပစ်ပြကာ နန်းတော်အနောက်ကိုပြေးသွားလိုက်သည်။
ယွင်လုထွက်သွားသွားချင်း သက်တော်စောင့်နှစ်ယောက်ထဲက တစ်ယောက်က ခေါင်မိုးပေါ်ရှိ အနက်ရောင်မိန်းမပျိုလေးကို ခေါင်းညိမ့်ပြလိုက်သည်။ ထိုမိန်းမပျိုလေးလဲ ခေါင်းတစ်ချက်ပြန်ငြိမ့်ပြကာ ယွင်လုထွက်သွားသည့်နောက်သို့ လျင်မြန်စွာလိုက်သွားလေသည်။
YOU ARE READING
𝚆𝚒𝚜𝚑 𝚃𝚑𝚒𝚜 𝙻𝚘𝚟𝚎 𝚂𝚢𝚜𝚝𝚎𝚖 (𝙲𝚘𝚖𝚙𝚕𝚎𝚝𝚎𝚍)
RomanceUni စိတ်သဘောကောင်းတဲ့ကောင်လေးတစ်ယောက်ဟာ ဖူးစာရေးနတ်မင်းနဲ့ စာချုပ်ချုပ်မိပြီး ဘဝများစွာမှာဝင်စားရင်း ဖူးစာကြိုးနီတွေကို ပြန်တည့်ပေးရတဲ့အခါ... Pls vote me if you like the story because votes are power that can push me to write the story. Cover By Di...
