عذريتي مقابل براءتي

البارت الخامس

نفسك لا تظلمها ولا تظلم الناس

وان نطقت الناس لا تبليها

مثل ما عندك احساس للعالم احساس

والناس مثلك  مثل ما الك ألها

وان اشتريت اشتري ذهب واشتري ماس

والحاجه الي ماش لا تشتريها

لايضيع عمرك وانت تجمع نحاس

وحوادث هل ايام لا تزدريها

دارين -من رجعت من يم فرقد شافتني ام زينه

كالت ها شي يريد منج مقدم فرقد وقبل كم يوم من رحتي يمه بالليل شسوالج

كتلها  تحرش بيه

ردت  تحرش بيج  لو  اعتدى عليج

دارين -وشنو الفرق

كالت -لاتحرش يعني بس يتلمس  أما  اعتدى لا هذا مارس فعل

كتلها  لا اعتدى
كالت -ولج شلون حسيتي بوجع نزل عليج دم

كتلها لا ما نزل دم و عندي وجع  بس هو من شافني اتأذيت عافني حجيتلها كل إلي سوا  

كالت -بس هذا صحيح كل شي ما مسوي بس ليش

كتلها  يكول اطلعج منا بس تجين ويايا لشقتي أخذ عذريتج وتبقين ليله يمي  وتروحين

جاوبتني  شوفي انصحج تقبلين بعرضه ترى حياة السجن ما تنحمل وانتي بنيه حلوه

يعني إذا ثبتت التهمه عليج الله وكيلج انتي الخسرانه ترى يكدر يكسرج هنا

ويحولج على الأحداث وساعتها تعضين اصابيعج ندم مرة وتعدي وانتي شوفين

شلون أهلج  حايرين بنفسهم وعافوج فكري عدل إنتي هسه

بنظر الكل انتي مو زينه انتي زانيه وقاتله وخريجة سجون شلون ينظرولج

خلي يطلعج منا ويأخذ حاجته ويعوفج احسن ما يحكمون عليج وساعتها اي

واحد بالسجن راح يعتدي عليج اني نصحت وانتي حره

وعافتني وراحت وخلتني بدوامه من أفكار مزعجه

فرقد -عماد اريد ام نعيم وأصدقاء ياسر وجهتلهم استدعاء

عماد -سيدي هسه أصدقاء ياسر فتهمنه ام نعيم ليش

بصوت عالي -عماد سوي لكتلك عليه

دارين -كاعدين ورا الغده وكل وحده تحجي قصتها ومئساتها واحد من يشوف مصايب

الناس تهون عليه مصيبته اجتي الشرطيه

الشرطيه ام أحمد -عيني ام نعيم مقدم فرقد يريدج

ام نعيم ردت -عيني اني أدري إلي يعرس بالليل مو الظهر بس إذا مقدم فرقد متوازي

اني بخدمة الشرطه بس المفروض يحجز خاف طالعه للدوام