عجائب الاقدار

الحـلـقـة 3

#عجائب_الاقدار
بقلم: زينب ال محمد
الحـلـقـة 3

...........

بعد مرور شهر: - رحنا للدكتور بموعدنا الي كان ورا العلاج بأسبوع رحنا وراها بشهر هم رحنا اخذنا تحاليل و كذا هيج امي صارت زينه م بيها أي جرثومة قررنا اني و مرام و منار نسوي حفلة صغيرة على كدنا هم شوي نغير من نفسية امي و نتونس مرام راحت لسوك جابت كيك و عصاير و حلويات و هيج نشرات مال حفلة سويناها بلأستقبال و بيومها الشغل صار على الكل مو مثل كل مرة لان احنا كل مرة مقسمين الشغل هالمرة لا و شوي مشغلين اغاني و هيج حتى منحس بتعب الشغل و بيومها حيل تعبنا نضفنا البيت كله حتى المطبخ السيراميك جلفنا 😁 ، و وراها رتبنا الميز و هيج مال كيك امي بهالوقت جانت عند جيرانا ام هدى، ف هي تدري بمرام راحت لسوك بس متدري ح نسويلها مفاجأة، بوقتها هم صادف عيد ميلادها و صارت الفرحه فرحتين

مروة: - خابرت على هدى گتلها بيچ ما بيچ تخلين امي تتأخر عندكم البنيه م گالت لا ،صدك خلت امي تتأخر، بهلاثناء كل وحدة طبت تسبح بعد ما تنگعنا من تنضيف البيت، طبينا و خلصنا ، اني لبست فستان قصير و خواتي هم، خلينا ميكاب قليل 😁 ،

رجعت خابرت على هدى خطية ابتلت بية 😁😁 ،
گتلها: - إذا امي تريد ترجع خلوها ترجع خلصنا،
هدى: - اي اوك تدللي

: - بهالوقت هدى تقربت علينا و امها هم تقربت على امي هم خوش ناس
(اهل هدى الهم دور كبير بالقصة لكن لـالان ممبين و لا شخص منهم مبقى شي و يبينون 😁)

مروة: - اجت امي عفنا الباب مفتوح لحتى من تجي كبل تدخل، احنا جنا بلأستقبال و نباوع عليها من لجام بس هي متشوفنا بس احنا نشوفها، صرنا هدؤء بحيث اذا وكعت الإبرة بالگاع ينسمع صوتها، اول مدخلت ، شغلنا دي جي و على اغنية مال عيد ميلاد، و حچينا سوا اني و خواتي (كُل عام و انتِ بألف خير يا رب يحفظج النا) ،
خطية اجت ودمعت عيونها وحضنتنا كُلنا ، و گالت ( و يحفظكم الي و يبعد عنكم كل شر)
و وراها قطعنا كيك و وكلنا امي و هي هم وكلتنا بيومها حيل تونسنا لليل كملنا الحفلة ورتبنا الغراض وعزلنا البيت لأن صار هوسة من بعد الحفلة 😁 ، گعدنا بليل الساعة تقريباً بـ ١٢:٣٠ طلعنا فلم و مرام: - كامت سوت شامية و جابت وياها بيبسى الفلم ، طول ويانا لـ ٢:٠٠ ، ماما خطية شافتنا متونسين بگعدتها ويانا ماگامت ضلت گاعدة ويانا صارت الساعة بـ ٢:٣٠ شفتها كامت تثاوب و گوة تفتح بعيونها گتلها
: - ماما اذا تريدين تنامين روحي نامي و احنا هسا نجي ورا مگالت لا، باوعت على مرام شفتها تباوع على منار و تگول الها
: - خلي اليوم ننام يم ماما بما انُ احنا اليوم متونسين بقت على النومة ننام وياها و جان هاليوم من اجمل الايام، رحنا على ماما مرام صارت يم ماما واني ومنار وحدة بصف لخ، بيومها فرحة عمرنا و حياتنا م فرحنا مثلها

فـي مكان آخر

...........

: - هدى يلا ماما صيحي اخوانج مضل عدنا وقت بسرعة