الحـلـقـة 2

790 60 46
                                        

#عجائب_الاقدار
بقلم: زينب ال محمد
الحـلـقـة 2

.............

: - امكم ايمان بيها سرطان مثل متعرفون و طلعت
الجرثومة حميدة لكن راح انطيكم علاج تستمرون عليَ
للحذر يعني لحتى ميبقى بكل جسمها هالمرض و اسبوع
و تعالوا تسوي تحاليل و نتأكد، راح اكتب الكم علاج و جيبوا
و استمروا عليَ و بالشفاء ان شاء الله

مرام : - يا فرحتنا لما الدكتور گال حميدة لكن ضليت خايفة ليرجع عليها هالمرض ، اشترينا العلاج ورجعنا أجرنا تكسي وصلنا على الشارع دانطي فلوس كال خليها كتله لا والله خذها ، ماخذها خليتها على الكشن و نزلنا و احنا فرحانين بَس ماما مفرحانه معرف ليش كلت يجوز تعبت، رحت گبل سبح وسويت عشا و تعشينا و ماما ويانا هم گلت لمروة

: - گومي غسلي المواعين

مروة بتأفف: -اي گايمة گايمة

مرام: - شكو شبيچ گومي غسليهن و اسكتي

مروة: - اي ايي

گمت غسلتهن و اني ابدا ماحب غسل المواعين بس بدال اختي غسلتهن تعبانة، رغم ان هن المواعين على مرام بس بهاليوم اني غسلت فشي عادي ضجت شوي غلست و غسلت 😁 ، مر هالاسبوع عادي و اني گعدت عاليوتيوب و ابحث شنو الاشياء او الاكل الصحي لمرضى السرطان حتكلم عن كلشي عن هذا المرض و الله يبعدنه عنه، الموضوع عن محاربة السرطان قبل كلشي أي مرض موجود بهذا الدنيا يصيب الإنسان هو درس عن أهمية العافية ودرس عن الصبر والإيمان والثقة برب العالمين وأي الم المريض يحس بي أي وجع أي شي يصيبه خلال ايام المرض عليه اجر عظیم وتكفير عن الذنوب الان الدنيا كلها اختبار وامتحان والمؤمن ينجح بهذا الامتحان وأجر وتعويض رب العالمين كلش جبير ومخصص جنه كامله وحياه ثانيه لعباده الصابرين على كل مصيبه لان هاي الدنيا مو النا ولا دائمه ولازم نتحمل كل اختبار يمر علينا حتى نترفه بنعيم الاخره هواي شرح عن هذا الموضوع واكتفي بهذا القدر و اختصر ، اهم شي بهذا الموضوع هو الفحص الدوري(التصوير الشعاعي)لازم كل 6 اشهر بدون عجز و بدون ملل و بدون خوف الكل يفحص نفسه و يكون عنده وعي كامل حتى ينقذ حياته و حياه الأشخاص الي حواليه و حتى لو هو مكلف كل شهر خصصوا اله مبلغ معين لان نصف علاج هذا المرض هو كشفه و معالجته بوقت مبكر الان هو من اسمه خبيث ممكن يكون
بالجسم سنين بدون أي عوارض او الم ولا تحسون بي اصلا وبعدين اخر شي تطلع البلاوي من المسببات هذا المرض الي اعرفها الحالة النفسية عليها مليون خط احمر والقهر والصدمات وأي ستريس ممكن يصير يعني كلش لازم تفعيل كلمة (طز) بحياتنا على اغلب الأشياء
و مو شقه احجي جديات والله لان اکو اشياء تاخذ من عندنا عمر كامل إذا المسببات طريقه التغذيه الغلط الي أغلبنا إذا مو كلنا احنه نتبعها ، هذا المرض يتغذى بشكل أساسي على السكريات واي اطعمه تحول النشويات إلى السكريات الإنسان العادي ممكن يقلل من عندها ويتناولها مره او مرتين بالأسبوع والي عنده هذا المرض يقطعها نهااااائي امي جانت هوايه تحب كل أنواع الجوكلت
و الكيك واي نوع حلاه و هذا غلط كلش و الأطعمة السريعة بالمطاعم و الدهون الي يطبخوها بي ممكن يومين او ثلاثه ممتغيره
وهذا خطر مميييت و الدهون المهدرجه بالخصوص تسبب بامراض القلب و الموت المفاجئ لان بيها كولسترول ضار جدا و أحماض دهنية (ترانس) و بسرعه تتأكسد وتفسد و تخيلوا هذا كله احنه ناکله و اعتقد حسب معلوماتي بالسعودية منعوا هذه الدهون ما اكول الكم خلص نهائي اكطعوا اكل المطاعم والفاست فود لان اني بالأساس هم ما اكدر لان الشخص يحتاج كل فتره تغيير بسس قللوا منها خلوها مره او مرتين بالشهر امي بالأساس من زمان تطبخ النا بزيت زيتون ويكون كلش اقل ضرر وصحي والأطباء حتى بمرضها ينصحون بي وهي اساسا أكلها صحي لان عندها قالون وامراض وهذه الأكلات تاذيها واكيد السبب غير شي أنصح وبشدة على نظام غذائي صحي يبعد عنكم مخاطر النفسية والبشره اني تاركه سكريات وجبس هذي الأمور صار اكثر من شهر شي حلو ولو بالأسبوع مره او بسهوله تخليت عنها وماكو تعويد وارتاحت نفسيتي ان اني على هذا الجدول للخضروات والفواكه شي حلو راسا اروح اكلهم عصير کرفس وبرتقال أشربه وياها جربنا مره وراح استمر عليَ لان كلش ممتاز للمناعة هواي فوائد وصدكوا وحاله حال أي عصير ، احاول امشي على نظام اسمة (تجويع سرطاني )اكتشفوا مؤخراً هو علاج ثاني غير عن الكيمياوي و اذا الشخص استمر علي و بأستشارة طبيب مختص بهذا المرض ميحتاج للكيمياوي لان اسم الله الرحمن مو بعيد يرجع المرض للجسم بعد الاستئصالف تجنباً لهذا الموضوع كله شنو يعني تجويع سرطاني ؟ يقصد به عدم ايصال أي غذاء تعيش عليه الخلايا السرطانيه ، على شنو هو يتغذى ؟يتغذى على السكريات و الدهون وغيرها، شلون نسوي تجويع سرطاني؟ يكون غذاء الانسان فقط على الخضروات و المكسرات لمدة من ٣ الى ٤ شهور و يبتعد عن أي طعام يحتوي على بروتين و اهمها الگرگير كلش مفيد للمناعه لان مريض السرطان تكون مناعته قليله جداً ، الكرفس و الفلفل الاخضر و الباذنجان المشوي و البروكلي و الافوكادو و الشاي الاخضر بين قوسين (الخضروات) ، اني شفت تقرير عن شخص يطبخهم كلهم الصبح و ياكلها على ٣ وجبات لمدة ٤ شهور استمر على هذا النظام، اما بالنسبة للفواكه لهذا النظام قريت اكو ناس آكلت فواكه و اكو ناس
امتنعت عنه ، بس اني قارية سكريات الفواكه غير مظرة و مفيدة بس اني، وي امي احاول اوازن نظام التجويع السرطاني و بين الاكل الثاني المفيد الها لان ما اكدر احرمها من فوائد باقي الاكلات و اخليها بحرمان و شعور بالمرض من بعد ما تأكد ان جسنها خالي من الورم، لكن گتلكم تحسباً لكلشي و اخليها تاكل دجاج و سمك، و الاكل الطبيعي بس ابعد عنها الرز و الخبز و اي شي بي ملح عادي و مرات اسنبدله بملح اليحر يكون خشن و قليييل كلش و احاول اقطع او اقلل ايي شي بي كافايين مثل ابقهوة و الشاي و استبدلة بالشاي الاخضر او يانسون او نعناع يعني شي طبيعي و اكثر الها عصير برتقال و ليمون كل يوم لازم لازم لازم
المكسرات كلش مفيدة الها مثل لب الثمار الخوخ المشمش كلش مفيد هم و أي مشتقات حليب مو زين عليها و اذا جبن فً بس جبن المزرعه و البيض، تاكل بس البياض لان الصفار بي بروتين عالي و يتغذى علي السرطان ،قريت معلومه اكدر استبدل حليب العادي بحليب الصويا او حليب اللوز بس ممتأكدة منها و كذلك قريت العسل مفيد بس ممقتنعه بي، و مكملات غذائية و زيت السمك و الفيتامينات كلش مفيدة الها لمناعتها ، ومن الاكلات او الاشياء المضرة هي: - البروتينات الحيوية المطبوخة على درجة حرارة عالية جداً او المروقة بسبب الشواء، الاكل المعلب لازم ينطبخ لحتى يتم قتل البروتينات المضرة ،الفوشار المحضر بالمايكرويف ، رقائق البطاطا المقرمشة ،الطحين الابيض المكرر ، السكريات، المختصر: - لازن نعود نفسنا على هذا النظام لتجنب أي مرض ممكن يصيبنا و لازم نقوي مناعتنا بهذه الاكلات، تخيلوا گد ما هو خبيث الخلية السرطانية تضم نفسها حتى الجهاز المناعي ميقضي عليها و احنه بهاي الحالة لازم نقوي ونساعده ، هذا اغلب المعلومات الي اني اعرفها و الف الحمدالله اكو عد دمن الناس الي تتابعني و تقرا كلامي الي اكتبه و ممكن اكون سبب بتغيير شي ، ديروا بالكم على نفسكم و اهلكم من اي شي
موجود بهاي الدنيا و مثل ماكلت الكم بالبداية مصائب الدنيا امتحان و اختبار و لازم لازم نجتاز هذا الشي لان احنه گدها و المؤمن مبتلى ، ورحمه الله واسعه و مستحيل، يأذي بشر ضلم او شي آخر و اتمنى الصحة و السلامة للكل

...........يتبع

تصويت ممكن 🥺❤️

دمـتـم فـي حـفـظ الله

تحياتي: زينب ال محمد

عجائب الاقدارحيث تعيش القصص. اكتشف الآن