شكرا عل 37يوم اتبسط فيهم معاكم جدااا وحسيت بفرحة تعبي معاكم والندم اللي كان محاوطني لما كتبت الروايه ولقيتها كبيرة ودور النشر طلبوا مني اقللها وأنا رفضت لاني حقيقي تعبت ف كل كلمه كتبتها واتعلقت بكل تفصيله فيها ف مهانش عليا احذف منها حاجه وقررت انشرها وتباد وبصراحه انتو مخذلتونيش وحسيت بسببكم أن ربنا عوضني بيكم حتي لو مكنش الفوت كتير وعدد المتابعين ليا او اللي قرا الروايه مش اوي بس بجد انتو كفايه عليا بتقديركم وتشجيعكم ليا وخلتوني اثق ف نفسي وف موهبتي اللي كانت بتيجي عليا لحظات احس اني بتوهم الموهبه ديه او ان اللي حواليا بيجاملوني كلامكم ليا وتفاعلكم معايا خلاني احب الموهبه ديه اكتر صحيح انا مش جامده اوي ولسه عل قدي بس الاهم اني ساهمت ف رسم البسمه عل وشكم ولو للحظات اتمني اكون سبب لفرحتكم واشغال وقتكم من غير ما اكون كتبت حاجه تثير ف نفسكم شيء يغضب ربنا وأكون سيبت بصمة حلوة صغننه جواكم مني....
حاجه اخيرة مهمه جدا :مش عايزكم تتعلقوا ببطل أي روايه وتتمنوا تتجوزوا زيه ولو زوجه تتمني جوزها بردو يكون زيه الكاتب بيجيب مجرد لحظات حلوه من حياه البطل مش بيجيب كل عيوبه الروايه بتجيب جانب واحد بس بعيدا عن الواقع ومشاكله وقرفه لحظه نهرب بيها بره الضغوطات اللي علينا حاولت اخلي ادهم ومريم ابطال عاديين شبهنا بيغلطوا وبيصلحوا غلطاتهم ادهم راجل عادي ومريم ست عاديه قد اكون اصبت ف حاجات واخطأت ف حاجات تانية وأكيد افورت ساعات ف لحظات الرومانسيه اللي أنا كمان بحبها زيكم بس حقيقي الدنيا مش كده
عشان بس منظلمش الرجاله معانا هما مش رومانسيين زينا كده ربنا يرزقكن جميعا بالراجل الحنين اللي يتقي ربنا فيكن ويكن السند والأمان واللي متزوجة ربنا يجعلها زوجها هو الاقرب والأحن عليها واخيرا ربنا يسعد قلوبكن سعاده غامرة ....
انتظروني وهحاول يكون قريبا في عمل جديد يجمعنا.. دمتم سعداااء راضييين ..بحبكم في الله
😍😍😍😍
دودو
أنت تقرأ
جواز اضطراري
Romanceروايه رومانسيه ذات طابع اجتماعي تمر بنا مواقف تجعلنا نفقد الأمل ونشعر أن الشمس لن تسطع من جديد لا نعي أن اشد اللحظات حلكه هي التي تسبق بزوغ الفجر واننا لو اطلعنا علي الغيب لاخترنا الواقع... بعد وفاه والديها وجدته ظنت انه العوض عن الراحلين لكنه سل...
