روايه رزان

بارت42

السلام عليكم
#الكاتبة_ايلين_العبيدي
***
رزان: يااا زيدد شبيك وية الولد خطية تصيح عليه

زيد(بعصبية): شكلج عاجبج الوضع كاعد ويتغزل بيج وانتي مكيفة ما شاء الله

رزان: زيد هذا طفلل طفلل  اصغر مني

زيد(بغيرة): وين اكو طفل يتغزل هيج هااا وين اكو

رزان(بضحك): اهدء شبيك 
بعدة طفل مايعرف

زيد(وهوة يكعد على الكرسي ): لاا ونوب يكوللهة ثلج وشعرج حلوو ودكلي ليش ماتخليني البس براحتي صوجي والله اشتريتلج هذا

رزان(بضحك وهيه تلزم ادينة): يااا زيد شبيك والله طفل مو مال هيج اسوي واذا عل لبس توبة بعد مااالبس

زيد: وبعد ماتختلطين بحد حتلو طفل

رزان(وهيه تهز راسهة بلموافقة): اي مااشي بس لتضوج

زيد(وهوة يبتسم): يلا روحي لايجي واحد انوب ويشوفج

رزان(ببتسامة وهيه دكوم ): مااشي باي

زيد: لحضة لحضة باجر شراح تلبسين

رزان(وهيه تكلب عيونهة ): نفس مااتفقنة

زيد:اي خوش  (بحدة) وبعد لاتعيدين هاي الحركة

رزان:مااشي
هفف لازم يدخل لازم لازم احضرلي توثية يمي للحتياط
طبعاً اتفقنة انو البس نفس الي اشتريتة بلحفلة مال خطوبة شكد ردت البس غيره مااقبل قفل وراح البسة باجر
ورحت يم النسوان كعدت يم زينب شفت حسام الي طردة زيد خطية يباوع عليه ويبتسم ابتسمتلة

زينب(بهمس): المن توزعين ابتسامات

رزان(بهمس): لحسام

زينب(بصدمة): ياااحسام ولج صخام الصخمج

رزان(بهمس بعصبية): اييع اسكتي انتي الثانية هذاك الطفل شبيج كرايبكم

زينب:هااا حسام ابن ام عبدالله شعرفج بي ولج

رزان:حجيتلهة كلشي وحتة من اجة زيد

زينب:هههههه يبووو حتة من الطفل يغار

رزان: ايي والله
ضلينة كاعدين وكل شوية وصايحين على جاي شنو مايشبعون من الجاي وكملت السهر وكمنة احنة البنات نفرش حتة ننام فرشنة بغرفة بيبي وبغرفة عمتي وتوزعو عليهن واحنة البنات بغرفة زينب كلنة كفتنة وضلينة كاعدات نسولف لل4 ونمنة وكعدنة ب9 ونفس تحضيرات الحنة وكلهة مخبوصة وهوسة واني ماحرت باحد بس بنفسي  وماكو لا انمار ولاريماس حتة اهتم بيهم راحو يم عمار فضليت اعدل بنفسي وزينب وياهة بنات هواي كبار يعدلنهة وكذا وكملت كلشي عندي وكعدت انتضر بلزفة تجي حتة نروح ونص ساعة هيج واجت الزفة فاتن النسوان يهوسن وراهم عمار وكعد شوية ولبسوهة الكبوع مدري شسمة واخذو زينب وطلعو والبنات كامن يصعدن بلسيارات واني شفت طيبة وانمار وريماس رحت اركض عليهم حتة اروح وياهم بنفس السيارة ريماس شافتني وجلبت بية الة اخذهة وياي طيبة حاولت تاخذهة بس كامت تبجي وكتلهة خليهة اني راح اكودهة