عجائب الاقدار

الحـلـقـة 1

#عجائب_الاقدار
بقلم: زينب ال محمد
الحـلـقـة1

.............

مروة: -گعدت بـ٥ غسلت و توضيت و صليت و قريت قران رغم
عندي امتحانات اخير السنة كنت صف سادس ابتدائي و احنا بكلوريا
و الخوف و القلق و التوتر هالشي ديخيليني انسى المادة الحفظتها
و القريتها تركتها على الله و رحت على صديقتي بيتهم قريب علينا لذلك
نروح و نرجع سوا وكالعادة الطريق كلة نحچي على المادة و المواضيع
الي صعبه عند صديقتي هدى وصلنا للمدرسة وكفنا يم الشلة مالتنا
ووراها اتفرقنا وكل وحدة راحت على القاعه مالتها خلصت امتحان
والحمدالله مجاوبة وضليت على هالروتين الى ان خلصت امتحانات
والعطلة كلها خايفة اذا اوگع بدرس اريد ارفع راس اهلي ،اجا اليوم الي يعلنون
النتائج بي يربي يمكن هاليوم اصعب يوم علية لأن كنت اول مرا بكلوريا و لازم اتعلم
و ورايا ثالث متوسط و نوب سادس عام الخوف مسيطر علية و كلنه منتضرين اختي
دتطلع بالنتائج على الإنترنت و احنا واكفين يمها نريد نعرف شنو النتيجة فجأة صرخت و
گالت

مرام: - لا مروة ليش هيچ

هي كالت هالجملة و اني اغمى عليَ

.............

اعرفكم على عائلتي: - بابا متوفي آثر نوبة قلبية ماما بس هي الوحيدة
العدنه ماعدنه اخوان لذلك ماما كانت دائما اتگول انتن بناتي اريدجن ترفعن
راسي كانت تكول هالكلام لان يحچون على ابو ما عدنه اخوة
لحتى نرفع راس اهلنا و نخليهم يسكتون للي يحچون عندي ٢ خوات واني اصغر وحدة
مرام و منار و لا وحدة متزوجة و اني اصغر وحدة ومدلله

مرام: - مُدرسة متخرجة قسم الفيزياء

منار : - محامية متخرجة كلية القانون

و اني دا ادرس...

مرام: - لا مروة ليش هيچ

هي كالت هالجملة و اني اغمى عليَ

:-گعدت على منار وهي تذب مي على وجهي

گتلها شگد شگد المعدل حچيتها واني ابچي ، م همني المعدل بس سألت دا اعرف نتيجة تعبي كُله

مرام گالت مبروك طلعتي معدل ٨٧و ماما گامت تهلهل

مرام: -بمناسبة نجاح مروة اليوم نطلع نتونس

ايمان(الام): - يمة اني من هسا ما اطلع رجلية ما يعيننني

منار: -لا يوم فدوا بس هالمرة و ضلت تترجى بأمها الى ان

قبلت تطلع

مروة: - طلعنا وتونسنه من رجعنا للبيت اني طبيت اول

وحدة للبيت فجأه حسيت واحد لزمني گبل صرخت يمهه و ضليت بگلبي اقرا السور المعوذات و اصلى على محمد(ص)

ايمان: - ها شبيج، وشفتها تبچي دخلن مرام و منار

مروة وهيَ تشهگ بالبچي و تگول: - يمة يمة من دخلت هنا وگفت دافتح الباب واحد لزمني

البنات: - اسم الله اسم الله ماكو شي حبيبتي يتخايلچ ماكو شي مو احنا يمچ

مروة: - شنو ماكو شي اني حسيت واحد لزمني

ايمان: - كافي ولچن ،يلا حبيبتي مروشة ماكو شي كلنا يمچ

_ قرت امي على راسي ايات حسيت براحة وراها

مروة: -كومني و رحت على الغرفة الي انام بيها اني و مرام و منار بس بليل نتجمع كلنا و انام سوا

و بالنهار كل وحدة بغرفتها ،بليل من نمنا ضليت ابچي على الحسيته اليوم، و خواتي يمي نايمات ،نمت گعدت ثاني يوم

ضليت صافنه على السقف (و افكر باللي صار البارحة) بيومها كان جمعه و نگعد متأخرين بـ١٠ ورا نص ساعه گعدنا كلنا تريگنا و كل وحدة تروح على شغلها اني علية شغل الحوش و الصحيات و الحديقة و مرام عليها المطبخ و منار عليها تغسل ملابس و تمسح البيت و هيج موزعين الشغل بيناتنه، خلصت العطلة
وبدينه نشتري ملابس الدوام القميص الشوز الجنطة الصدرية الحجاب و هيج اشياء للدوام و قرطاسية، داومت اول اسبوع و طبعاً بعد ما نقلت بطاقة الدوام للمدرسة الجديدة عطلتي مصار بيها شي، متعرفت على صديقات لأن كلهن ماعرفهن من اول اسبوع نطونه دروس و مواد و مرحلة جديدة عليه فـ استصعبتها چان حلمي اصير دكتورة خلصت الاول و خلصت امتحانات نص السنة، خلصت العطلة عطلة عادية متونست بيها مگابلة تلفزيون و گاعدة، بدا الدوام ورا امتحانات نصف السنه وطلعت ناجحه بدرجات عالية كملنا دوام، وامتحنت اخير السنه و صيف و حارة تسمط سمط و وزعولنا نتائج طلعت ناجحه بتفوق من العشرة الاوائل و السنه هاي كلها م تعرفت على صديقات و لاوحدة اجت و كالت نصير صديقات فـ ضليت وحدي بدون صديقات،بهالفترة نسيت اليوم الي نجحت بالسادس و صار الي حسيت شخص لزمني،

اجا اليوم الي محاسبيلة حساب و هو مرض ماما

مروة: - احنا لاحظنا امي تعبانه بس مكالت و احنا سألنها كالت مابية شي

بعد اسبوع

مروة : - رحت على مرام لحتى نشوف امي شنو بيها لأن شكلها و وضعها مو مال وحدة مبيها شي وسولفت لمرام وكالت اي وحاجينا ماما

: هاا يوم شلونج شلون الوضع

: بخير على الله

: و نعم بالله

:شكلج مو مال وحدة مبيها شي (و سوتها بضحك)

:ههه لا والله هاي اني كدامج شتشوفيني (مردت اخوفهم او شي)

:اوكي لعد حضري نفسج لعد نشوف شبيج ما بيج

: ماشي يوم

بيوم الي راحوا للدكتور: -

بعد تعب و فرة من دكتور لـلخ

گالوا

: - امچ بيها سرطان الثدي و ننتضر التحاليل لحتى تطلع حميدة لو خبيثة

مرام: - بعد ما سوينا كلشي من تحاليل كذا و رحنا للدكتور حچا

: - امكم ايمان بيها سرطان مثل متعرفون و طلعت الجرثومة

........يتبع

ايش تتوقعون الجرثومة حميدة لو خبيثة ؟

تصويت ممكن 🥺❤️

دمـتـم فـي حـفـظ الله

تحياتي: زينب ال محمد