3

40.4K 2.1K 1K
                                    

Tyga's dictionary😂:

Chololo- gwapo
Avocado-abogado
Earnie Lopez- Ear/s
Watashi-ako
Itez-ito
Pansin Canton- Pansin
piyaya-yaya
kyota-bata o baby


Tyga Xerxes Mondejar

Medyo nakakawindang ng beauty ang mga pangyayari nitong nagdaang linggo simula nang mawala sa amin si mareng Andrea. Hindi ko maiwasang maiyak noong isinaboy na sa dagat ang abo niya. Lumakas kasi ang hangin at halos lahat ng abo niya ay dumikit sa akin.

Ilang araw rin akong walang tulog dahil doon. Mabuti nalang at nakahingi ako ng isang galloon na holy water sa simbahan. Iyon ang ginamit kong panligo. Pagkatapos n'on ay nakapag-beauty rest na rin sa wakas ang lola mez.

Nagsimula na kaming dalawa ni bossing na sumabak sa madugong training para paghandaan ang pagdating ni Frank sa buhay namin. Sa susunod na linggo ay sisimulan na namin ang pagaasikaso sa sakal—este kasal naming dalawa. Uuwi na kasi ang mudra at pudra ni mareng Andrea sa susunod na buwan.

"Ehem." Agad akong nabalik sa reyalidad nang marinig ang pagtikhim ng suplado at papansin kong boss. "That's the contract. Read and sign it."

Napakamot ako ng ulo habang nakatingin sa folder na inilapig ni bossing sa harapan ko. Medyo makapal ito ng kaunti.

Kanina lang ay ipinatawag niya ako dito sa kanyang opisina mula sa maid's quarter. Doon niya muna kasi ako pinatulog. Hindi niya ako pinatulog sa mga guest room dahil bawal daw ang pangit doon. Ang liit ng utak, anlaki naman ng ulo.

Dahan-dahan ko itong inabot at binuklat. Para agad ko din siyang nabitiwan ng makita ang laman n'on. Napatakip ako sa aking bibig habang tinuturo iyon. Namimilog ang mata kong napatingin kay bossing na nakakunot ang noo sa akin.

"What?" Ang suplado niyang tanong.

Napalunok ako.

"Boss..." Ang tawag ko sa kanya. Mas lalong nagpang-abot ang kanyang pak na pak kilay sa pagtawag ko sa kanya.

"Tarantado! Ano nga?!" Ang inis niyang bulyaw sa akin.

Mabilis kong dinampot ang folder at iniharap ito sa kanya. "Ang ganda ko dito! May copycat ba kayo nito? Ipa-pa-print ko lang po." Ang pakurap-kurap kong tanong sa kanya.

Kahapon kasi kinunan ako ng litrato ng isa sa tauhan ni boss para daw isama sa mga papeles ko. Napakapangit daw kasi n'ong ikinabit ko sa aking resume. Nagpa-makeup talaga ako doon sa girlfriend ng tauhang inutusan ni boss na kunan ako ng litrato.

"Guard!" Ang sigaw ni boss na nagpasamingot sa akin. Ang arte! Pati ba naman ang picture ko ipagdadamot niya? Ako lang to oh!

"Yes, sir?" Napatingala ako sa guard na nakasuot ng itim, naka-sunglasses na itim at may earpiece pa ang lolo niyo. Black na black ang pormation ni daddy. Bumaba naman ang paningin ko sa kanyang bakat na bakat na batuta sa gitna ng kanyang hapit na itim na pantalon. Daks na daks! Werlalo ba ang lamay, papshie? Sa kama ba? Ahehe.

"Nothing. Bumalik ka na sa pwesto mo." Ang pagtataboy ni bossing dito na ikinadismaya ko.

Magiging katrabaho ko kaya siya? Kanina kasi pagpasok namin dito sa ibang valur niya, pansin canton kong mga chololo ang mga bodyguards ni bossing. Kaya mas lalo tuloy na excite ang aking bilatchi.

JB5: Set Me Free, Mr. Businessman [BXB] [√]Tahanan ng mga kuwento. Tumuklas ngayon