chapter two 🌬️

32K 1.8K 964
                                    


مبدأياً كدا ازيكم عاملين ايه وكل سنه وانتو طيبين يا رب وبالف خير  ⁦♥

في البارت دا انا هتكلم عن الفرق بين الرجاله والستات من نحيه نظرتهم لنفسهم وحابه افكركم أن الكتاب شامل كل حاجه انتي بتفكري فيها مش شرط بس الجمال والثقه بالنفس ..

بصي يا ستي الراجل دا انتي مهما حاولتي تفهمي دماغه مش هتفهميها يمكن هم حاسين بنفس الاحساس دا تجاهنا برضه اننا مش مفهومين وكدا لكن الحقيقه ان الراجل هو اللي مش مفهوم وخصوصاً بقي لو من النوع المتقلب المزاج والنوع دا في الرجاله كبير جداً للاسف اكتر حتي من الراجل العصبي أو النرفوز ... نوع المتقلب المزاج دا ممكن يقولك بالليل هنخرج بكره وهجبلك اللي انتي عاوزاه وكل الكلام الحلو هيسمعهولك ...  بس هيصحي تاني يوم يقولك انا مقولتش حاجه امبارح وموعدكيش بحاجه هههههههه اه والله النوع دا موجود في حياه ناس كتير جدا بس علفكرة النوع دا مشهور( بحب التملك) اللي انتو بتقرأوه في الروايات فلو انتي جوزك متقلب المزاج احمدي ربنا عليه عشان البنات كلها هتموت علي النوع المتملك دا هههههههه

في بقي النوع التاني من الرجاله اللي هو اللي بيتعصب بسرعه وبيهدي بسرعه هههههههه النوع دا برضه نسبه كبيرة من الرجاله مشهورين بيه ... يمكن بسبب ضغوطات نفسيه عليهم أو ضغوطات في الشغل خلتهم كدا ... لكن أنا من رأيي بصراحه لو انتي لسه علي وش جواز أو بتختاري شريك حياتك ..  ابعدي تماماً عن النوع دا ودا لسبب بسيط جدا أنه دايما هيبقي مضغوط وعصبي وممكن يمد أيده عليكي في عصبيته وانتي بنفسك هتكرهيه واحده واحده من غير ما تحسي ومش هتبقي طايقه العيشه معاه واللي هو ممكن علي اي حاجه بسيطه هيتعصب عليكي صدقيني التعامل مع النوع دا من البشر سواء ستات أو رجاله صعب جدااا جدااا ..  عشان كدا دايماً اجتنبي النوع دا وانتي علفكرة لو باباكي كدا هتعرفي كويس انا بتكلم عن إيه لأن معظم اباهتنا من النوع العصبي دا قليل لما تلاقي اب بيضحك ويهزر معاكي أو يصاحبك ... عشان كدا متختاريش لأطفالك وبناتك اب يكون عصبي عليهم حتي لو مركزه عالي حتي لو دكتور اوعي تختاري النوع دا وتحطي نفسك وعيالك في نفس الدوامه اللي انتي كنتي فيها مع باباكي لو هو عصبي عليكي ومضغوط دايماً ...

وطالما بقي اتكلمت عن أنواع الرجاله يبقي لازم اربطه بعنوان الكتاب اللي هو ( انا لستُ جميله) .. بصي بقي يا ستي الرجاله تختلف نظرتهم لنفسهم كامل الاختلاف عن الستات ازاي ...!
هقولك أن الراجل دايماً دايماً  دايماً شايف نفسه أنه اجمل راجل في العالم هههههههه اه والله الرجاله حتي لو وحشين وفيهم العبر وشكلهم وحش بيشوفو نفسهم حلوين اووي وبيقفو قدام المرايا يرفعو دراعهم علي شكل العضلات دا ويبوسها .. اللي هو قال يعني عندي عضلات وموز وكدا هههههههه  

ودا طبعا عكس الستات تماماً ...
لأن الستات دايماً دايماً دايماً شايفين نفسهم وحشين وإن لا انا ليه شكلي كدا انا ليه في حبوب في وشي طب ليه مناخيري كبيره كدا طب صاحبتي احلي مني انا ليه كدا انا عاوزة اعمل روتين سكين كير (skin care) واهتم ببشرتي وشعري و .. و .. و ..
كل دا الستات بتقولوا لنفسها حتي لو هي ملكه جمال والله دايماً شايفين نفسنا وحشين وعلفكرة دا بسبب المجتمع اللي خلانا في المنطقه دي بسبب المقارنات والتنمر والله بس دي مشكله تانيه هنناقشها في بارت تاني ...

اللي انا عاوزه اقوله أو المغزي من المقارنه بين الراجل والست أن الرجاله أو الشباب حتي لو وحشين بيلفتو الأنظار ودا بسبب الثقه بالنفس الكبيره اللي هم فيها وبسبب ثقتهم بنفسهم
احنا كبنات بنشوفهم جذابين حتي لو مش حلوين

كذلك نفس النظره بالنسبه للراجل بيشوف البنت اللي واثقه من نفسها حلوة اووي وجذابه حتي لو هي وحشه جدا بس بسبب ثقه البنت دي في شكلها ونفسها وأنها مش محسسه اللي قدامها أنها وحشه دا بيخليه يشوفك ملكه جمال حرفياً والله وعشان كدا دايما بقولك ثقي بنفسك وانا لسه هعلمك في الكتاب دا ازاي تعملي كدا وازاي تثقي بنفسك ويعني ايه اصلا اثق بنفسي ..

أما بقي لو هتسأليني السؤال اللي محير نص البنات ...

هو الراجل بيحب انهي نوع من الستات !

فأنا احب ابشرك واقولك ان الراجل بيحب البيضا والسمرا والقصيرة والطويله والرفيعه والكيرفي والتخينه وأم شعر قصير هيتجنن عليها وأم شعر طويل هيتجنن عليها ام عيون واسعه وأم عيون ضيقه والمتجوزة والمطلقه والعذباء
الراجل ماشي بمبدأ انا مش هخلي لا علي اخضر ولا علي يابس فمتتوقعيش أن مفيش راجل مش هيموت عليكي والله هههههههه وفوكك من كلام البرامج انك لازم تكوني بمواصفات معينه عشان تعجبي
لا انا بقولك وأقسم بالله لو _ معلش في الكلمه_  انتي وحشه جدا جدا جدا هتلاقي برضه اللي هيعاكسك ويبقي نفسه فيكي
رغم أن مفيش بنت وحشه والله  ⁦♥

بس دي كانت حلقه انهاردة ... اكتبولي في الكومنتات انتو حابين اتكلم عن موضوع ايه ..

#سيدة_القلم ⁦♥

لقد وصلت إلى نهاية الفصول المنشورة.

⏰ آخر تحديث: Oct 09, 2020 ⏰

أضِف هذه القصة لمكتبتك كي يصلك إشعار عن فصولها الجديدة!

انا لستُ جميلة حيث تعيش القصص. اكتشف الآن