وصيه الحفيد

بارت ٧

نجلا : انا محتاجه مقر للشركه إلى هنشئها
كان كريم يشرب قهوته
كريم : شركه ايه
كانت نجلا تتناول الطعام وكانت تتكلم بالامبالاه
نجلا : شركه مقر ادير بيه المجموعه اقابل العملاء اعمل الصفقات يعنى كدة
كريم : وليه مقلتيش ليا
نجلا : محبتش اتعبك
كريم : تتعبينى انتى ناسيه أن الأراضى والعقارات دى شغلتى
نجلا : معلش مش متعوده
كريم : لا عاوزك من هنا ورايح تتعودى تطلبى منى كل حاجه
نجلا : ولما اعمل كدة لازمه توفيق ايه
كريم : توفيق دى فى الشغل لكن لما تكونى عاوزة حاجه تقولى لى مفهوم
نجلا بدلال
نجلا : مفهوم
يتحمحم كريم ويشيح نظرة الى الجهه الاخرى وتبتسم نجلا يرن الهاتف
كريم : اهلا يا امجد ازيك عامل ايه انا كويس الحمد لله
امجد : معلش يا كريم الى عملته مايا
كريم : متجبليش سيرة البت دى وشفلك حل معاها انا مش هستحملها كتير مفهوم
امجد : انا لما ارجع هحدد معاد الفرح مع طنط ونخلص
كريم : يا ريت المهم بابا وماما وكل الى عندك كويس
امجد : كله تمام طمنى عامل ايه مع مالكه القلب
ينظر كريم لنجلا
كريم : بصراحه مشروع صعب وعايز تركيز ورواقه
امجد : بس زى ما قلت لك براحه عليها وبلاش جنانك دى رجعها تحبك اكتر من الاول الحنيه هى الى بتجيب من الاخر
كريم : لما اشوف أخر نصايحك يلا باى
يغلق كريم وتنظر له نجلا ليفاجاءها بقوله 
كريم : تعالى معايا عندى مفاجاءة ليكى
نجلا باندهاش
نجلا : مفاجاءة ايه
ليقرب وجهه منها وينظر لعينيها الخضراوتين
كريم : لو قلت لك تبقى مفاجاءة ازاى بس يا رب تعجبك
نجلا : لما اشوف
يأخذها ويقفا أمام مقر مجموعه الانشائات تندهش نجلا أكثر
نجلا : احنا بنعمل ايه هنا
يمسك كريم يدها وتنظر له بدهشه أكثر
كريم : تعالى معايا وانتى تعرفى
يصعدا بالمصعد ليصل إلى دور فارغ بالمقر يدخلها وتنظر هى بدهشه كبيرة
كريم : ها رأيك ايه
نجلا :فى ايه انا مش فاهمه حاجه
يضحك كريم
كريم : ازاى يا دكتورة دى انتى  حتى تفهميها وهى طايرة
نجلا : قصدك
كريم : أيوة دى مقر لشركتك ايه رأيك
تدور فى المكان وكان اعجبها
نجلا : حلو قوى ومكانه ممتاز تصدق زى الى كان فى دماغى بالظبط
كريم وهو خلفها يهمس بأذنها
كريم : محدش اصلا يقدر يعرف إلى فى دماغك غيرى انا
تلتفت إليه ينظر لها بكل شوق وحب ينظر إلى شفتيها المفتوحة قليلا يقاوم رغبه تقبيلها بشدة داخله يغمض عينه ويتنهد
كريم : تعالى افرجك على مكتبى
تومئ نجلا برأسها يمسك يدها مرة أخرى ويتجه إلى مكتبه تقف اسماء سكرتيرته
اسماء : صباح الخير يا بشمهندس
كريم : صباح الخير
يدخل مكتبه وهى تشاهد المكتب يجلس  وتجلس أمامه
نجلا : حلو المكتب ذوقك حلو
كريم: عارف
نجلا : على فكرة انت مغرور قوى
يبتسم وهو يضرب جرس للسكرتيرة
كريم : دى مش غرور يا قلبى دى ثقه بالنفس
يغمز لها تدخل السكرتيرة اسماء
اسماء : أيوة يا بشمهندس
كريم : اطلبى لى قهوتى والدكتورة هاتى عصير وإطلبى البشمهندسه هديل
اسماء : حاضر
تخرج اسماء
نجلا : انت عاوز هديل ليه
كريم : مش الجميل برضه هيحتاج مهندس ديكور علشان المقر الجديد بتاعه
نجلا : انا كنت هكلم امجد
كريم : هديل وامجد واحد وهديل اشطر وهتفهم انتى عاوزة ايه بالظبط لكن امجد هيفضل يناهد فيكى وهيعمل الى على مزاجه
نجلا : فى دى عندك حق
كريم : فى دى بس
نجلا : المهم يا بشمهندس نتفق الاول
كريم يقترب منها
كريم : هو احنا لسه مش متفقين
نجلا : ممكن نتكلم جد شويه
يهز كتفه وهو يشير اليها
كريم : امرك
نجلا : هتبيع ولا تأجر
كريم : ابيع ايه او اجر ايه
نجلا : الدور الى انت وريته ليا
كريم : لا دى لا بيع ولا ايجار
نجلا : امال ايه
كريم: اعتبريه هديه
نجلا : دور فى مكان زى دى هديه
كريم : وليه لا
نجلا : دى بيزنس يا بشمهندس والبيزنيس مفهوش هدايا أو مجامله
كريم ينظر لها وهو يبتسم سعيدا بمجادلتها
كريم : انتى ناسيه انك مراتى يعنى عادى
نجلا : العلاقه الى بينى وبينك ملهاش دعوة بالبيزنيس ارجوك
كريم : شاطرة قوى يا نوجا فى البيزنيس بس يا قلبى نسيتى حاجه
نجلا : ايه هى
كريم : أن الشركه دى تبقى ملك عائله الغنام وانا وبابا وامجد بنديرها بس يعنى لما تاخدى دور احنا مش محتاجينه وتعملى مقر شركتك فيه عادى دى حقك مالك ولا انتى ناسيه دى
نجلا : أيوة بس
كريم بزهق
كريم : خلاص يا نوجتى بقى
نجلا بدهشه
نجلا : نوجتى 
تدخل أسماء ومعها المشروبات وخلفها هديل
كريم : ازيك يا هديل عامله ايه
هديل : الحمد لله
تخرج اسماء وتجلس هديل
كريم : احب اقدملك دكتورة نجلا الغنام بنت عمى ومراتى هديل مهندسه ديكور وخطيبه امجد
يسلما على بعضهما
هديل : انا حابه اعتذر عن الى حصل من مايا
نجلا : مفيش داعى للإعتذار دى بنت صغيرة ومراهقه مش هناخد عليها
هديل : انا كنت خايفه تكون ضايقتك بكلامها السخيف
نجلا : لا اطمنى انا عقلى اكبر من كدة بكتير المهم انتى عامله معاها ايه
هديل : صدقينى تعبانه انا وماما معاها مش عارفين نعمل معاها ايه
نجلا : لو تحبى انا ممكن اقدم مساعدة ليكى
هديل : ازاى
نجلا : انا اعرف مركز متخصص وعندة اخصائين بيشتغلوا فى حاجات زى دى ممكن اكلمهم يبعتوا متخصصه تقعد معاكم فى البيت زى المربيه تساعدكم وهى عندها خبرة فى التعامل مع المراهقات
هديل : بجد يعنى ينفع ممكن يجيب نتيجه
نجلا : اه طبعا انا هكلمها ليكى وهخليها تقابلك وتتفقى معاها كمان لعلمك هتنفعكوا قوى
هديل : ياريت انا خلاص يأست منها ومن تصرفاتها
نجلا : اطمنى انا معاكى
هديل : مش عارفه اشكرك ازاي
نجلا : هديل انتى خطيبه امجد اخويا يعنى اختى فدى طبيعى ومفيش شكر بينا بجد انا حبيتك اصلا من قبل ما اشوفك امجد كلمنى عنك كتير وبصراحه كل كلامه كله صح ما عدا حاجه واحدة
هديل : ايه
نجلا : بصراحه امجد قال لى انك حلوة بس
هديل بقلق
هديل : بس ايه
نجلا : انتى مطلعتيش حلوة انتى طلعتى مزة اخر حاجه
تضحك نجلا وهديل تخجل وتضحك وكريم يضحك معهما
كريم: لا خدى يا هديل على كدة مقالبها كتير بس لما توعد بحاجه لازم تنفذها مش كدة يا روحى
نجلا : طبعا انا دايما قد كلمتى
كريم : صحيح يا هديل نجلا هتقعد معاكى من الاسبوع الى جاى الدور الى فاضى فوق هتعمله مقر لشركتها عاوزك توضبيه زى ما هى عاوزة مش هوصيكى
هديل : طبعا يا بشمهندس انا تحت امرها
نجلا : شكرا ليكى قوى يا هديل
هديل : استأذن انا علشان الشغل وفرصه سعيدة انى اتعرفت عليكى
نجلا بابتسامه وأخذها فى أحضانها
نجلا : انا الى سعيدة انى اتعرفت عليكى اخيرا
تتركهم هديل وينظر كريم الى نجلا بابتسامه
نجلا : خير
كريم : هتجيبى منين إلى قلتى عليها دى لهديل
نجلا : مركز ارشاد اسرى
كريم : ماشى ايه رأيك يلا نتغدى
نجلا : مش هنروح
كريم : لا احنا هنتغدى وبعدين اوديكى اى مكان تحبيه
نجلا : اى مكان اى مكان
كريم : اى مكان يا نوجتى
نجلا :تمام يلا أة صحيح بلاش نوجتى دى علشان دى دلع رخم
كريم : امال ادلعك بأيه
نجلا : مش بالاسماء يا بشمهندس مش بالاسماء
تتركه ويتنهد
كريم : لسه المشوار طويل
يصعدا إلى السيارة لتشرد قليلا
فلاش باك
كريم : نوجتى نوجتى متزعليش منى انا مقدرش على زعلك ابدا
نجلا : لا زعلانه ومش هسامحك
كريم : كدة انتى قلبك قاسى قوى مش انا قلت لك أنه غصب عنى
نجلا : كريم انت محرم عليا اروح فى حته من غيرك ومن ساعه الإجازة مخرجتش مرة واحدة وكل ما اكلمك تقول لى شغل شغل والإجازة هتروح ومش هتفسح وانا داخله على ثانويه عامه يعنى سنه فحت
كريم : ما انا يا قلبى اخدت اسبوع اخرجك وافسحك فيه زى ماانتى عاوزة
نجلا : بس انا كنت عاوزة اروح الساحل
كريم : افسحك الاول  فى الاسبوع دى ووعد هاخد اسبوعين ونطلع كلنا الساحل ها رضيتى عنى يا نوجتى
نجلا : رضيت بس بلاش نوجتى دى والنبى يعنى دى بلدى قوى
كريم : بلدى مكنتش سمعتك جميله امك كانت علقتك
نجلا بدلال
نجلا : وانت كنت هتسبنى
كريم : اسيب مين انا اتعلق مكانك يا قلبى انتى عارفه انا مستحملش حاجه عليكى
نجلا : بحبك يا كيمو
كريم : وانا بعشق امك
تضحك نجلا
نجلا :ها هتفسحنى فين
كريم : المكان الى تحبى تروحى فيه
نجلا : اى مكان اى مكان
كريم : اى مكان يا نوجتى
باك
كريم : نوجتى
نجلا دون أن تدرى
نجلا: أيوة يا كيمو يا حبيبى