من أنت .. وميمو .. ولفى بيا يا دنيا

لفى بيا يا دنيا 10

لفى بيا يا دنيا 10
**************
سبحان الله والحمد لله ولا إله إلا الله والله أكبر
سبحان الله والحمد لله ولا إله إلا الله والله أكبر
سبحان الله والحمد لله ولا إله إلا الله والله أكبر
اللهم صل وسلم وبارك عليك يا سيدى يا رسول الله
💗💗💙💙💙💚💚💚💚
برغم مرور الأيااام إلا إن لولو زى ماهى ما أتعيرتش بالعكس حست إنها بتقرب من باسل وبتفهمه وهو بيفهمها أكتر من أى حد برغم كل الا حصل بينهم فى يوم من الأيااام دا ما يمنعش أبدا ابدا إن يكون حكمنا على بعض سطحى عشان لما الابواب بتتقفل علينا الدنيا بتختلف لينا  .. ياما ناس أتخدعنا فيهم وفى أسلوبهم وكلامهم بس مع العشره تبان حقيقه مره صعب نتأقلم عليها وياما ناس دخلت حياتنااا .  لا اتوقعنا فى يوم يكون لها مكان بينااا او حتى معرفه وفجأه بقو هما كل حياتنااا .. قلبك ونبضه مش كفايه حتى عقلك ساعات بيحكم غلط ..  القدر .. هو القدر  بيقربنا ساااعت برغم الكره وتزيل كل الموانع وتبعدنااا ساااعات برغم كل الحب وتنكشف القلوب .. اااه على دى دنيا فعلا طول ما إحنا ربنا مدينا العمر بنتعلم وها نفضل نتعلم ..
*********
باسل واقف فى المطبخ وفاتخ التلاجه بيشرب ميه .. حط القزازه وبيدور على الفاكهه الا جابها وبعلو صوته : لولو .. يا لولو
لولو جايه جرى : نعم يا باسل فى ايه
باسل : فين الفاكهه الا جبتها مش لاقى أى حاجه منها
لولو : فى الدرج بتاع التلاجه وسع كدا .. وجابت عنب ومانجه وبتغسلهم وحطتهم كل نوع فى طبق وطلعت لباسل قعدت جمبه قطعت  المانجه من النص بالسكينه وشدتها من بعض وحطتله معلقه فى النص الا مفهوش النوايه .. مدت ايديها .. أتفضل
باسل رافع رجله على الترابيزه مد ايده وخدها وبياكل بالمعلقه ..
لولو مسكت المانجيه : بسم الله وبتئرم ..
باسل : إيه دا إهدى ها تكليها بقشرها ..
لولو ديقت عيونها : مش بعرف أكلها غيرا
باسل : بقشرها يا لولو عيب يا ماما
لولو : ههههه مفيش عيب فى المانجه ولا البطيخخخ .. إيخ إيخ .. وأساسا انا ما باكلش القشر .. بص اهووو وبتحطه فى الطبق أرتحت كدا  .. أستمتع وكل
باسل : ههههه حاضر ها أكل اهووو .. بقولك
لولو : نعم
باسل : أنتى ما ينفعش تمدى أجازتك شويه
لولو : أعاااا ... انا ممكن يمدونى على رجلى انما يمدونى بأجازه لااااع ماعينفعش
باسل : هههههههه ولف لها وشد رسها جااامد عليه لدرجة انها خبطت فى صدره .. انتى واحشانى ومفتقدك كدا وعايزين نظبطلنا يومين مع بعض بما إنى هناااا ..
لولو قربت عليه وبمكر  : بسبوستى
باسل رفع حاجب وبصلها بطرف عينه : نعم
لولو : هو أنت يعنى ما حبتش قابلى بمناسبة القاعده اللطيفه دى
باسل نطر إيده  : يوووواه كتير ما تعديش
لولو تنحتلو : طب طمنى وإدينى أمل فى نفسى قولى لاء يا لولو .. انتى العين والنينى يالولو .. انتى حبحياتى يالولو
باسل :انتى على الكنبه جمبى يا لولو وكلتى المانجه كلها يا لولو .. واتجوزنا وكان الا كان يا لولو واللى راح راح يالولو 
لولو : دانت معبى يا راجل
باسل ضرابها على راسها بهزار : راجل ايه انا قاعد على القهوه مع القهوجى وإشمعنا يعنى بتسألينى السؤال دا
لولو بعصبيه : أصل إلا كان يشوفك وانت بتعاملنى يقول انك ما تعرفش حاجه عن الجنس الأنثوى
باسل : هههههه لا أنتى مختلفه ماتقارنيش نفسك بدول 
لولو ديقت عيونها وضحكت :قولى بقى ما محبه الا بعد عدواه والكلام الاشبعنا منه
باسل هز راسه وبغمزه : أنتى خطفتينى وانتى قاعده فى حالك ورا خالص ملامحك البريئه شدتنى ...بس لما الجعوره أتفتحت وحسيت إنى إطرشيت بقيت أخبط ومش عارفه أخبطك فين والا فين يمكن تتكتمى
لولو : 😂😂😂😂😂 وانا كمان علفكره
باسل بضحكه هاديه : انتى كمان ايه يا نمس وأتعدل لها أعترفى
لولو : أول لما قابلتك
باسل ضحك وبيشاور بايده : ايوا فى أخر كرسى عرفه
لولو : يعنى كدا أتلخبطت قوووى وسرحت يادوب يادوب ملحقتش ياربى اقول حققلى أمنيتى وجوزوهلى وضربونا ولاد المزنهره
باسل : ياريتك يا ما سرحتى ماكنش ظهر زناهير أرحمينا من كلامك  وابتسم  وميل عليها أكتر .. وبعد الا حصل
لولو : لا ماكنتش شايفه حاجه خالص بسببك رجلك تقيله قووى وتقريبا لازقت فى وشى  واتعدلت .. انت ازى تشلنى ترمينى على السرير وتقول واحده براس أبو قردان
باسل ضحك بصوت عالى جدا وبيخبط ايده فى بعض : مين قالك كدا
لولو : سها
باسل : تصدقى انى اصلا لا شيلتك ولا شوفتك حتى وهما بينزلوكى من الاتوبيس
لولو بتفكير : يابنت اللذينه بتلعبى بيااا
باسل بيلف ايده : أنتى على طول يتسلو عليكى  كدا
لولو هزت راسها : اااه بس دلوقتى انا خلاص ليا شخصياتى وكيناتى  طيب يعنى ايه غيرك وخلاك تفكر فى جواز منى
باسل : قعدت مع نفسى لقيت القدر بيجمعنا مع بعض فى ظروف صعبه جدا وبتتحملى وبيعدى وربنا بيسترها معانا شاركتينى حياتى إجبار يا لولو وشاركتك حياتك بإختيارك .. يعنى حسيت انك قريبه منى ودلوقتى وقرب على خدودها وباسها وبهمس .. حبيتك وكل لحظه بتمنى تقربى ما تبعديش .، بتوحشينى لو سافرتى او انا سافرت هااا عايزا تعرفى ايه تانى
لولو بصت فى عيونه : حبتنى بجد  والا لسااا .. يعنى حسيت بشعور ناحيتى
باسل بمرواغه : قولى أنتى الاول وانا أقول
لولو : الصراحه انا برتحلك قوووى شخصيتك كلامك هيئتك بحسها مناسبه ليااا ولتفكيرى حد مش مكتفنى عشان هو عنده مساحه ليااا مش مجرد كلام او سد خانه او الاسم انك اتجوزت وخلاص
باسل بهمس أكتر : حبتينى ومسك ايديها باااسها وفردها وبيمشى ايده جواها
لولو أبتسمت واتنهدت : جدا ماكنتش أعرف يعنى ايه حب وعرفته بعد جوازى منك
باسل : أناااا بقى بعشقك يا لولو مش بحبك وبس .. لو أطول بعد ماعرفتك وبقينااا فى بيت واحد وكيان واحد أخبيكى فى دا وبيخبط على قلبه ها أخبيكى فيه لما عرفت من حاتم ان محمد راح اتقدملك وكمان واحد تانى وحكالى على الا حصل انا عايز أقولك مانمتش من كتر التفكير قولت أكيد ها توافقى على الدكتور محمد وانسى يا واد الحكايه انتهت قبل ما تبتدى .. بس ربك لما بيريد بقى .. . صليت أستخاره شوفتك معايا فى أرض خضره وبتشربى من ايدى انتى مبسوطه وانا زيك .. حاجه شدتنى ليكى أكتر وقربت المسافات وصليت تانى وتالت ورابع وقولت لو انتى ليااا اكيد مش ها تروحى لغيرى ماهو كدا القسمه والنصيب زى ما بيقولو تبقى فى بوئك وتقسم لغيرك حضنهاااا جااامد وهى بادلته الحضن وباس راسها .. ربنا يباركلى فيكى
لولو بفرحه ؛ يارب  .. بس انت نصاب دانت كنت جاى تتخانق مش تخطب
باسل رجع لطبيعته : ماهو البعيده أستقبلتنى بالميه وبعدين خارجه تنطحى بتعصبينى يا لولو دمى فااار عليكى
لولو : ههههههه والله كان يوم حلووو
باسل :  أنتى أحلى ما فيه .. بس تعرفى ان الحب او القرب بعد الجواز أحلى بكتير من قبله
لولو : أكيد ربنا يدمها علينا نعمه ويحفظها من الزوال .. كان ممكن نحب بعض ونعمل كل حاجه وبعد الجواز تقلب حياتنا جحيم والمسافات تزيد وتبعدنا عن بعض
باسل : ممكن يعنى هو الأغلبيه كدا مش شرط يبقى كله .. سيبك منهم وخلينا إحنا فى اللحظه الرومانسيه دى وابتسم وبيشدها لحضنه
لولو قلبت وشها : وسع كدا الحياه الزوجيه عايزا أكل بردك ومم .. ها ناكل مم وبتشاور على بوئها بعد ما قامت .. ايه يا باسل ما بتصدق
باسل : أقسم بالله غداره وشويش عطيه يمكن الشويش عطيه عنده رومانسيه عنك
لولو طلعت لسانها وبتضحك ودخلت المطبخ فعلا تعمل أكل  خلصت وكلو مع بعض وخرجو .. راحو عند زينب وصبحى
زينب اول ما فتحت : لولو .. تعالى يا حبيبتى وحضنتها جااامد .. أمتى بقى تدخلى عليا  وعلى إيدك عيل .. أشيله ويقولى يا تيتا ..
باسل ضحك ومد ايده وقرب باسها : إزيك يا تيتاااا ..
لولو : ههههه شوفتى أدى نتيجه أفعالك وبتشاور على باسل حلو كدا أهو كبرتى وبقيتى تيتاااا خنشوره بسببه 😂😂
زينب ضربتها بعد ما سلمت على باسل :  روحى يابت أنتى ملكيش دعوه بيا انا وباسل حبيبى والله أبنى الا مخلفتوش
لولو : انتى طلعتى منهم
زينب كشرت : من مين
لولو : الا بيسايسو أمورهم
باسل : خد حماته تحت دراعه .. تعالى زينبوو  سيبك من البت الحقوده دى وسايسى براحتك وبيلقح على لولو .. مش أحسن ما تبقى شبه الغفير فى البيت ناقصلك عمه وعصايه وتهشى الا رايح والا جاى عليكى
صبحى : أهلا أهلا .. تعالى يا بنى نورتنااا والله
لولو مدت ايديها له وهو راح باس باسل وحضنه : أهئ اهئ هو انا بتقلش والا إيه أنت كمان يا صبحى عايزا تبقى جدو خنشور 
صبحى بصوت عالى ودهشه كانه لسا شايفها : لولو .. وحشانى وحضنها
لولو : ياااه حمدالله على السلامه يا راجل .. وقعدو كلهم مع بعض .. وبيتكلمو فى كل حاجه ..
زينب بتضحك جامد : أسكت يا باسل يوم العرسان العالمى دا دخلت لبنتى الا رافعه راسنا لفوق فى السما  تخيل لقتها فين
باسل باصص للولو وبيضحك : ها تلاقيها كانت بترقص من الفرحه
زينب : ياريت .. كانت زى القرود فوق الباب وواقفه على الأوكره
كلهم : 😂😂😂😂
باسل شد راسها تحت دراعه : فاضل ايه تانى معملتيهوش .. ها أسمع عنك إيه تانى
لولو : ههههههه وسع ها تخنقنى وربنا .. وبصتله وهى لسا تحت دراعه وحركت شفايفها وبتقوله بحبك
باسل أتعدل ومسكها من ايدها  : طيب بعد اذنكم والله كانت قاعده لطيفه ظريفه
لولو ضحكت بصوت عالى
زينب : يووووه
لولو شدته وقعدت  : بطل بقى عارف لو لاما هنااا كنت شبعت ضحك
باسل : واضح عليها زيك
صبحى : اه والله يابنى زيها وأكتر وربنا كرمها بواد إبن حلال .. ربنا يطمنا عليها
زينب : يارب .. والله لو أعرف ان الغربه كدا ما كنت وافقت تسافر وتبعد أخر الدنيااا ..
باسل : أدام عايشه ومبسوطه  إحمدى ربنا غيرها بيبقو هنا وطالع عين أهاليهم قبل نفسهم هما
صبحى رفع إيده : ربنا يهدى سركم يارب ويسمعنا عنكم كل خير
لولو وباسل : أمين يارب
باسل : هانقوم إحنا عشان نعدى على بابا وماما نقعد معاهم شويه
صبحى وقف : على طول كدا انا كنت فاكر ها تباتو معانا
باسل معلش مره تانيه 
زينب : أستنو ودخلت جرى جابت شنطه كبيره مليانه حاجات .. خدو دى
لولو : حطت راسها فى الشنطه : فيها إيه دى مامى
زينب : فيها كل حاجه انتى بتحبيها انتى وباسل
باسل : شكرا يا حماتى .. شكرا يا حمايااا .. وشد لولو الا دافسه راسها فى الشنطه وخدها ونزل .. ركب العربيه ومشى وصل عن
والده ووالدته وطلعو سلموو  وقعدو معاهم ..
منى : ها يا لولو مبسوطه
لولو : الحمد لله يا طنط 
أحمد : الحمد لله خلاص بطلتو ضرب فى بعض
باسل : يا بابا  الأمر ما يسلمش يعنى يعنى بوكسين على الريق
أحمد نطر ايده : حاجه بسيطه يعنى
منى : تعالى ومدت ايديها نحضر العشا عشان نتعشى مع بعض
لولو قااامت دخلت المطبخ ومنى واقفه تدردش معاااه فى كلام بعيد تماما عن حياتها الزوجيه .. باسل دخل عليهم وخد بطاطس متحمره وبياكلها ..
باسل : ها تفضلو ترغو وسايبنا جعانين برا
منى : خد يا باسل طلع البطاطس على ما أجيب حاجه من برا ومسكته المعلقه والطبق
لولو : حاسب لتحرق نفسك
باسل بحب  :  خايفه عليااا وبيخبطها بكتفه وهى واقفه تعمل جبنه بالأوطه
لولو خبطته نفس الخبطه : طبعاااا يعنى أخاااف على مين
باسل بعت لها بوسه على الهوااا وطلع البطاطس وخرجو الأطباق مع بعض .. وأتعشووو .. بعد ما خلصو لولو قامت شالت الأطباق وباسل ساعدها وغلست المواعين من باب المشاركه والذوق .. خرجت برا قعدت جمب باسل .. وباسل باصص لابوه وأموه
باسل : إحنا ها نمشى
أحمد : طيب يا حبيبى .. خلى بالكو على نفسكو وحبووو بعض ياولاد
باسل بص لأمه بمكر ولولو كاتمه الضحكه بالعافيه وما بيتحركش من مكانه : أنا ماشى يا ست الستات
منى : مع ألف سلامه يا حبيبى .. طيب ما تابتو معانا ايه رأيكوو
باسل : لا أصلى عايزا اروح وأمشى  وبيحرك ايده ناحية الباب
منى بابتسامه : خلاص براحتكو انتو لسا عرسان بردو ومش ها نضغط عليكووو
لولو بهمس بتشد ايده : ماتقوم انت ماشى بالك ساعه ولسا مكانك
باسل بنفس الهمس : أستنى يا لولو هما مش ها يدونا شنطه زى بتاعت ابوكى وامك عشان نعرف نكمل باقى الشهر
لولو : يادى الفضيحه قوووم سودت وشى
باسل بص فى وشها : ماهو الا لونه كدا انتى ها تكدبى 😂😂😂😂
لولو ضربته فى كتفه براحه : انا ماشى
أحمد : إيه ها تابتو
لولو : لا يا عمو ماشين اهووو .. وبتشد باسل .. وطلعو من باب الشقه ولولو نزلت وباسل صد الباب بايده ..
أحمد : إيه يابنى
باسل ضحك وهز راسه : بقولك ماشى يا حج أنت والحجه ولا اتهز فيكووو شعره إيه طلعنا جاحدين والا إيه
أحمد : ههههههههه .. خد يابنى ياما رزلت على أبويا زيك كدا والله
باسل مسك الفلوس : كام دول
أحمد : هاتهم شكلهم مش مالين عينك
باسل قدم باااسه : لا عيب عليك .. انا ماشى يا ماما
منى : اااه صح كنت ها أنسى والله ..
باسل : هو الواحد لازم يحسسكو بتأنيب الضمير عشان تتحركة
منى :  خد يا حبيبى وجابت شنطه كبيره مليانه من خيرات ربنااا .. وبتديهالووو ..
باسم باسها وخد الشنطه ونزل جرى للولو  حط الشنطه فى العربيه وركب ومشى
لولو : إيه الا أنت بتعمله دا يا باسل .. عيب .. دى هبه مش المفروض نطلبها
باسل نطر إيده : بلا هبه بلا منى .. دا واجب قومى على كل أم وأب .. خصوصااا فى اول أيامنا  وطلع الفلوس من جيبه .. بصى يا لولو ..
لولو بفرحه : كااام .. دول يا فرج الله
باسل : أنا عارف لما اروح نشوف كااام ابويا دا لئيم حاطت من جميع انواع الفلوس عشان يعملهم مبلغ يحسسك انك بتقبضى من البنك .. روحو البيت وغيرو ورصو الحاجه مع بعض .. وباسل رفع ايده .. أحمدك يارب .. كدا عندك تموين شهر كامل ..
لولو : وأكتر كمان ماشاء الله
باسل دخل الاوضه ولولو معاااه وجاب كشف حساب بعد ما عد الفلوس بتاعت أبوه .. وطلعت الف جنيه
لولو : بص يا سيدى .. احنا دلوقت معانا 500 وأدى الف يبقى الف ونص .. سددنا قسط الشهر دا بتاع الشقه الحمد لله وها نشيل ال500  للنور والغاز والكهربا إحتياطى .. والألف نصرف منها باقى الشهر
باسل : كدا فاضل من تمن الشقه كام ونعيش حياتنا ونبطل تسول
لولو : 😂😂 فاضل خمسين الف بس
باسل بيقلب شفايفه : بس والله كنت فاكر أكتر من كدا هانت يا لولو .. كلها كام سنه وتطلبى الطلاق 😂😂😂
لولو : على رأيك
باسل : وأنتى عليكى كام من أقساط الحاجه بتاعت جهازك
لولو هزت راسها : مبلغ هايف .. عشرين بس
باسل : عشرين جنيه بتقسطى عشرين جنيه يا تافهه
لولو : ههههه عشرين الف إحنا أتجوزنا فى اربع شهور يا أستاذ .. زنقتنا ودياتنا يا أستاذ .. فيها ايه لو كنا صبرنا ودخلنااا على مهلنا
باسل : ادى دقنى ايه لو كنتى شوفتى جووواز .. إحمدى ربنا وبوسى ايدك وش وضهر احنا بنشتغل ونسد وربنا واقف جمبنااا .. غيرنااا بيترمى فى السجن على خمس او ست ألاف جنيه
لولو : الحمد لله على كل حااال ..
باسل مسك الورق الا على رجل لولو رماااه : شيلى جبل الهوم دا من هنااا .. وتعالى يا واد انت يا منور
لولو : ماكنت سوده وكودا وقعر الحله من شويه
باسل بيشاور على نفسه : دا انا اللى  كوده وسوده يا ام لسان عايزا ظبط زوايااا .. مالهم السود دا السمار الجمال كله
لولو بدلع : بسبوسبتى .. ماتسافر معايااا أصلى بخاف
سامر ضحك بصوت عالى : افتحى الجعوره وهما يهربووو .. وشدها لحضنه وأختفى الكلام فى حضور الهمس والنظرات وأشواق متبادله بين اتنين كانووو إيه وأصبحو إيه
دى بقى كانت باقى الحدوته حلوه والا ملتوته بردك
💗💗💙❣
بقلم : لبنى طارق
💗💙💙💚💚
لا إله إلا أنت سبحانك إنى كنت من الظالمين
لا إله إلا أنت سبحانك إنى كنت من الظالمين
لا إله إلا أنت سبحانك إنى كنت من الظالمين
جميع رواياتى فى جروبى كوميكس روايات لولو طارق
تصويت للحلقه