العاصفة

بوست هام جدا جدا

عاجل عاجل عاجل

متابعين رواية العاااصفة
طبعا أنتم شايفين إن الرواية كبيرة وأحداثها كتيرة فمش سهل نخلصها بسرعة لأني مش عايزة أنهيها وهي لسة فيها أحداث خصوصا إن كل واحد في الرواية بدأ يختار طريقه وهنوضح كل ده
وفي كتير أمهات أولادهم ثانوية عامة طلبوا مني إني أنزلها كاملة مرة واحدة او اوقفها عشان يقدروا يركزوا مع أولادهم في الامتحانات ونقطة إني أنزلها كلها مرة واحدة صعب جدا وغير منصف ليا ..
وأنا اصلا مش عارفة أكتب جديد وأراجع الحلقة اللي هتتنشر وارد على الكومنتات والريفيوهات والرسايل
بالنسبة للي بيقولوا ما ترديش فعايزة أقولهم إن متعتي في الكتابة والمقابل الوحيد اللي بطلع بيه هو تفاعلي معاكم ومع ريفيوهاتكم ..
انارمضغوطة جدا جدا وفعلا محتاجة اشحن طاقتي ومحتاجة اريح شوية ولو فترة بسيطه .. اعذروني بجد
فبناء على كدا قررت اقسم الرواية جزئين
الجزء الأول هيتوقف عند الحلقة ٣٨ ناخد بريك اسبوع او ١٠ أيام ونرجع تاني في جزء مختلف عن الأول تماما وهيعجبكم باذن الله
أنا عايزة ادي الرواية حقها ومش هينفع خالص أحطها كلها مرة واحدة لأن في أفكار كتير محتاجة ارتبها واحطها وانا واثقة انكم هتوافقوني في الراي لانكم بتحبوني وعايزين الرواية تبقي جميلة ⁦❤️⁩

ونقطة مهمة مهمة مهمة أرجوكم
إن اللي يعترض على الرواية او مش عاجباه ينتظر ردي انا والمتابعين حبايبي يسيبولي انا ارد عليه واعرف ايه اللي مش عاجبه وبلاش حد يغلط فيه لان ده وحش في حقي انا
اي بوست انتقاد سيبولي انا حق الرد عليه لكن محدش يغلط في حد كلنا اخوات واختلاف الرأي لا يفسد للود قضية

وعايزة اشكر كل اللي شجعني اني اكتب والرواية تنجح كدا وكل من كتب كومنت او ريفيو او نقد بناء تسلمولي
بحبكم جدا⁦❤️⁩⁦❤️⁩⁦❤️