مريم : يا جاسر حرام عليك و الله أنا كويسة و سعيدة كمان بوجودي في قصر المنسي وكلهم هنا بيعملوني كويس .
جاسر : طيب و فرح .
مريم : مالها فرح دي قمر و قالت إنها بتحبني .
جاسر : ماشي يا روما بس لو حسيتي إنك مش مرتاحه تكلميني علي طول هاجي أخدك تعيشي معانا .
مريم : حاضر يا عيون روما .
جاسر : بقولك يا روما هقفل علشان عندي اجتماع مهم سي يو سون يا عيوني .
مريم : سي يو سون يا قلبي .
نظرة مريم للساعة فوجدتها ٦:٠٠ مريم لنفسها : يا خبر مش فايت مش هلحق أنام قبل ما الكل يتجمع هنام نص ساعة كدة و أقوم ألبس و يكون المغرب أذن أصلي و أنزل أتفرج علي الحلقة الهندي من أولها .
عند آسر وصل لبيت آية علشان يحدها معاه بعد ما أستأذن من باباها .
آيه نزل من علي السلم بفستانها الأسود الطويل و تركت لشعرها الحريري العنان لتكون كالأميرات
آسر يلتفت بعد سماعه لصوت حذاءها : كل ده تأخير يا آ ووقف مصدوم من جمال أميرته و غرق في ملامحها بشعرها الحريري و عينيها اللامعتان وشفتيها التي تشبه ثمرة الفراولة أفاق آسر من شروده علي صوت آيه
آية : آسر مالك أنت كويس
آسر : ها كويس أنت أتأخرتي كده ليه مش أنا قايلك هاجي أخدك الساعه ٦:٠٠ .
آيه : كنت ببذاكر علشان أمتحاناتي بكره و ما أخدتش بالي من الوقت أسفه يا آسوو .
آسر بحب : ولا يهمك يا قلب آسوو يلا بينا نمشي .
عند أدهم خلص مذاكرة لفرح و كل واحد بيجهز نفسة علشان يرجعوا القصر أدهم واقف قصاد المرايا و فرح عند الكومودينو فجأة صرخة فرح ومسكت قلبها .
أدهم برعب : فرح مالك أنتي كويسه .
فرح بدموع محبوسة في عيونها : صقر صقر يا أدهم صقر حصل معاه حاجه قلبي بيقولي إن في حاجه حصلت لصقر .
اقترب أدهم من فرح و أحتضنها بحنو يبث في قلبها الأمان : متقلقيش يا قلبي صقر كويس أنا لسه مكلمة أمبارح وهو قالي أنه جاي قريب و لما نخلص موضوع مامتك و باباكي نبقي نتكلم .
فرح : عمر أحساسي بيه ما كان غلط يا أدهم أخوية في مشكلة كبيره .
أدهم : وصقر زكي و هيخرج منها متقلقيش و لما نرجع هنتطمن عليه و هفكرك يلا بينا علشان منتأخرش .
فرح لنفسها : حساك مخبي عني حاجة يا أدهم يا رب أحفظ صقر و أحميه .
أدهم لنفسه وهم خارجين من البيت : طول عمرك يا فرح بتحسي بكل واحد فينا لو كان في مشكلة بس مقدرش أقولك إن حياة صقر في خطر و إن مهدد بالقتل في آي لحظة يا رب ساعده يهرب منهم و يرجع مصر بسرعة .
الفصل السادس عشر
Start from the beginning