Part 9
في صباح اليوم التالي
استيقظت لمار بهمه ونشاط غير معتاد
سعاد : إيه النشاط ده كله
لمار وهي تجمع اشيائها : والله يا ماما الجامعه واحشاني اوي ونفسي اروحها لان الامتحانات باقي عليها شهر وانا مفتحتش اي حاجه خالص والله فعاوزه الم شويه من المنهج علي الاقل اجيب مقبول
قبلتها سعاد من جبهتها ثم من جبينها قائله
ربنا يحميكي يا بنتي ويحفظك
لمار بابتسامة عريضة: يا رب يا ماما انتي بس افضلي ادعي لينا كده علي طول واحنا هننجح في حياتها
ربتت سعاد علي كفها فقالت لمار : انا هنزل يا ماما عشان متاخرش سلام
سعاد : سلام لا اله الا الله
لمار : محمد رسول الله
ثم نزلت لمار فوجدت حازم يقف أمام العماره مبتسما
فبادلته الابتسامه ثم توجهت ناحيته قائله
لمار باستغراب: دكتور حازم بنفسه جاي هنا انت اكيد جاي لعبد الله
حازم : لا يا سيتي مش جاي لعبد الله بس جاي لاخت عبد الله كمان
لمار : بس عبدالله جاب عربيه وقالي أنه هيوديني
حازم : وانا استاذنت عبدالله اني اريح عربيته واخدك انتي وهو للجامعه
لمار بشك : اومال عبدالله فين
حازم بابتسامة احراج : هو راح الجامعه
لمار بحده مصتنعه : يا دكتور والنبي بلاش الشويتين دول عليا اولا لو انت كنت قلتلي انك كنت جاي ليا انا انا كنت هبستفك كلمتين بس وبعدين اركب عادي وبعدين انا بثق في حضرتك لان انا مش اول مره اتعامل معاك
ثم أكملت بمزاح
يلا افتح باب العربيه عشان اركب ولا هتشعلقني في الشنطه
ضحك حازم بشده فشرحت لمار في تلك الضحكه التي تشبه ضحكتها
نفس الغمازه اليمني التي تمتلكها هي ونفس طابع الحسن
إنه يشبهني
الي هنا وفاقت لمار علي صوت حازم
حازم بخبث : إيه هو انا ضحكتي حلوه اوي كده
لمار بخجل : لا اه بصراحه يعني انا مستغربه حاجه عمري ما شفتها
حازم : إيه
لمار : حاسه اننا شبه بعض
حازم : طبعا ما احنا بشر زي بعض
لمار : لا مش قصدي
ثم أكملت
ابتسم كده تاني
فابتسم حازم فابتسمت لمار ثم قالت
لمار : اول مره اشوف شبه بيني وبين حد اوي كده يعني بس انا عندي نفس الغمازه في نفس المكان
ثم اشارت علي الغمازه
ثم أكملت
وعندي نفس طابع الحسن
ثم اشارت علي طابع الحسن
ضحك حازم بكل صوته ثم قال
حازم : ده انتي حتي كان عندك اخت توام اكيد كانت شبهك
لمار : انا عمري ما كنت شبه حد مش شبه ماما خالص غير في صفاتها وبابا مش شبهه في اي حاجه وحتي اختي التوام مكانتش شبهي كانت شبه ماما انا بقي كده مختلفه ف استغربت جدا لما لقيت حد شبهي
ثم أكملت بحرج
لمار :انا اسفه وجعت دماغك
حازم : والله احلي وجع دماغ
ثم فتح لها باب العربيه الامامي فكادت أن تقول لا ولكنها تذكرت كلمه والدها عندما كانت تفعل ذلك ( مش السواق الخصوصي للهانم انا )
فركبت بجانبه وسط خجلها وتانيبها لنفسها علي ما فعلته
حتي إن كان سيتقدم لخطبتها فلا يجب أن أفعل ذلك
لاحظ حازم حرجها فعلم أنه بسبب ما فعلته فقرر انتشالها من حرجها فبادرها بسؤال
حازم : هو انت ليه مش زي باقيه البنات المحجبه
لمار : زيهم ازاي
حازم : أصل انا اي بنت محجبه بلاقيها زي سلمي صاحبتك كده كل لبسها فساتين ولما بتلبس بلوزات بتلبس لحد الركبه وانت طويله يعني فهتكوني احلي في اللبس ده
لمار : انا اصلا مكنتش مقتنعه بفكره الحجاب انا كان عندي اني البس عبايات سوده كل لبسي ولا اني البس الطرحه
في بنات بتتحجب حلو زي سلمي كده بس بيحطو مكياج علي وشهم
موضوع الحجاب عندي مش عارفه اظبطه
انا في أول حجابي كنت من الناس اللي بتطلع نص شعرها من الطرحه دول عارفهم اكيد انا كنت بداري الديل حصان مثلا يعني كنت مشكله في حجابي
وبعدها بدأت اداري شعري خالص بس بلبس بناطيل جينز و بلوزات قصيره لان ده اللي بيريحني
حازم : وليه متبقيش زي سلمي
لمار : سلمي ده انت لو كنت شفتها في أولي ثانوي مكنتش عرفتها اولا كده لانها من عيله غنيه ومامتها متوفيه وباباها مبيقلهاش لا أو اه
كانت بتلبس هوت شورت و ....
الملخص كده كانت زي التوام المنحرف
أنت تقرأ
الحب وما قلت عنه💖(مكتملة)
Romanceكنت اقول عن الحب اشياء وعندما رأيته قلت اشياء اخري ودائما ما كنت اقول انا لا اغير رايي ولكن بسببه غيرت كل كلامي عن الحب 💖 انها اقدار الحياه لا احد يقدر علي الوقوف امام اراده الله بالعاميه المصريه #اول روايه ليا #laila Elsisi
