الحب وما قلت عنه💖(مكتملة)

part 8

Part 8

عبدالله : ماشي
ثم انهو الطعام والشراب وقالت لمار
لمار : يلا كده بقي عشان تكتب
فتح اولا هاتفه وفتح التسجيل ولكن لمار لم تراه ووضع هاتفه واستعد الي كتابه الملحوظات التي تقولها لمار
لمار : اولا كده السرطان ده سموه كده نسبه الي الكابوريا عشان هي شبهها و طالع منها ارجل كده بتمص غذاء الجسم عشان هي بتحتاج غذاء اكتر من العادي بضعف المرات
فانا عاوزاك تجيبلي كابوريا تخليلي العضم منها عن اللحم وتجيبلي الاتنين انا بقي هحمص العضم واطحنه وادي لمحمود كل يوم معلقه الصبح كبيره ومعلقه باليل صغيره
ثانيا عاوزه جبنه اسمها (cottage cheese) الجبنه ده نادر ما هتلاقيها هات منها كميه ده بتغير التركيب الايوني للخلية السرطانية وده بيخلي الخليه نفسها تدمر نفسها بنفسها يعني تنتحر  وده انا هضربها في الخلاط مع معلقه زيت كتان هات طبعا زيت كتان وبذر كتان طازه وانا هبقي  اطحنه
وكمان عاوزه منك انك تشوفلي فاكهه اورجانيك من أي مكان بس اورجانيك يعني مفيهاش اي كيماويات وعاوزاك تكتر من المشمش والتفاح عشان انا هنشف البذور بتاعت المشمش والتفاح واطحنها وااكلها له كل يوم معلقه
وعاوزاك كمان تغير بكره بالكتير اوي الفلتر هات فلتر سبع مراحل بدل اللي عندنا
ومايه اكسجين ده بقي بتتحط علي الماء المقطر وده برده اللي انت هتجيبه وده بتشبع الخلايه السرطانية بالاكسجين وعلي الاساس ده الخلايا مبتعرفش تعيش في مكان فيه اكسجين فبتبدا وتلاشي وتنتهي لوحدها
وعاوزه برده فاكهه القشطه اورجانيك وكمان فاكهه الجرافيولا دول مفيدين اوي لقتل السرطان
وعاوزاك عصير عشب قمح ده بقي بينقي الجسم من السموم خالص
وعاوزه فطر صيني وده بيتحط علي اللبن في التلاجه لحد ما يتضاعف حجمه وبعدين يتصفي ويتشرب

وفي توليفه كده اسمها (Essiac tea )
ده واحده هنديه هي اللي عملتها وده بقي بتتشرب زي الشاي كده
واخيرا بقي عاوزين زيت زيتون كتير وزبده برضه وخد الفلوس ده
وطلعت من شنطتها مبلغ قائله
لمار : دول خمسين ألف جنيه خدهم ولو احتجت تاني قولي
عبدالله : ليه خمسين ألف جنيه ليه ده مش اكتر من عشر آلاف جنيه
لمار : يا بني لا ده احنا هنحتاج اكتر من كده بس ربنا يقدرنا ويخف
عبدالله : يارب
ثم قال
خلي الفلوس ده معاكي عشان ماما وسلمي وانا معايا فلوس
لمار : انت داخل علي خطوبه وجواز ولازم تحوش كل جنيه يلا خد الفلوس
اخذها عبدالله
ثم قالت
لمار : انا عاوزاك تكتبلي جواب اعتذار عن السنه ده وامضي باسمي وكل حاجه
عبدالله : ليه يا لمار لازم تكملي عادي السنه ده
لمار : طب ومحمود ده انا لازم اكون قاعده معاه كل ثانيه
عبدالله : اهو كله عشان محمود بقي ممكن مامتك تشك في حاجه وانت جنبه فلازم وبعدين شويه في اليوم صح
لمار : ايوا صح صح
ثم أكملت ممكن تزود حاجه الموت بتاعت محمود
عبدالله : اه طبعا اوي اوي
ثم فتح النوت فقالت لمار
لمار: في زيت كده اسمه (ماريجوانا) الزيت ده بيصنفوه في العالم كله علي أنه مخدرات ماعدا في ٢٧ ولايه في أمريكا ده اللي بيكون هناك ده صعب جدا انك تجيبه بس لو جبته تبقي كتر خيرك و هو غالي اوي وهات لما تجيب ١٨٠ مل المفروض اللي في حاله محمود ياخد ٩٠ مل بس ممكن يحتاج تاني انا هبقي اديله  الجرعات ولو احتاجنا يبقي معانا زياده ولو اتبقي تبقي أبيعه لاي حد عنده سرطان أو حتي اتبرع بيه بس حاول نجيبه لو عندك حد من بره يجيبه ويهربه
عبدالله : حاضر بس هو بيعمل ايه
لمار : ده بقي الخلاصه بيدخل علي مخ الخليه يصلحه بدل ما هي خليه سرطانية يرجعها تاني خليه عاديه بس ياسيدي
ثم نظرت الي الساعه وجدتها الحاديه عشر ونصف
لمار :يااه احنا اتاخرنا اوي ومش هنلاقي تاكسيات
عبدالله : تاكسيات إيه بس مش انا معايا عربيه مش قلتلكو
لمار : بجد بس قولي بجد بقي شغل إيه اللي هيديك عربيه كده
عبدالله بتوتر : ايوه يا بنتي انتي ليه مش فاهمه
لمار : لا خلاص فهمت يلا نركب
ثم ركبوا وذهبوا الي البيت ونزل عبد الله الي شقته فوجد سند يتصل به
عبدالله في نفسه : جيت في وقتك
ثم رد علي سند
سند : ايوه يا عبدالله
عبدالله : ايوه يا سند بيه
سند : لمار طلبت منك إيه
عبدالله: لا طلبت كتير اوي وادتيني خمسين ألف جنيه وقالتلي لو احتجت فلوس اقولها بس انا هرجع الفلوس ده تاني البنك و هصرف من فلوسك
سند : كويس قولي طلبت إيه
عبدالله : بص انا هبعتلك فويس علي الواتس وانت أسمعه
سند : مش فاهمك يا بني
عبدالله : انت اللي معاك ده محمول بزراير ولا من غير
سند : لا من غير زراير
عبدالله : طيب عندك برنامج رسائل اسمه واتساب
سند : ايوه عندي يا بني
عبدالله : طيب هبعتلك عليه تسجيل فيه كلام لمار كله
سند : طيب يا بني
عبدالله : وتسلم علي العربيه انا مش عارف اقولك شكرا ازاي
سند : يا بني متقولش شكرا شكرا بتاعتك هي انك تكمل معايا الطريق
عبدالله : حاضر يا بيه بس عاوز اقولك حاجه
سند : قول
عبدالله: عارف الدكتور اللي بقولك عليه بقاله كتير معانا ده
سند : اه
عبدالله : طلب ايد لمار
سند : وماله كويس جدا وهي إيه رأيها
عبدالله : رأيها بتقول يجي بس كمان شهرين لما حاله اخوها تتحسن شويه
سند : والله البت ده طالعه عاجله لابوها
عبدالله : انت صعيدي يا سند بيه
سند : اه صعيدي بس بقالي ٢٠ سنه في مصر هنا عشان خاطر لمار
عبدالله وهو يحاول استدراجه في الكلام : ليه وبعدين انت تعرف عمي عبد العزيز الحناوي الله يرحمه منين
سند بغضب : انت مالك انت انت تعمل اللي اقولك عليه ومتسالش خالص
عبدالله : حاضر يا سند بيه انا اسف
سند : اقفل بقي وابعت التسجيل عشان أسمعه
عبدالله : حاضر
ثم اغلق الخط وبعتله التسجيل وبدا سند في سماعه