#رواية_انت_مصدر_الامان
#الكاتبة_مرام_حمد
#الحلقة_17 والاخيره
نزلت اني وهنادي
سلمت هنادي ع الكل
ماما : سلم بنتي ارفعي القهوة لي خوك وخطيبك
هنادي : معاش اتقولي خطيبي انتم غصبتوني عليه والله ماناخده
عمتي فاطمة :وهي تضحك استهدي بالله وخشي شوفيه والله ماتطلعي الا راضية وفرحانه
هنادي :😢من وين ايجي الفرح
عمتي فاطمة : ربك كريم ع عباده انتي توكلي ع ربي
شهد: 😅😆😆 امشي احسنلك ولا توا انغيرو راينا
هند : اي صح
ماما :بنات اخر زمن
اني وشهد وهند 😆😆😆
اني انكلم في شهد بصوت واطي : توا اشوفي لمة تطلع ادير هجوم علينا
شهد : مدخلني هو قال ماتكلمو
اني : والله هنادي ماتفهم بدات لعبنا ع اعصابها
شهد:يستر الله
هنادي: شن اتوشوشن انتن
اني : الهي فعمرك ارفعي القهوة راجلك
هنادي : سم انشاءالله
شهد: بعيد السو عليه في عدوينه انشاءالله خيرك تدعي عليه
هنادي : هو الي فرق بيني وبين الي انحبه
شهد:كل شي نصيب اكيد ربي كاتبلك الاحسن
ماما : تحشمي الراجل من امبدري داخل يستنه فيك
هنادي : خلية ايراجي من قالك بنمشيلة
ماما : اهنوده ماتخليني نغضب عليك بري هيا
طلعت هنادي رفعت امعاها القهوة
خبطت ع الباب
معتز : تعالي مافيش حد غريب
هنادي قبل لا اتخش كيف مافيش حد غريب ماما قاتلي داخل شكلة مشاء احسن
خشيت المربوعه القيت
معتز ومعز ومؤيد بس
بس كان في سؤال في عقلي وحيرني شن ايدير مؤيد هنا اول ماجت عيني في عينه
اني اعيوني دمعو 😢 ماقدرت انسيطر عليهن
معتز : تعالي خيرك واقفه
فرقت عليهم القهوة
جيت قمعزت جنب معتز وانا متوتره
معز : خيرك خاشة بعضك هذا مؤيد الي بيكون نسيبنا
وهنا تنصدم صدمة ثلاتية ابعاد 😲
هنادي 😢: شن اتقول
معتز: مؤيد طلبك من بوي وبوي وافق عليه
مؤيد 😏: عندك اي شروط
طلعو معتز ومهند
هنادي; 😢اني نحلم ولا حق
مؤيد : لا ماتحلمي اهو قريب انحقق حلمنا واتصيري ليا
هنادي: ليش تخليت عنى وقعدت بكيت تعرف الاحساس الي حسيته ولا الوجع ااي ضقته ولا المعناه الي بسببك انت دمرتني
مؤيد حط صبعه السباب ع فمي بمعنى اسكتي
مؤيد: انتي هبله تحسابيني انتخلا عنك لحد تاني واشر علي قلبه وغمزلها انتي مستوطنته
هنادي : تبكي ليش درت فيا هك
مؤيد : خلاص يامجنونه لمه تبكي تبدي شينه
وهو يضحك راه انغير رايي انقلهم شينه نبي عروس تانيه
هنادي : ابتسمت وحضناته
هنادي: انحبك ماتسيبني ابروحي
مؤيد 😍: في حد يقدر ايسيب روحه
عارف الايام الي فاتن زعلتك منى وخليتك تاخدي عنى فكرا غلط بس والله يعلم شن نيتي حبيت انفاجئك وخليت الكل يشتركو امعاي
مؤيد حط ايديه ازوز ع وجهي وضحك
مؤيد: شن قالولي انك رافضتيني وماتبيش تاخديني
هنادي ابتسمت: ماهو كنت نحساب حد تاني فلهدا رفضته الموضوع اتصدق كنت مخططه انطفشة ونكذب عليه الي جاي يخطبني بيش هو يرفض
مؤيد: شن كنتي بتكدبي عليه
هنادي : امممم راه ماتعصبش
مؤيد: موضوع شكله كبير
