#جنّتي

جنّتي♥️19♥️

جنّتي♥️19♥️ماقبل الأخيره❤️

لا يؤخر الله امرا ، إلا لخير
ولا يحرمك امرا ، إلا لخير
ولا يبكيك اليوم ، إلا لخير
ولا ينزل عليك البلاء ، إلا لخير

- عسي ان تكرهوا شيئا وهو خيرا لكم ..❤️
...
👇
ركبنا السياره وكانت حياة تعبانه حضنتني ورقدت
حسيت بشعور الخووف من انّي نخسرها ف اللحظه هدي تمنيت لو التحليل يطلّعها بنتنااا بديت نبكي😢اي والله بكيت عليها قبل مابكيت علي روحي
قالي أيوب اسكتي خيرك تنقنقي اصلا شكله زي السكران مش طبيعي قتله اي صح انّقنق مااافي شي يخليني نبكي حياتي كلها تمام والنبي اسكت عليااا راه مش متحمله حتي نشووفك وقّف السياره ولفّ الخلف بعيووون معبيه حقد قالي انت تعلي ف صوتك عليا؟ مارديتش بدي يعيط انت تعللللللي في صوووووووتك عليااااا؟؟؟؟ وقتها لما شفت عيوونه وكمية الارهاق اللي تحتهم تأكدت انه مش ف وعيه خفت منه قتله لالا مش انت قّبل القدام وشغّل السياره
خيرها الطريق طويله؟ معاش تبي اتم اووووووف
بدت حياة تتململ عليا ورياقتها نازله علي كتفي ضحكت علي منظرها قتلها فقتي ❤️ قتلي ذعانه(جعانه)
أيوب يتفرج عليا من المرايا شفتله قتله وقّف ع المحل خود للبنت زبادي وكيكه قالي ناخدلها السم
ساوت روحها وبدت تحرك ف يديها تبي تقعمز القدام واني شاااادتها لين رن فوني وكانت عمتي سالمه لازم نرد عليها فتحت الفون ورخيتهااا بدت هي تتحرك لين وصلت ل أيوب حضناته وبدت تناااغي علي كتفه قعد يقولي بصوت عالي سكري النم وخووودي فرخة الحرام بعيد علياااا قعدت نقوول ل عمتي مانسمعش فيك قتلي نهله نلهه عرفت قتلهاا تمام نوصل ونحكو ((اصلا واضح بتعرف علاش البنت طلعت معاي اني وأيوب واااااضح انها ح تعرف 😶مش عارفه شن ح تكون ردة فعلهااااا بس خلي نركز علي هالمصيبه قبل وبعدين نهله ساهله
بديت نحاول نجبدها جيهتي وهي تعيط تبي أيوب💔
👇👇👇
فقت ع الدنيا ف قوقعة اللااحترام اللاإحساس نتفكّر في كلمه  تقولي فيهاا أمي ديمااا((بنت الحرام))
نوضي يابنت الحرام كولي يابنت الحرام اسكتي يابنت الحرام الكلمه هدي اكتر كلمه سمعتها ف حياتي ف صغري💔
نفس الكلمه قالها أيوب💔بوي💔 وقتها وبرغم صغر عقلي وعدم استيعااابي بس  تأكدت ان فيه رابط بين أمي وأيوب قربت منه حضنته علي أمل ان نرجع ل حضن أمي بس لأني سمعت كلمة بنت الحرام حسيته هو الخيط اللي بيوصّلني ل أمي
💔💔💔
👇👇👇
ع قد ماحاولت نجبدها جيهتي سكرت دماااغها وشاااده ف أيوب بيديها الزوز وتعيط وقّف أيوب السياره وشاااافلها بدون مايمسّها حطت يديها ع خده💔وباساته💔💔💔💔
حسيت وقتها ان أيوب انشل ع الحركه ماقدرتش نوصف احساسه ف اللحظه هدي
زادت قربت منه لين خشمها لصقاته ف خشمه ويدها قاعده ع خده قتله نبي ذبادي غمض عيوونه وتنهد خداهاا حطها ع الكرسي نزل ل المحل اني بجد استغربت مش لان أيوب نزل بيجيبلها شن تبي لاااااا استغربت من ردة فعله ولاكنت نتوقعها 💔نظرته ضعفه تنهيدته كل هدا مايدلش علي شي الا انهاا تعااابير طالعه من مشاعر ❤️أب💔
رجع أيوب ل السياره لوّحلي كيسه قالي وكّليها بس هي بدت تعيّط تبي أيوب هو اللي يوووكلها تلفتلها فنّص فيها 😡
علي طول سكتت وغرست راسها ف بطني💔
وصلت الحوش ع طول رقيت لحوش بسّام لقيت عمتي ونهله ف حاله لايرثى لها💔
سألتني عمتي بلهفه شن يابنيتي هي والا؟
قتلها التحليل يبي 4 أيام
قتلي نهله علاش ماقلتيش
قتلها شن بنقووول
ان خووك هو ال💔 وعلاش ماحكيتيش ان مراد كان واخدك غريمه
قتله بالله عليك نهله مانبيش نحكي ف الموووضوع هدا سكّريه
مشيت بنستريح ف الدار شوياااا رن تيليفوووني رقم مانعرفااش
الوووو من معاي
صوت وحده تبكي
الوووو؟
بشرى اني عمتك خيريه
ايييييييييي والله نسيت ان عندي عمّه
عمتي لاجت ولاعزتنا ولاشالت معانا الحزززن
قتلها اه
قتلي سااامحيني يابنيتي والله ماعندنااا بنزينه وانت تعرفي المسااافه
تفكرت يوووم ولدها دار حادث وامي مالقتش من يرفعهااا ركبت اني وياااها ف تاكسي
هدا حادث💔
مارديتش
قتلي انشالله تو بنجي في نهاية الاسبوع قتلها مااتعبيش رووحك اهووو اتصالك ساد وسكرت عليهاااا
ف وقت كسرتك وطيحتك وخاااصه فقدة الأم لما ماتلقى القريب واااقف معاك تحسّه هو اللي قاتل أمك 💔
واااااااااااااه وألف ااااااااااه علي جنّتي 💔
.
.
🔥🔥آرَجَ ـوُآنٌ آلَشّـرَيّفُ🔥🔥
.
.
نهله... كيف يعني؟؟ خو ساااجده هووو ال💔
لاااا بالله عليك ماتقوليها
سالمه... اي والله 💔
نهله... ومراد عنده علم؟
سالمه... اي عنده وهدا علاش خداها اصلا
نهله... لاحول ولاقووة الا بالله
وينه هووو الحرايمي والله لما نشرب من دمّه
سالمه... قعمزي واهفتي بلاعااار
نهله... عااااار اللي اني درته عاااار واللي داراته بنتك مع الحرااايمي هدا شن اسمه 😡
سالمه💔💔💔💔
ولاقدرت نرد عليها
برغم كل شي داراته سرور بس ماقدرش قلبي يقسى عليها كل ليله نحلم بيها
لووو فيه حلم يتحقق وحقه رووحي والله نبيع روووحي ونشوووف بنتي 💔
هي وين؟
وكيف عايشه؟
ناار تاكل فيا عليها وعاارفه ان النار هدي وراها قصه ماتمّتش ومش ح اتّم
...
فااتو 4 أيام صااعبه وطووويله ع الكل
لين جي وقت النتيجه مشي أيوب ومعاه ساااجده يجيبو فيها وكانت نسبة تقارب النسب أقل من 1%
اني انهرت 💔 مش عارفه علااااش حسيتها قريبه من روحي ومن دمي صح ضررووفها صعبه
مافكرت ف شي حتى الناااس كيف بيتقبلوها مافكرتش فيها الحاجه الوحيده كنت ندعي ربي ف كل دقيقه انها تطلع بنتنااا حسيتها هي العوووض ع فقدان ماما بس خساااارة💔
عطاني أيوب الورقه وروحنا أول ماوصل الحووش قال جهزولها حاجتها بنرفعها للميتم
👇👇
لما سمعت انها طلعت مش بنت سرور خبّطت ع صدري بالقوووه رجعت ل نفس اليوم اللي فقدت فيه سرور
كيف هكي؟ اني متأكده انها بنتهاااا هي والله هي
رد عليا أيوب بصوووت أجش فوتي جو الدراما وجيبي البنت بنرفعها توا مش لازم قعدتها ف وسطنا
خداها غصب علينا ورفعها
وكإنه توفى حد من العيله بكيناااا عليهاااا بكي يتيم مستاحش حضن أمه💔💔
روحت للحوووش خديت حبوب مهدئه اللي كنت ناخد فيهم لما فقدت سرور
خش عليا مراد يسأل فيا علي ساااجده بس مفعول الحبه بدي ياااخد ف جسمي رديت عليه بصوت تاااعب
بعدين مراد بعدين
شاف لقي بجنبي الحبوب استغرب وبدي يسأل فيااااا بس ماسمعت شي وقتهااااا كنت راقده💔
.....
👇👇
حجزتلي ابتسام علي أقرب طياره وكانت بعد يومين
جي اليوم اللي بنروح فيه💔واني عارفه اللي ح يستناني أصعب م اللي عايشه فيه بس مااافي شي نخسره اكتر من اللي خسرته حضنت وودّعت ابتساااام وداع معااااش بعده ملاقى 💔
شكرتها ع كل اللي دارتهولي الصح والغلط💔
عشت معاها كل أنواع الحرام بس ع الأقل عطتني مأوى ومسكن وكانت رحيمه علياااااا
هيييييييييييي اي هلبا رحيمه لدرجه عطتني ذكرى منهاااا ح نحملها معاي ف قبري (الإيدز))
اي نسيت نقووللكم إني حامله مرض الإيدز 💔
وصلت المطار خديت نفس قوووي وكإني نشم ف ريحة أمي أجرت ف فندق 💔 نرقد مع العناكب والصراصير
ونقول يلا يونسووني ف وحدتي فاااتو يومين واني مش قادره حتى نجيب خبر علي مكان أمي وين
اتصلت ب مي انصدمت إني روووحت وأصرت انها تبي تجيني بس أني رفضت وقتلها جيبيلي مكان أهلي وين حاااولت تمنعني وتسكر علياا الطريق خوووف من إن يقتلوني بس لما عرفت اني بااايعه روووحي جابتلي وين مكانهم بالزبط  ((زعما توا بس بعتها روحي والا انباااعت من زماااان😭😭
قررت نمشي ل أمي وقفت بعيد ع الحووش وكنت لابسه خمار
شفت مراد طالع ((اللللله هدا مراد كيف بدي الصلاه ع النبي علي زينك 💔 قريب مشيتله نجري تلوحت ف حضنه
لما بعّد ع الحوووش مشيت بخطووات تتحرك للخللف مش القدااام هي لحظات بس فيها رجّعت شريط حياااتي ف السنين اللي فاتو كلهم
وقفت ع الباب قعدت خاايفه متردده بين نطق والا
وبعد تفكير تنهدت وطقيت
نسمع ف صوووت يقول من؟
هدي نهله قاااعد صوتها رقيق كانت تضرب فيا لما نقوللها صوتك زي العصفور 🙄
طقيت مره تانيه بدون مانتكلم بس هي سألت من؟
نسمع ف صوووت يقووول من ياااانهله
صووت الدفاا في عز البرد صووت الربيع ف عز الخريف صوووت النووور ف وسط الظلام صووت الراااحه اللي تسكن ف  القلوب
صوووووت جنتي صووووت أمي♥️
قتلها نهله مش عارفه مايتكلمش
قالت افتحي شوووفي من بالك حد من الصغيويره
فتحت نهله بس ماقدرتش نقيم الخمار
قالت تفضلي من؟
بدي نظري يضعف والدنيا مضببه قريب طحت كيف بنشد ف الحيط جت أمي شدتني 💔
قالت بسم الله خيرك يابنيتي
الللللللله قالت بنيتي
حضنتهاااا وقعدت نبكي
.
.
🔥🔥آرَجَ ـوُآنٌ آلَشّـرَيّفُ🔥🔥
.
.
بشرى تتصل ب مراد يسكّر عليها كان ناوي يدير فيها هلبا حاجات بس سحب روووحه ع خاطر ساجده
علي قرر يجيب مفيده اليوم
قعمز بالعيله وحكالهم ان متزوج وح يجيب مرته التانيه اليوم ف الحوووش ومنها تعوووضعهم ع غياااب أمهم (هدا رايه🤦‍♀️
ساجده.... شنننننننن تقوووووول انت
مستحيل نصدق الكلام اللي نسمع فيه
علي... هدا الموجود عاجبك باااهي مش عاجبك حوووش راجلك
مالقيتش كلام نقوله الا هدي 👇قلتها وبصوووت عااالي والدموع ماوقفوووش
((فَأَمَّا الْيَتِيمَ فَلَا تَقْهَرْ))
واليتيم يتيم الأم💔💔
...
خداني وحطني قدام الميتم
مكان وكإنه مهجوور حيوطه مظلمه جتني وحده قامتني خدت ورقه كانت بجنبي وقعدت تقرا فيها
مش عارفه شن كان مكتوب فيها بس اللي نعرفه اني انبعت مرتين
مره أمي باااااعتني والمره التانيه هي بوي 💔
مكان معبي بالأطفال خااالي من الإنسانيه تقدر تقرا ف وجه كل طفل معاناته من غير مايتكلم  بس أكتر شي ماتقدرش تتجاوزه هو نظرة الفقد واليتم اللي ف عيووونهم قعدت نبكي ونقول نبي ماما
شااافتلي وحده وكانت نظرتها حاده وتخوووف قتلي
أمك كان تبيك راه مالوّحتكش
💔
👇👇👇
بعد ماخديت حبة مهدئ حسيت بنبض قلبي انسرق مني للمره التانيه وقتها

تأكدت انها بنت سرور
وقررت ان ح نمشي للمكان اللي حطها فيه وندير تحليل النسب بيني وبينهاااا
رقدت بس لما فقت كان الباب يطق و....... 💔💔💔
👇👇👇👇
بعد ساعه جي بوي ومعاه مرته
لابسه عبايه مفتوحه مش مسكرتها وشاحها نصه طاااايح
تمضغ بطريقه سوقيه 😔  وريحتها زي ريحة سوق الحوت
قال بوي هدي مرت بوووكم قطعت عليه وقالت ح نكون أمكم 😏
وقفت قدامهااا واني مصدومه ومش قادره نستوووعب اللي صاااير دفيتها من كتفها وقتلهاااا تخززززي تجي ف مكان أمي ياااااسوقيه
خداني بوي دفني وقالي احترمي نفسك
هدي يابوي اللي بدلت أمي بيها هدي هي؟
اللي قدرت تسلب منك مشاااعر الأبوة
اللي خلاتك تنسى عشرة أمي
اللي خلاتك تمد يدك عليااا
انشالله تكونلك كيف ماتبي
واااااه ياندمي علي يوووم درتك فيه قدوه وااااااه ياااااحسرتي علي يوووم قلت نبي صغاااري يكونو زي بوي 💔💔
👇👇👇👇👇
انتزرووووووووني
🔥🔥آرَجَ ـوُآنٌ آلَشّـرَيّفُ🔥🔥