وقارك سيدتي (مكتملة )

جزء الثاني

تتمة
كمال كان داخل للقسمو علوم فيزيائية حتى تساطح مع لمياء
لمياء :واش مكتشوفش ؟؟؟
كمال : راه نتي اللي دخلتي فية
لمياء : سير و نتا باينة فيك مكلخ
كمال بتعجرف :كتهضري مع اللي جا الاول في الوطني
لمياء :واااا بزعطر ...
دخلوا بجوج و كل واحد في بلاصتو في قسم علوم فيزياء..... حتى لحقات عليهم جوهرة و هي عينيها على لمياء .

في الغد
يوم جديد
كانوا في القسم مجموعين و الاستاذ كيشرح تاع الفيزياء
الاستاذ : المهم هاذ الفقرة هاذي بلا ما نطرق ليها شرحتها ليكم ذاك العام اما بخصوص الايونات
لمياء مفهماتش مع اول مرة ليها في الليسي و هو يبان ليها كمال قدامها و هي تكلموا و ضار عندها مقلق
كمال : مالك العورة
لمياء بغضب : العورة هي خالتك ( يالله بغات تبدا تعايروا و هي تنعل الشيطان و ضحكات ضحكة صفرة ) هيهيهيهي تقد تشرح ليا ديك الفقرة مفهمتاش ؟؟
كمال كيحك في وذنيه باستفزاز : مسمعتكش مزيان
لمياء : صافي بلا فعايل ( كتحلون ) عفاااك خدم معاية هذا البلان
كمال بغا يقولها لا و هو يتفكر واحد البلان : وخا ( فرحات لمياء ) بشرط ديري معاية واحد البلان
لمياء قندشات : اينا بلان ؟؟؟
كمال : تزوجي بيا ( لمياء بصدمة ) ههههههه غار كنضحك معاك بغيتك تشوفي لية مع واحد البنت
لمياء حابسة الضحكة : احم احم نتااا ؟؟
كمال مخنزر : على مالي كيجيتك ؟؟؟
لمياء : لا صافي والو المهم شكونا هي
كمال ضور وجهو و سرعان ما بتاسم و شد في قلبو و هو مغمض عينيه : احححح على دوك العينين اللي في الزرق و ديك الضحكة اللي كدير عاد لاطاي ديالها و ريحتها احححح خسارة معارفش سميتها
الاستاذ :ايوى وليدي شوف حالتك في المراية عاد فكر في البنات
حل كمال عينيه و هو يبان ليه الاستاذ واقف عليه و جمع الوقفة : على مالي ؟؟
الاستاذ : معرفتش شوف راسك
كمال بجرأة : على ما فراسكش في قانون نيوتن ان الجاذبية كتكون عند الاوزان ماشي عند السفود ( و طلع و هبط في الاستاذ اللي كان رقيق )
لمياء من وراه : هوووووووو
الاستاذ بغضب : خرجووا علية
خرجات لمياء و كمال و هما حابسين الضحكة في حين جوهرة قاعدة كتشوف فيها بتركيز كبير ..

خرجوا دوك جوج و هما كيضحكوا .... لمياء : كنتسالك تشرح ليا الدروس تاع اليوم
كمال ببتسامة : صافي مشات ( من بعد مد ليها ايديه ) اصدقاء
لمياء بفرح : اه ( و هي تبغج ليه حناكوا حتى تأوه بألم ) اححح قصحتيني
لمياء المهم خلينا من هادشي يالله نمشيو للكافي و شرح لية ديك الفقرة( من بعد كيجيها ميساج )
...... كنضن خاصكي تهتمي بقرايتك ماشي تقابلي اضحك و التكركير ........
بقات لمياء كتشوف في الميساج باستغراب حتى حركها كمال
كمال : يالله نمشيو
.. قعدوا دوك الجوج في الكافي كيشرح ليها و اللي مفهماتهاش كينوض ايضربها للراسها و هي كتخاصم معاه من بعد كيكملوا هضرتهم عادي دغيا ضسروا على بعضياتهم و دغيا ولفوا بعضياتهم تقول بحالة معاشرين شحال هاذا...
صونات الساحة و هما ينوضوا و تم كمال جار لمياء
لمياء : اويلي في غادين بشوية عليك
كمال :وزيدي خلاص يالله ...
وقفوا دوك الجوج ورا الحيط و هو يوريها واحد البنت
كمال و القلوبة في عينيه : را هي البنت اللي دويت ليك عليها
لمياء بتعجب : هادي وخا شنو بغيتي منها
كمال : بغيت نعرف سميتها و كنيتها
لمياء : اممم وخاا
مشات لمياء للعندها و كمال تخبا و حناكو مزنكين
لمياء برقي : احم سمحي لية
يسرى : وي اختي
لمياء : شنو سميتك ؟
يسرى : كيفاش؟؟
لمياء عرفات راسها قفراتها و هي تصحح الغلط ديالها : احم احم بغيت نقول بغيت سميتك حيتاااااش حيتاااااش ( كتفكر فشي كذبة ) حيتاااااش عجبتيني
يسرى : اويلي اختي سيري فحالك ( تزنكات ) انا ماشي من ذاك النوع
لمياء بتاحيماريت : اينا نوع ؟ ( زعما ليزبيانة )
لمياء : المهم قولي ليا خلاص شنو سميتك ؟؟
يسرى :سميتي سميتي ( بكذب ) اسماء اسماء الواقفي
لمياء قرصاتها في حناكها : شكرااا
ومشات ... يسرى ضارت عند البنات :شفتو ولاو عندي معجبين حتى بنااات هااااء معلوم راني يسرى المنصوري
مشات لمياء عند كمال اللي جرها من ايديها .... كمال : شنو سميتها ؟
لمياء بفرح :سميتها اسماء الواقفي
كمال ديك اساعة جبد تيليفونوا
بقا كيقلب على الانستا تاعها حتى لقاه و هو يدخل للواحد الحساب .. كمال :هاهو ( باستغراب )العجب ملايحة حتى شي تصويرة زعما هي زوينة
لمياء :خلينا دابا من هادشي زيد راه عندنا السبور
كمال سرط ريقو و بدا كيتفتف : ااااا السبور
ليماء :اه مالها ؟؟ ( شافتو بحالة صماك وهي تجرو )زييييد خلاص
مشاو دخلوا للملعب اللي كي شافتوا لمياء خاطرها تزير عليها و هي كتفكر في باها في حين كانت جوهرة كتبدل في سبرديلتها و هي كتشوف في نقطة وحدة في الملعب ....
تجمعوا التلاميذ و منهم دوك الثلاتة ... المدرب : سمعوني دابا مزيان غادي ديرو دائرة و الحركة اللي درتها ديرو بحالها كلامي مفهوم
التلاميذ مفهوم ظارت دائرة و قصدا جوهرة جات حداا لمياء ...في الجهة الأخرى
كان التيران تاع الكورة عامر .. كان ليث و زياد وولاد قيسمو كيلعبوا ... في حين جوهرة كانت كتقلد حركات الاستاذ حتا كتجيها دقة بالكورة و هي طيح على وقفتها و سخفات .... كان ليث بغا يماركي حتى زاد شوية من عندو و تشيرات الكورة للعند جوهرة
كانت جوهرة ناعسة في الملعب و ضاير بيها كلشي خاصة ليث و زياد و لمياء و كمال ... قرر ليث ايتحمل المسؤولية و هزها داها للمستوصف و تبعاتوا لمياء و زياد و هو يلصق فيهم كمال حيتاش اصلا مكيحملش السبور ...
في المستوصف .. كانت ناعسة جوهرة و فوق منها بربعة بيهم ... حتا حلات عينيها و ما تجي غار في لمياء كتبرقق فيها عينيها
لمياء حالة عينيها : ياختي و رااااااس عندك
جوهرة كتحك في راسها : احح شنوا واقع ؟؟
زياد : انا كنتسناك برى ( مع ليث )
ليث حرك ليه براسو و رجع ليث كيشوف في جوهرة اللي تارت الانتباه ديالو باللون اللي صابغة بيه شعرها اللون الوردي
جوهرة للمياء : شنو واقع لية ؟؟؟
لمياء شيرات لليث : ضربك بكورة
جوهرة بغضب : واااااش مكتشوفش عور لا بسبابك كان دماغي غيمشي ليا
ليث صبر ليها : رولاكس مكنتش قاصد 
جوهرة بغضب : واااااش مكتشوفش عور لا بسبابك كان دماغي غيمشي ليا
ليث صبر ليها : رولاكس مكنتش قاصد
جوهرة : عوووود رض البال كون تشللت كنتي غادي ترتاح ياك
لمياء شافتها غادي تشبك و يهي تنوض فحالها و
جرات معاها كمال اللي مافهم فيهم والو
ليث قرن حجبانو : لا واقيلة مكتفهميش و لا تبغيني نشرح ليك بزز م د ر ت ه ا ش ب ل ع ا ن ي ( مدرتهاش بلعاني )
جوهرة :على الاقل طلب غار السماحة
ليث :انااا مكنطلب السماحة من شي واحد ( تم غادي ) مرة اخرى عرفي راسك معامن كتهضري
جوهرة: شووو على بنادم كيداير يخ تفووو
خرج ليث و مشا هو وصاحبو
زياد:مالك اصاحبي ؟؟؟
ليث بغضب :ديك ختنا اللي ضربتها بالكورة قالت ليك نطلب منها السماحة
زياد :هههه كتحلم
جوهرة كتشد في راسها اللي ضرها و كتهضر مع الطبيب اللي كان كيقيد ليها شي ادوية
الطبيب : سيري للعند طبيب خاص باش ايدير ليك الاتوغرافي للراسك
جوهرة بماوفقة :وخاا (حتى كتسمع الدقان ) وي دخل