عشقت مجنونة (الجزء الأخير )

الحلقة الثالثه عشر ⁦♥️⁩

الحلقه الثالثه عشرة ...⁦❤️⁩

اتجهت صفاء الي غرفه ابنتها وعلي وجهها قسمات الفرحه الشديدة ...

ثواني واردفت بفرحه ...: متقدملك عريس لقطه يا ندي لولولولولللللللي اخيرا يا بنتي هفرح بيكي ...

ندي بمرح ...: ماما العالم بينتهي والكورونا هتخلص علينا وانتي جايبالي عريس ...!!

الام بغضب ...: اومال مفرحش بيكي يعني ....!! وخدي بالك العريس المرادي مفيهوش عيب ومش هتعرفي تتحججي زي كل مرة وترفضي عشان لو رفضتي هخليكي تغسلي السجاد كل يوم يا ندي يا بنتي ...

ندي بضحك ...: ومين بقي سعيد الحظ الأعمي اللي عاوز يتجوزني ...!!
الام بفرحه ...: الدكتور اسلام السيوفي ... ابن ماجدة صاحبتي ...

ندي بصدمه ...: يا دين امي ... قولتي مييين ... !!

الام بفرحه ...: الف مبروك يا بنتي لولولولولللللللي ... اخيرا هشوفك عروووسه ...

ندي بمرح وغضب ...: يا ماما استني بس عروسه مين دا لو اخر واحد في الدنيا مش هتجوزه ...

الام بغضب شديد ...: ليه عيبه ايه .... دكتور قد الدنيا دا غير أنه مستواه كويس وأخلاقه كويسه عييييبه ايه يا بنت الفقرررييية عيييبه ايييييييية ...

ندي بضحك ...: يا ماما عيبه أنه واخد الموضوع جد ... واصلا انتي ازاي تنسي أنه حرجني قبل كدا لما ...

الام بغضب ...: اليوم دا انتي اصلا كنتي غلطانه فيه لما اخوكي ضربك قدامه انتي كنتي غلطانه عشان مينفعش تتكلمي كدا أو تعملي كدا مع الدكتور بتاعك ... كان لازم يحصل كدا ورغم كل دا الواد طلع شهم ودافع عنك ومامته حلفت ما تكلمني تاني الا لما نعتذرلها عن اللي حصل واللي اخوكي عمله فيكي ... ايه بقي اللي يتعيب في العيله دي يا بومه يا بنت البومه ...

ندي بغضب ...: ماما من الاخر كدا انا مش موافقه ... أنا اللي هتجوزه دا لازم ميقلش عن مستوي تفاهتي وتفكيري ويكون ميم لورد وبيشير ميمز كتير حتي وهو زعلان وطبعا لازم يكون عارف اغنيه اسلام المرج اسلام المرج ..

الام بغضب ومقاطعه ...: ربنا يعوض عليا في عياااالي اللي هيشلووووني ... واحد مش عاوز يتجوز وعايش علي الماضي والتانيه هبله بنت هبله مش عارفه هي عاوزة ايه ... مرة تقوليلي عاوزه واحد زي بتاع الروايات يا ماما نفسي اتجوز واحد يبقي زعيم عصابه المافيا يا ماما  ومرة تانيه تقوليلي نفسي اتجوز واحد ويخطفني يا ماما ويعذبني وبعدها يحبني ومره تالته مش عاوزة اتجوز يا ماما انا عاوزة استقل بنفسي زي مسلسل ( ليه لا )وعافيه زوق شايفه ان مكاني فوق واللي عاشت ملكه مش هتعيش وصيفه ... انتي عااااوزييين تجبوووولي جلطة يا ولاد ال*** ...

ندي بضحك شديد ...: هههههههه اعملك ايه ما كل الاختيارات احلي من بعضها هههههههههه

الام بغضب وهي تخرج من غرفتها ...: جبتيلي صداااع منك لله يا ندي الكلب ...