احببتها عنيده

(البارت السادس__الجزء الثالث)💎

ركان : كان في مشكله ف الحسابات انها متلغبطه بس اللي شغلين ف الحسابات مش شايفين شغلهم كويس وبكرا هحل المشكله دي معاهم
يوسف : ماشي ي ركان اجمع اخواتك يلا الجو برا وحش
ركان : حاضر هما خلصوا شغلهم ومستنين حضرتك ي عمو
يوسف  خد الجاكيت بتاعه ومفتاح عربيته: طب يلا انا نازل معاك
كل واحد ركب عربيته
و روحوا
في الفيلا
تاليا : خلاص ي حبييتي جلسه انهارده خلصت حاسه نفسك احسن
سلمي : اه جدا بجد مش عارفه اشكرك ازاي
تاليا ضحكت : يعني انفع دكتوره شاطره
سلمي ابتسمت  : ايوه ربنا يحميكي والله ، عن اذنك بقا عشان استاذ كريم اكيد عايزك
تاليا : انا كدا كدا نازله معاكي
سلمي وتاليا نزلوا
تاليا للجنينه لكريم وسلمي تدور  علي جنى
سلمي بتدور على جنى ملقتهاش
سلمي برقه  : لو سمحتي
عفاف : ايوه ي أنسه
سلمي : متعرفيش جنى صاحبتي فين
عفاف : طلعت من شويه ي حبيبتي
سلمي : طب شكرا
سلمي طلعت اوضتها وهي معديه جالها فضول تدخل اوضه أنس بما انه مش موجود
دخلت اوضته اللي كلها ألوان هاديه وكل حاجته منظمه راحت ل لوحه كانت لسا فاضيه خدتها وقعدت قدامها وبدأت ترسم
في الجنينه
كريم : ها وبعدين
مليكه ضحكت : وبس بعد ما حطيت الاكل اللي هو طلبه لقيته بيجري وبيقول مراتي الفرخه هتقتلني
كريم ابتسم : الرجاله اتهبلت
مليكه ضحكت : ما حضرتك مشفتش مراته دي ست شريره اووي كل اما بتيجي عمرها ما طلبت اي حاجه فيها فراخ او لحمه مخلياه نباتي والراجل ي قلب امه اتجنن لما شافها
سيلا : الموضوع مش مضحك خالص علي فكرا
كريم  بتحذير: سيلا
سيلا: اي ي خالو اكدب يعني
تاليا جت وقعدت معاهم : ازيك ي دادي كنت عايزني
كريم : مالك ي ست تاليا اول مره اكون انا اللي عايزك نتي علي طول لزقالي في كل حته
تاليا: معلش ي دادي حسيت بتعب انهارده ف عشان كدا كنت محتاجه ارتاح
كريم قلق وقام وقف قدامها حط ايده علي رأسها يشوف الحراره  : مش سخنه!!مالك حاسه بأيه
تاليا: متقلقش ي حبيبي انا زي الفل كنت دايخه بس اكمني مفطرتش الصبح
كريم بقلق: يعني نتي دلوقتي كويسه
تاليا: زي الفل
كريم قعد تاني مكانه  : ها ي  حلوين جاهزتوا لبسكم ل خطوبه بكرا
الكل ضحك : اكيد
كريم: يبقي عن اذنكم بقا انا طالع اطمن علي وردتي
مليكه : ماشي ي عمو اشوفك بكرا
تاليا : تصبح على خير ي دادي
كريم : ونتي من اهله ي حبييتي،  علي فكرا اخوتك الصبيان لسا مجوش و جوري و ريناد نايمين
تاليا : خلاص احنا كدا كدا سهرنين لما يبقوا يجوا نبقي نطلع ننام
كريم : خلاص ماشي
_________________
علي الطريق
ركان فاتح التلفون وبيكلم آسر: ي بني والله ما في حاجه مهمه
آسر متعصب: ازاي يعني انا مبحبش شغل الفضول ده قولي ريتال عايزه تمشي ليه
ركان ببرود: معرفش مقلتش
آسر: استني استني بص علي شمالك كدا مش دي البنت اللي بتشتغل منظمه الفرح
ركان ركز و بطأ العربيه : آه هي

آسر : بتعمل اي ف الشتا ده ف الشارع
ركان وقف قدامها بعربيته: آسر كمل نت وانا هبقي احصلكم
آسر : ماشي
ركان فتح شباك العربيه وبصلها بتكبر : بتعملي اي هنا
جنى بتترعش: ونت مالك
ركان : هو العند ده اي يعني طبع متعرفيش تبطلي شويه
جنى : لا معرفش ، واقفه مستنيه اتوبيس او حاجه توصلني
ركان بص للسما: مظنش ان ده وقت تقفي فيه و في برق كمان لو متعرفيش يعني
جنى : لا عارفه ، بس يعني اعمل اي اطير
ركان بص قدامه : اركبي  متستنيش مستحيل حاجه تعدي توصلك ف الوقت ده
جنى فكرت فعلا كلامه صح : ماشي
جنى ركبت معاه : انا اسفه هغرقلك الكرسي
ركان بجديه: عادي
وبعد شويه
ركان : كنتي ممكن تفضلي في البيت علي فكرا
جنى : مينفعش ، البيت مش بعيد من هنا اوي  وكمان ده هيعملي مشاكل مع مرات ابويا اعتماد
ركان فضل ساكت لحد ما وصلوا كانت جنى بتوصفله الطريق بس
جنى اول ما وصلت لقت مرات ابوها و ولادها واقفين قدام الباب اتخضت ونزلت تجري عليهم
جنى بزعيق : نتي اتجننتي واقفين قدام البيت ليه
اعتماد بخبث وعياط: الراجل اللي ابوكي كان سالف منه فلوس جه انهارده وعايز فلوسه لا اما ياخد البيت مكان الفلوس لا اما تتجوزي ابنه زي ماقالك
جنى : ي نهار ابوه اسود هو فين الراجل المهزق ده
مسعد فتح الباب : انا اهو ي ست البنات نكتب الكتاب أمته
جنى بعصبيه: يتكتب شهاده وفاته يلي معندكش ريحه الدم نت راجل نت واي اللي مقعدك ف الشقه
مسعد : لا بقولك اي لمي لسانك ولا اسجنك بشيكات ابوكي اه انا بقولك اهو
جنى : نت عايز اي
مسعد: احنا بصلاه علي النبي كدا هنفضل قاعدين ف الشقه دي لحد ما تسددي اللي عليكي او تتجوزي الواد محروس
جنى بصت ف الارض: هتزفت اتجوزه بس دخلهم
مسعد ضحك بسخريه: تمام اوي كدا احنا هنعيش معاكم لحد ما تتجوزيه واليوم اللي تحبيه
جنى : انا مستحيل اقعد معاك ف نفس البيت نت وابنك الزباله ده
مسعد : اعلي ما في خيلك اركبيه ، شوفيلك مطرح تاني
مسعد دخل واعتماد دخلت والعيال وجنى عماله تزعق
جنى خبطت برجيلها زلطه كانت علي ودموعها نزلت : ليه كل  حاجه ضددي اروح فين دلوقتي
ركان مكنش مشي كان واقف وسمع كل الحوار : تقدري تيجي مع صحبتك بدل ما تفضلي ف الشارع
جنى بعصبيه ودموع مش باينه من مايه الشتا: انا مش محتاجه شفقه من حد
ركان اتعصب: شفقه اي هو نتي معندكيش مخ بقولك تعالي اقعدي مع صحبتك يعني مقولتش هوديكي دار أيتام مثلا 
جنى قعدت علي الارض وفضلت تعيط : حاولت حاولت كتير اقاوم الدنيا ومشاكلها واختباراتها كل حاجه بتيجي عليا كل اما اقول اهي اتعدلت تيجي حاجه تقلب الدنيا خالص مش هقدر اتجوز شخص زي ده ولا هقدر اتخلي عن الست دي و ولادها لانهم من ابويا وسلمي محتاجاني ده كله ف رقبتي لوحدي،  ليه انا مش مكتوبلي افرح
ركان طلع من عربيته ف المطر ونزل لمستواها: مش دايما الدنيا وردي زي ما بنتمناها بس احنا نقدر نخليها كدا لو حاولنا وعافرنا
جنى بصتله: معتش عندي قدره اعافر معنتش قادره اشيل كل الهم ده لوحدي تعبت تعبت روحي تعبت انا من وانا طفله مشفتش يوم حلو يفرحني
ركان : بطلي عياط وقومي اركبي وان شاء الله كل حاجه هتتحل
جنى هزت رأسها بماشي ركان قام ومديلها ايده
جنى مفكرتش ومسكتها وقامت ركبت معاه و روحوا
ي تري ركان هيخذلها بعد ما مسكت ايده وسندت عليه ولاول مره تحس انها مش لوحدها ان في حد يوسيها يشاركها حزنها ويطمنها لأول مره حد يمدلها ايده