البارت الخامس(بداية دخول داعش)

16.4K 1K 1.2K
                                    

دخلنه عام 2014

كعدت الصبح اريد اروح للشغل جان تدخل سيارات لونها صحراوي
بال200 سياره للمنطقه وبيدهم سيوف واسلحه واعلامهم سود مكتوب عليها (الله اكبر)

رجعت للبيت بسرعه نركض اني وخالي .. جان يدفرون الباب علينه ويدخلون بنص بيتنه
جروني من شعري وسحلوني بالكاع سحل كدام خالي وطلعوني للشارع سحل

وكف كدامي ابو هارون جان يكلي ... الورقه العندك انتهت مدتها!
صعدوووو

جان يسحلوني ويصعدوني بسياره وطلعو بيه لمكان ماعرفه

شفت بوقتها الناس مرعوبه اسمع صوت رمي ما يوكف وصريخ والمدينه الي جنت احسها احلى مدينه
صارت مدينة اشباح ورعب

جنت اشوف بالشارع هذول الملثمين صاعدين سيارات حكوميه انصدمت!
شنو الي جاي يصير

سألت الي بصفي كتله انتم منو ؟ شنو احتليتو الموصل؟

جان يضربني حيل راشدي ولزمني
من شعري

كال انت حالياً بولاية نينوى مو الموصل العراقيه!
الدوله الاسلاميه هي الي راح تستلم الحكم
راح نأمر بالمعروف وننهي عن المنكر
الدوله جانت بيدكم وخلصناهم من نجاستكم

ضليت ارجف ، كتله اني شنو ذنبي ليش ماخذيني

جان يضربني واحد بيهم يحجي مو عراقي ، سمعت كال "الروافض والايزيدين والمسيح انتم نجسين"
وتفل بوجهي

كتله بصوت عالي وخايف ( انتم ارهاب انتم مو مسلمين انتم قتله زباااييييل)

فجأة ..

فتحت عيوني على كيف جنت احس كلشي مغووش بعيني !

حاولت امد ايدي على عيني افركها
حسيت ب الم قوي باديه لكيت نفسي مربط

ورجليه مربطه والشده جانت حيل قويه

بحيث حسيت ايدي ورجلي من الوجع تريد تنكطع
والدم واكف بيها

جانو ضاربيني بقوه على راسي ومغمي عليه وماخذيني لمكان غريب

باوعت ع المكان داير ميدوري لكيت نفسي بغرفة مهجوره ويمي ولد وبنيه مربطيهم والبنت تبجي

فجأة سمعت صوت رجلين تتقدم تجاه الغرفه
بلعت "ريگي" بخوف ، وجنت ارجف وبالي يم اهلي

اندفر الباب عليه جان يدخل شخص
يحجي بلهجة مو عراقيه اول مادخل ضرب البنت الايزيديه بالسوط وكلها (دوشتي راسنا بس)

وضل يضرب بيها بقوه الى ان طاحت وانغمى عليها كدامي

اني دمعتي صارت بعيني وردت اموت من الموقف الشفته كبال عيني
تقرب عليه
لزمني من شعري بقوه كال
(قوم يل رافضي)

جان لابس عصابة براسه ولحيته طويله ومسلح
سحلني من شعري وطلعني سحل للباب واني مربط

لقد وصلت إلى نهاية الفصول المنشورة.

⏰ آخر تحديث: May 25, 2020 ⏰

أضِف هذه القصة لمكتبتك كي يصلك إشعار عن فصولها الجديدة!

قَتَلتني الثورةحيث تعيش القصص. اكتشف الآن