نصيبي❤
لكاتبة: 🔥اروي الطاهر االمسلاتي
الحلقه( 4)
عزو:احممم طبعا حني جايين اليوم نبو نشمو النمل
كلهم😨😨😨😨😨😳😳😳😳😳
عزو:خيركم اااه اسف غلطت مش نشمو النمل قصدي نلمو الشمل
والرجاله كلهاااا يلي في المربوعه تفجرو بضحك يلي راقد ويلي يخبط ويلي ويلي وحتا يلي متعاركين يطقو في يدين بعضهم .
وداد:روروروروروي
نجاة:الحمد الله اخيرا صدفت مع وحده منكم وبتتزوجي
وجدان:اخخخ الفال لياااا
ورده:وليا يااااارب
وداد:زغرطو زغرطو خلي تسمعكم حياة
ورده:روروروروروروري
حياة:خيرهم يزغرطو لوطا؟
وهيبه:علمي علمك
حياة:اوكي ماما انا طالعه بوي يستنا فيا
وهيبه:رفعتي معاك الكيكه؟
حياه:اي
وهيبه:به سلمي علي صفاء وامها
حياة:انشاء الله ....ونزلت
ورده:اهي نزززلت
وجدان:احممم هلا حياة شنو سمعتي الزغروطه نزلتي تجري ههههه
حياة:لا والله مسمعت شي وانا كنت ماشيا حوش صاحبتي
وجدان:اهااا
وداد:به باركيلي
حياة:على شنو
وداد:انخطبت
حياة:الفففففف مبروك ربي يكمل عليك ويهنيك انشاء الله
وداد:تسلمي ومتحزنيش ياحلوه تو يجيك نصيبك
حياة:اه اي انشاء الله بس توا مركزه في دراستي الفال لي وجدان وورده يارب هي سلام..
وجدان:هه ع اساس مش مهتمه اكيده بتموووت
ورده:تخيلي يديرها جهاد خوي وياخدها
وداد:والله نقتله ولا ياخذها
وجدان:ريحي روحك امس جهاد كلم ماما يبي يخطب هبه جارتنا
وداد:اي هبه عادي
✨روايات بنووتة الشيخ✨
هيام:ههههههههه
عبد السلام:والله ناضو يلي في المربوعه كلهم متفجرين بضحك
هيام:هههههههه عطه الهني
عبد السلام:شكله سكران وانا مركزتش
هيام:لا عاد انت تعرف عزو هكي جوه يبصر هلبا
عبد السلام:بيهبلني والله امتا يتزوج ونرتاح بس والله مفي واحد في خوته هبلني زيه كل يوم طالع بي مصيبه
هيام:قاعد وليدي شباب مزال تو يجيه الوقت ويعقل
عبد السلام:انشاء الله
في السياره:-
حياة:ها الحقيره التافها الزباله متخافيش تو يجيك نصيبك نننننن مبرد وجها
امين:ههههههه منو هادي
حياة:وداد يابابا نخطبت وجايا تفشك عليا متسحابش ان نخطبت الف مره بس انا نرفض
امين:ع سيرة الخطبه انتي علاش ترفضي
حياة:انا. ئئ ان ااا قرايتي نكملها بعدين ساهل
امين:ولو جي الشخص يلي تبيه وقتها متأكد قرايتك رح تسيبيها
حياة:شخص شنو يابابا شنو تحكي
امين:درس السياره قدام حوش صفاء ....راجعي حساباتك سلم بنتي وفتحي عيونك كوووويس راهو ميصلحش بيك
حياة:😨هي هي سلام
طبعا اب حياة كان طيب ومتفهم مع بناته وعادي يحكي معاهم في مواضيع زي هكي وكان خاس ان حياة تبي جهاد
تررن تررن ترن
عزو:بصوت نااعس ...هاا
فيصل:تي وين يامالوما وين
عزو:في اليخت متعي وجنبي شاكيرا ونغنو
فيصل:هههههه والله يطلع عليك
عزو:اختصر شنو تبي
فيصل:تعالا انت وحازم مدايرين عكسن في الاستراحه متع احمد
عزو:خلي نصحصح ونضم اموري ونجيكم
فيصل:تم تم
أنت تقرأ
نصيبي
Adventure.. روايات بنوتةة الشيخ .. 🔥رِوايَــــــاتْ بـــّـــنـــوتِـةْ الشـِـــــيــــــخْ🔥 🔥اروى الطـــــّـاهــــِرْ المـــســــــلاتـــــــــي🔥
