"ခင်ဗျား ပြောမလား ကျုပ်ပြောရမလား။ ကျုပ်ပြောရင်တော့ မသက်သာလောက်ဘူးဆိုတာ သိတယ်မလား"
ဆိုပြီး သူ့ဘက်ကို မျက်စပစ်ပြသည်။ ဘာလဲ ငါနဲ့ဆိုင်တာလား။ Hongjoong သူ့အမေကို မေးမြန်းလိုသည့် အကြည့်များနှင့် ကြည့်နေလိုက်သည်။"Joong လေး အမေ သားကို ချစ်တယ်ဆိုတာ သိတယ်မလား"
သိတယ်လေ။ ဒါပေမယ့် သူပါးစပ်က ထုတ်မပြောမိ။ သူသိချင်သည် သူ့အမေဆက်ပြောမယ့်စကားတွေကို။"တကယ်တော့ သားက အမေတို့ သားအရင်း မဟုတ်ဘူး။ အမေတို့မှာ သားတစ်ယောက်ရှိခဲ့တယ်။ နာမည်က Joong Hyo တဲ့။ Joong လေး သုံးနှစ်အရွယ်မှာပဲ ဒီလောကကြီးထဲက ထွက်သွားခဲ့တယ် မတော်တဆမှု တစ်ခုကြောင့်ပေါ့။ အမေတို့ အရမ်းဝမ်းနည်းပြီး မဖြေဆည်နိုင် ဖြစ်ခဲ့ရတယ်။ ဒါကြောင့် သားကို Mr. Choi တို့ဆီက ခိုးယူခဲ့တယ်။ Mr. Choi ဆိုတာ သားအဖေ driver လုပ်ခဲ့တဲ့ အိမ်ပိုင်ရှင်သူဌေးလင်မယားပါ။ Mr. Choi ဆီမှာ သားနှစ်ယောက်ရှိတယ် သားရယ် သားအစ်ကိုရယ်ပေါ့။ အဲ့ဒါကြောင့် တစ်ယောက်လောက် ယူလိုက်ရင် Mr. Choi တို့ ဝမ်းနည်းရပေမယ့်လည်း အဲ့လောက်ကြီး မခံစားရလောက်ပါဘူးဆိုပြီး အမေတို့ သားကို ခိုးယူခဲ့တာပါ။ အမေတို့ မှားခဲ့ပါတယ်။"
Hoongjoong တကယ်နားမလည်နိုင်တော့ပါ။ ဘာတွေဖြစ်ကုန်တာလဲ။ သူက သားအရင်းမဟုတ်ဘူးတဲ့လား။ Mr. Choi ကရော ဘယ်သူလဲ။ သူ့ကို ငယ်ငယ်လေးကတည်းက အပြင်ပေးမထွက်တာတွေ အမြဲတစ်နေရာပြီး တစ်နေရာ ပြောင်းနေခဲ့ရတာတွေက ဒါကြောင့်လား။ ဟား ကံကြမ္မာကြီးရယ် လုပ်ချလိုက်ပြန်ပြီ... မဝသေးဘူးလား သူ့ကို ကစားလို့။
"မခံစားရလောက်ပါဘူး ဟုတ်လား။ အဟက် သားတစ်ယောက်လုံး ပျောက်သွားတာလေ။ ခင်ဗျားတို့လည်း သားရှိတာပဲ။ ကိုယ်ချင်းစာကြည့်ပေါ့။ ခင်ဗျားသိလား Mrs. Choi က သူ့သားအငယ်လေး စိတ်နဲ့ အိပ်ရာထဲလဲပြီး ဆုံးပါးသွားတာကို။ Mr. Choi ကလည်း သူ့သားအငယ်စိတ်နဲ့ပဲ အလုပ်တွေဖိလုပ်၊ သားအငယ်ကို မတွေ့မချင်းရှာပြီး သားအကြီးကို ဂရုစိုက်ဖို့ မေ့နေခဲ့တာကို။"
Jeong Yunho အံတွေကြိတ်ပြီး ဒေါသထွက်နေသည်မှာ အထင်အရှား။
YOU ARE READING
Everything I do, I do it For You (Unicode Only)
Romanceမတူညီတဲ့ မျဥ်းပြိုင်နှစ်ကြောင်းက ဘယ်တော့မှ မဆုံစည်းနိုင်ဘူးဆိုတဲ့ သီအိုရီကို စစ်မှန်တဲ့ မေတ္တာတရားတွေနဲ့ သီအိုရီ မှားယွင်းကြောင်း သက်သေပြမယ်ဆိုရင်... အစဥ်အလာတွေကို ချိုးဖျက်ပြီး လျှောက်တဲ့လမ်းက အမြဲခယောင်းလမ်းပဲ ဒါပေမယ့် မြတ်နိုးရသူနဲ့သာ အ...
အခန်း ၈
Start from the beginning