مجنون حب فرعون

الفصل التالت

(مجنون حب فرعون )الجزء التالت

دايما كنا بنسمع عن الحب من أول نظرة ، اؤل كلمه ،بس حبي ليها كان من اؤل رسمه ،ايوة من اؤل رسمه ،كون اني دخلت كليه الاثار م بعدنيش اني ابطل رسم ،لان دايما الرسامين أو الناس اللي عندها موهبة ف حاجه معينه.. بيبقو مختلفين عن الناس العادية.. ف تصرفاتهم ، كلامهم
وصعب جدا يعيشوا من غيرها عشان بتبقي حته منهم ،قلبهم التاني.. واللي بيفضل عايش حتي بعد موتهم ..وده اللي حصل معايا اؤل مرة شوفتها فيها ،كانت في كافيتريا ف الجامعه ،ساعتها حسيت بحاجه غريبه ،حاجه عمري م حسيت بيها قبل كدة ،كان فيها حاجه مختلفه عن باقي البنات،سحرتني ب عيونها اللي راسمه م الغيوم حته ،نمشها اللي زي حبات الدهب ،شعرها اللي بينشع الف وردة،سواد البدر وطيفها السبب ،محستش بنفسي الا وانا بطلع الكشكول من شنطتي وقعدت ع كرسي م الكراسي وابتديت ارسمها،وف لحظة سرحت ..زي م اكون روحت عالم تاني ،دنيا تانيه.. م فيهاش الا انا وهي ،وابتديت اشوفها بين ايديا ،رموشها بتحضن عيوني ،م شوفتهاش الا ليا ..ليا انا وبس..بس مرة واحدة صحيت م الحلم علي ايد بتخطف مني الكشكول !!..ببص اشوف مين لاقيت جسم مليان عضلات !
كامل:انت ايه اللي بتعمله ده ؟!عاملي فيها حبيب؟
*ف اللحظة دي رمي الكشكول ع الارض وقعد يضرب فيا لحد م الناس حاشونا
شوية ولاقيت خالد(صاحب عمري وانتيمي)بيسندني عشان اقوم ،ببص ناحيتها لاقيتها واقفه مع كامل وزعلانه منه عشان ضربني .ابتسمت وحطيت وشي ف الارض ، كنت مبسوط ، شبطان ف شعور ملاني ، ساعتها اتمنيت اني افضل حاسس بيه حتي لو هموت .شوية ونزلت اجيب الكشكول من ع الارض  وعيني رافضه م تبصش عليها..واضح ان ده كان سبب اني مكنتش لاقي الكشكول ..مفيش ثواني ولاقيت خالد بيديني الكشكول وهو مفتوح ع رسمتها وبيبتسم ابتسامة مكر ..
خالد: ان جيت للحق هي بصراحه تستاهل العلقة اللي خدتها عشانها ..
*حطيت وشي ف الارض م الكسوف  ..مكنتش عارف ارد اقوله ايه ولا اخبي اللي حاسس بيه ، انا...انا مش عارف انت بتتكلم علي ايه بالظبط 
_اياد كذا مرة اقولك انت م بتعرفش تكدب ..بس انا عايز انصحك نصيحه ياصاحبي
*نصيحه ايه؟
_ياريت تشيل الموضوع ده من دماغك..احسن فاندام يموتك ..المرة دي ربنا سترها ومش كل مرة هتعدي ياصاحبي
*وف لحظة الاحساس الحلو اللي كنت حاسه اتبدل ب غضب وعصبيه ،كانت اؤل مرة ازعل من خالد .خدت الكشكول من أيده وقمت وانا متعصب ومرة واحدة لاقيته بيمسكني من ايدي
_استني بس ياعم انت ..انا م قصدتش حاجه والله ..بس الحكاية ومافيها اني خايف عليك
* كنت عارف أني غلط ..بس مكنش ب ايدي ،كنت عيان ب حاجه صعب منالها  ،كنت (مجنون ) ..فضل السكوت بينا ل لحظات..شووية ولاقيته بيقولي انه لازم نقوم عشان م نتاخرش ع المحاضرة ، ف الاؤل مكنتش عايز احضرها بس اتفاجئت لما قالي ان المحاضرة دي مجمعه وانها هتكون هناك !
*ثانيه بس ...انت طلعت عارفها ؟!عرفتها ازااي؟!
_لا مرة تانيه بقي ..يلا سلام دلوقتي عشان المحاضرة هتبدا
*استني ..انا جاي معاك
وبسرعه روحنا ع مدرج المحاضرة ..راح خالد قعد مع البنت اللي مرتبط بيها ..وفضلت ادور علي مكان قريب اقعد فيه عشان اسمع الدكتور ، بس الظاهر اننا فعلا قعدنا نتكلم كتير لحد م اتاخرنا والبنجات الاؤلي كلها اتمليت ،روحت قعدت ف البينجات اللي ورا ،حاولت الاقيها او حتي المحها بس م عرفتش ..الظاهر ان خالد ضحك عليا ،شووية ولاقيت ايد بتخبط ع كتفي ،،بصيت اشوف مين لاقيتها هي !
_حوريه:انت  اياد صح ؟
*ساعتها حسيت اني اتكهربت ..من شوية مكنتش طمعان ف حاجه غير اني اشوفها ودلوقتي بتكلمني ..للدرجادي انا محظوظ؟!! ..
حورية: انت عامل ايه دلوقتي ؟انا اسفة اووي علي اللي كامل عمله من شوية ..هو طيب والله بس عصبي شووية
*ومين قالك اني زعلان بالعكس ..دي احسن حاجه حصلتلي النهاردة ..ياريته يضربني كل يوم
_انت شايف دول كام ؟!
*اشمعنا
_اصل واضح ان الضرب اثر عليك هههههههههههههه..قعدنا نضحك وشوية و المحاضرة خلصت ..جيت اقوم لاقيتها بتمسك الكشكول بتاعي..
_قبل م تمشي ..ممكن تقولي ايه سبب الخناقه اللي حصلت مع كامل من شووية؟
*ساعتها حسيت بتوتر عمري م حسيت ولا هحس زييه ..ولا حاجه ..ولا حاجه ياحوريه
_عايز تقولي ان كل اللي حصل ده وخناقتك مع كامل سببها ولا حاجه؟!
*ومرة واحدة اتشجعت ورجعت ابص ف عيونها تاني ..عايزة تعرفي ايه السبب ؟افتحي الكشكول اللي ف ايدك ..اؤل م فتحت الكشكول بان ف عينيها لمعه فرح متلونه ب صدمة ..
_انا ...انا مكنتش اعرف اني جميله كدة !!
* انا اللي مكنتش اعرف ان في حد ممكن يبقي بالجمال ده ..لاقيتها ابتسمت ف كسووف وفضلت ساكته ل ثواني .
_هو ..هو انا ممكن احتفظ بيها ؟ ساعتها حسيت ب نشوة فرح وانبساط اتمنيت ان الوقت يقف عند اللحظة دي عشان افضل مبسوط كدة .. ياتري طمعت؟