رحمه / امم سما حلو الاسم
سيف / ماشي ياختي هاتي الصوره انجزي
خرجت رحمه وقفلت الباب وراها سايبه سيف سرحان ف افكاره
سيف في نفسه / يا لو تعرفي انا دورت عليكي اد ايه وبحبك اد ايه انت ممكن تكوني مش فكراني بس انا عمري ما نسيتك وعارفه انو عرفتي الحقيقه ممكن تكرهيني بس انا مليش ذنب والله
(عند سما)
سما كانت اعده في اوضيتها دخلت عليها سمت بصتلها سما نظره عتاب ورجعت مسكت الموبيل تاني
سمر / ماما بتقولك تعالي كلي فاكهه
سما / ماشي جيه امشي انت بس
سمر / امشي
سما / ايه بكلم انجليزي امشي
سمر / حاضر براحه
خرجت سمر وراها سما على طول
الام / خدي يا حبيبتي كلي ده
سما / ماشي يا ماما تسلم ايدك حبيت اعرفك بس اني هنزل الشغل بكره بدري عشان متقلقيش
الام / ماشي يا حبيبتي بس صحيح هو ايه نوع الشغل الي بتشتغليه
سما / بشتغل سكرتيره المدير في شركه كبيره اوي
سمر / ودي دخلتيها اذاي وانت مش مكمله تعليم
سما بعصبيه / دي حاجه متخصكيش هما عارفين قيمتي واني بشتغل كويس جدا كمان
سمر بحزن / اهدي مالك في ايه ده مجرد سؤال وبعدين انا قولت حاجه غلط
سما / لا لا مقولتيش حاجه خالص اسمعي يا سمر انا حبه كدا وممكن انسى كل الحب الي في قلبي اتجاهك ايه الكره الي فيكي ده انا عملت ايه لكل ده انا قولت زعلانه شويه وهتفك لاكن ذوتيها اكتر من كدا وهنخسر بعض
سمر / انت اتغيرتي اتغيرتي اوي احنا اصلا خسرنا بعض من يوم ما مشيتي
دخلت سمر اوضيتها
سما / مش هقدر استحمل اكتر بقا الله
دخلت سما هيه كمان اوضيتها وسط دموع من امهم الي اتحصرت على منظر بناتها
(صباح اليوم التالي)
صحيت سما ونزلت الشغل اول لما وصلت دخلت مكتب المدير الجديد ولأول مره متلاقيش عمر في المكتب
سما / امل هو فين
سيف وهو واقف ورا سما مباشرتا / هو مين
اتخضيت سما لما سمعت صوت فجأه ولفت بسرعه ومن غير قصد داست على رجل سيف
سيف / اه يا رجلي اه
سما / خوفتني قلبي كان هيقف حرام عليك
سيف / معلش حقق عليه بس خد عقابي اهو رجلي راحت
سما بضحكه رقيقه خطفت قلب سيف / احسن تستاهل
سيف / ماشي ياستي
سما / هو استاذ عمر فين
سيف / استاذ عمر يا ستي في الفرع بتاعو او ماكن شغلك القديم اما انا ماسك مسؤليه الفرع ده يعني انا مديرك الجديد
سما ببتسامه / ماشي يا استاذ سيف
سيف / لا لا انا مش ذي عمر بحب الرسميات الكل هنا بيقولي سيف بس
سما / علم يا سيف دقيقه وهيكون جدول مواعيدك النهارده عاندك
سيف / تمام يلا على شغلك
راحت سما على مكتبها وبدائت تشتغل لحد ما جت واحده ووقف قدامها
نرمين / لوسمحتي هو سيف موجود
سما / اه موجود حضرتك عاندك معاد
نرمين بسخريه / انت مجنونه انا اخد معاد انت متعرفش انا مين
سما / لمى نفسك بلاش قله ادب معندكيش معاد مفيش دخول
نرمين بغيظ / انا قليله ادب انت مصره تترفضي النهارده
خرج سيف علي صوت دوشه بره
سيف / ايه في ايه الي بيحصل هنا نرمين انت بتعملي ايه هنا
نرمين بدلع / سيف حبيبي البت دي غلطه فيه
سما / انا
سيف / معلش يا سما وانت ادخلي جوه انجزي
نرمين / انت بتعتذرلها
سيف / انا مش بقول ادخلي انت مبتفهميش
دخلت نرمين هيه وسيف وقفلو الباب وكان في صوت زعيق عالي وبعد فتره خرجت نرمين وهيه شايطه من كتر العصبيه
نرمين / يكون في علمك يا سيف انك هتندم هخليك تتمنى تراب رجليه
مشيت نرمين وسابت سيف متعصب جدا من طريقه كلامها استنت سما لما سيف دخل مكتبه ودخلت وراه
سما / استاذ سيف الوفد اتصل وعايز حدد معاد
سيف / ده الي كان ناقص
سما / لازم نحدد معاد قبل ما يمشوا من مصر عشان مصلحه الشركه
سيف بعصبيه / انت هتعرفيني أيه مصلحه الشركه خدي الهبل ده واطلعي بره
خرجت سما وهيه مخنوقه وقلبها موجوع ودمعها الي حولت تكتمها بس مقدرتش
رن موبيل سيف رد بعصبيه
سيف / بقولك ايه انا زهقت من ام موضوعك ده وتعبت كمان
المتصل / تعالي قابلني كمان نص ساعه
سيف / مش فاضي عاندي شغل
المتصل / مستنيك
قفل المتصل الخط رمي سيف التلفون في الارض من عصبيته
خرج سيف من مكتبه
سيف / سما انا نازل شويه وجي متروحيش عايزك
سما / حاضر
مشي سيف وهو زعلان من نفسه جدا على الي عمله في سما ركب عربيته وراح لمكان اشبه بجنينه بس مهجوره شويه
سيف / اخلص عايز ايه
شخص / انا قررت اني هعرف سما انا مين
سيف بستغراب / ايه واشمعنا دلوقتي
شخص / خلاص حليت مشكلتي ودفعت كل فلوس العمليه وهوقف الشغل على كدا وهرجع بقا
سيف بفرح / مبروك يا صاحبي
شخص / انت اكتر واحد وقفت جمبي
سيف / انت اخويه ولا نسيت يا أمجد
................
نهايه الفصل الثامن
أنت تقرأ
عشقتها سرا
Mystery / Thrillerمش ضروري الي نحبه يكون بيحبنا ومش كل شخص قال بحبك يبقا بجد كدا عشان لكل واحده فينا قصه عشتها مع الحب بطلتنا ضحت بحجات محدش يقدر يتخيلها في مقابل ان كان في حد ديما معاها وبيدعمها من غير ما تعرف مين هو أسرار وحجات هتتكشف في حياه البطله واحده ورا التان...
