الحلقة الاولى

9.2K 169 8

شخصيات القصة الأساسية :
فريدة: ٢٤ سنة / دكتورة تحاليل
الدكتور محمود: ٥٨ سنه / والد فريدة / دكتور اسنان
فاطمة:٥٢ سنة / والدة فريدة / لا تعمل
احمد وفيروز: ٢٠ سنة /اخوات فريدة ، توأم ومرتبطين جداً ببعض / بيدرسوا مع بعض فى ٣ كليه صيدلة خاصة
نيرة:٢٤ سنة / صديقة فريدة الوحيدة / دكتورة تحاليل
خالد: ٢٧ سنة / مهندس معمارى
امينة: ٥٥ سنة / والدة خالد / موظفة
ايمن:٢١ سنة / اخو خالد / طالب فى كلية حقوق
*_____________________________________________**___________________________*
كان اول يوم فى السنة الجديدة وفريدة بتفرح بكل سنة جديدة وبتحمد ربنا انها عاشت سنة كمان بتصحى الصبح منتعشة جداً كلها نشاط وحيوية وبتجهز عشان تروح شغلها وهى الوحيدة من اخوتها اللى لازم تفطر مع والدها ووالدتها
فريدة: صباح الخير يا بابا صباح الفل يا ست الكل كل سنة وانتوا طيبين
محمود: صباح النور يا حبيبتى
فاطمة:صباح الخير يا حبيبتى ربنا يفرحك ويبسطك كده دايماً بس ايه مفرحك اوى كده
فريدة:ايه يا جماعه انتوا مش حاسين اننا دخلنا سنة جديدة ولا ايه ومش عارفين انا ببقى فرحانة قد ايه باى سنة جديدة
فاطمة:يا حبيبتى ربنا يفرحك كمان وكمان ويطول فى عمرك
بدأوا فى تناول الفطار وساد الصمت لدقائق معدودة
محمود: فريدة انتى فاكرة عمك مصطفى .. مصطفى عبد الرحمن
فريدة: اه يا بابا مش ده اللى بيبيع اجهزة طبية
محمود : ايوه هو ده .. عنده ولد هايل عبدالرحمن مانتى عرفاه ما شاء الله عليه محاسب فى بنك ومستقبله ممتاز و .......
قاطعته فريدة: وعايز يتقدملى صح ؟!!
محمود: وفيها ايه يا ديدا يا بنتى ماهو مينفعش تفضلى رافضة الفكرة وانتى لسه٢٤ سنة
فريدة: يا سلام !! وهو انت مش عارف انا رافضة الفكرة ليه واللى متقدملى ده هل عرفته ظروفى ووافق عليها
محمود: يادى الظروف اللى انتى مسكانا بيها يا بنتى دى كلها احتمالات ممكن تحصل وممكن لا
فاطمة لاحظت ان النقاش احتد ومحبتش تضيع فرحت بنتها بالسنة الجديدة ....
فاطمة:خلاص يا محمود خلاص مش وقته هى وراها شغل وانت وراك شغل اليوم طويل اتكلموا فيه براحتكوا
محمود: عندك حق انا اتأخرت على العيادة .. عقلى بنتك يا فاطمة ..سلام عليكم
فاطمة وفريدة : وعليكم السلام
هنا صحيت فيروز : ايه يا نااااس اااايه ياااا بشر هو الواحد ميعرفش ينام فى البيت ده ابدآ يا ساتر
فاطمة: انتى عارفة انتى نايمة من امتى اصلآ ومذاكرتيش ولا كلمة وبعدين عندك محاضرات يلا اخلصى البسي وافطرى عشان متتأخريش وصحى احمد عشان تنزلوا سواا يالا اخلصى
فريدة: طيب يا ماما انا رايحة الشغل مش عايزه حاجه
فاطمة : سلامتك يا حبيبتى ربنا يكتبلك فى كل خطوة سلامة
نزلت فريدة .... ....
فيروز دخلت على احمد اوضته عشان تصحيه
فيروز : اصحى يا فاااشل قوم يالا عشان ننزل سوا
احمد بيبصلها بعين واحدة: روحى انتى انا مش قادر انزل الجامعه النهاردة
فيروز: قشطة براحتك انا عملت اللى عليا
*_____________________________________________*
خالد يعيش مع مامته واخوه ووالده متوفى
فى بيت خالد...
خالد:صباح الخير يا ماما
امينة:صباح الخير يا ابنى
خالد:ايه يا ماما مش قولتلك تصحينى بدرى
امينة: يا ابنى مانت راجع متأخر اوى امبارح ونمت متأخر وقولت اسيبك تنام شوية اقعد افطر
خالد: افطر ايه بقى يا ماما انا متأخر جداً هفطر فى الشغل امال فين ايمن
امينة:نايم
خالد: ليه معندوش حاجة
امينة: لا معندوش جامعة النهاردة عنده كورس بالليل
خالد:ماشي مش عايزة حاجة قبل ما انزل
امينة:سلامتك يا نور عينى
ونزل خالد.....
*_____________________________________________*
فى شغل فريدة ..... ..... .....
نيرة: خير يا ديدا ضاربة بوز ع الصبح ليه ده حتى النهاردة سنة جديدة مش فرحانه ولا ايه
فريدة:بابا مُصمم ينكد عليا
نيرة:بباكِ يا فريدة ده مفيش حد بيحبك قده ولا فى حد فى حنيته ولا طيبة قلبه
فريدة:انا عارفة انه بيعمل كده من حبه وخوفه عليا بس انا تعبت اوى يا نيرة
نيرة:اهدى بس ومتزعليش عشان خاطر ربنا ... هو كلمك فى جواز تانى
فريدة:هو بيكلمنى فى غيره
نيرة:بس هما عندهم حق يا ديدا لازم يخافوا عليكِ
فريدة:انا مش هتجوز واحد عشان اتعسه واظلمه معايا
نيرة:بصى يا ديدا يا حبيبتى انا مش مع انك ترفضي بسبب الظروف دى انتى ممكن تقولى مش عايزة اتجوز دلوقتى او مثلاً تقابلى العريس وتقولى مش مرتاحه كده مش هيكون فيه خلافات
فريدة: انتى صح يا نيرة انا بعد كده هعمل اللى بتقولى عليه ده
*_____________________________________________*
فى بيت فريدة ...
جهزت فيروز واستعدت للنزول
فاطمة :انتى رايحة فين
فيروز:رايحة الديسكو ههههه هكون رايحه فين بس رايحة الجامعه
فاطمة:وفين حمادة
فيروز:قالى مش عايز انزل الجامعه النهاردة
فاطمة:نعم !!!!! انا هصحيه
فيروز:استنى يا ماما انا هروحله خليكِ انتِ
دخلت فيروز اوضه احمد وبدأت تصحيه
فيروز:قوم يا احمد بدل ما ماما تجى تهزأك احمد يا احمد اصحى يااااد انت
احمد:يادى النيلة ع احمد وسنين احمد عايزة ايه من زفت
فيروز:قوم يالا اصحى عشان تروح الجامعه يالا يا زفت بدل ما ماما تجيلك
احمد:خوفت انا كده يا خفة
فيروز :قوم يالا بجد كده هتأخر وعندنا سيكشن مهم النهاردة
احمد:حاضر حاضر حااااااضر
احمد قام من السرير وفيروز كانت بتروقه بدل مامتها
فيروز بعصبية ونرفزة وزعيق: ياااااا احمد انت يا استاااااااذ احمد
احمد جه عليها وبيزعق:فى ايه يا متخلفة انتى بتزعقى ليه
فيروز:ايه ده يا احمد ؟!!!!!!!!!!!!
احمد:...................

حب لا ينتهىاقرأ هذه القصة مجاناً!