Unicode
_______
"လာလေ။ ကြေးပိုကြီးလေ ကြိုက်လေပဲ။ ဒီတော့ ကပ်စေးတော့မကုပ်ကြနဲ့ပေါ့။ "
လင်ဟိုင့်အနေနဲ့ ဒီလောက်ကြီးမားတဲ့ အခွင့်အရေးကို လက်လွတ်ခံဖို့စိတ်ကူး လုံးဝမရှိလေဘူး။
လင်ဟိုင့်စကားကြောင့် ဟုဝေတစ်ယောက် ဒေါသထွက်ရလွန်းလို့ နှာခေါင်းပင်ပွစိပွစိဖြစ်လာလေသည်။ ဒါကြောင့် အသက်ပြင်းပြင်းရှူပြီး ဒေါသတွေငြိမ်သက်သွားတဲ့အထိ အတန်ကြာ စိတ်လျှော့လိုက်ရသည်။
ဘယ်တုန်းကများ ကျင်းနန်တက္ကသိုလ်ရဲ့ မင်းသားလေးယောက်ထဲမှာ ကပ်စေးနှဲတယ်ဆိုတဲ့လူ ရှိဖူးလို့တုန်း။
ဟုဝေ လက်ပိုက်ကာ အထက်စီးဆန်ဆန် ပြောလေသည်။
"တစ်ဆယ်ကနေ စလောင်းကြရအောင်။ "
" တစ်ဆယ်။ ဘာတစ်ဆယ်လဲ။ "
လင်ဟိုင် နားမလည်စွာဖြင့် ပြန်မေးလိုက်မိသည်။ နံဘေးတွင်ရပ်နေသော ကျောင်းလိန်မှ လင်ဟိုင့်အား အထင်သေးစွာနှင့် ပြန်ဖြေလေသည်။
" တစ်သိန်းကို ပြောတာ။ တကယ့် ဖက်ထုပ်ဦးနှောက်ပဲ။ "
" တစ်သိန်း! ရပါတယ်။ ပြဿနာမရှိဘူး။ "
လင်ဟိုင် ဆန်စေ့ကို ကောက်စားနေသည့် ကြက်ကဲ့သို့ ခေါင်းတဆတ်ဆတ်ညိတ်ကာ ပြောလိုက်သည်။
တစ်သိန်း !! နည်းနည်းနောနောလား!!
" ဟုကော၊ အဲ့ကောင်ဆီမှာ အရူးလုပ်မခံနဲ့။
တစ်သိန်းကိုအသာထား။ အဲ့ငမွဲက တစ်ထောင်တောင်ရှိတာမဟုတ်ဘူး။ "
ဝမ်ထင်းမှ ဟုဝေကို လှမ်းသတိပေးလေသည်။
ဟုရီဝေ မျက်လုံးထဲတွင် ခက်ထန်သည့် အငွေ့အသက်များပြည့်နှက်လာပြီး လင်ဟိုင့်အား ကြည့်ကာ
" ငါက အဲ့ကောင်ဆီက ပိုက်ဆံကိုမရနိုင်ဘူးထင်လား။ ဒီကောင့်ဆီက ပိုက်ဆံရဖို့ ငါ့မှာ နည်းလမ်းတွေမှ အများကြီး။
ကဲ။ စလိုက်ကြရအောင်။"
"ခဏလေး"
ပြိုင်ပွဲစရန်ပြင်နေသည့် ဟုဝေနှင့် လျှိုကျင်းအား လင်ဟိုင် တားလိုက်သည်။ လျှိကျွင်းက လင်ဟိုင့်အား ခပ်လှောင်လှောင်ကြည့်ရင်း
" ဘာလဲ။ မင်းတအားကြောက်ပြီး မပြိုင်ချင်တော့ဘူးလား။ "
" မဟုတ်ဘူး။ ငါ အလောင်းအစားမှာ တစ်ခုထပ်ထည့်ချင်သေးတယ်။ "
YOU ARE READING
ငါ့ရဲ့ We Chat က သုံးလောကနဲ့ဆက်နွယ်နေတယ် !! (Slow Update)
Fantasyလင်ဟိုင်ဟာ သာမာန်ကျောင်းသားလေးတစ်ယောက်ပါပဲ။ ဒါပေမယ့် တကယ့်ကို ဒဏ္ဍာရီလာမသေမျိုးအမတတွေဖြစ်တဲ့ မျောက်မင်း၊ အရှေ့နဂါးဘုရင်နဲ့ အာ့လန်ရှန်း တို့ပါဝင်တဲ့ we chat group တစ်ခုထဲကို မတော်တဆ ဖိတ်ခေါ်ခံခဲ့ရပါတယ်။ အဲ့ဒီနေ့ကစပြီးတော့ သူ့ဘဝဟာ လုံးဝကို တစ်ဆစ်ချို...
