احببت غجرية ( روايات ليبية )

حلقة 24🔥

#آحببت_غجريه 🔥 الحلقه 24 '' 👌🔥
حمزه طول الوقت قعد حداه قبر ساره ويبكي عليها مش مصدق انها ماتت ولا قادر يصدق 💔 قعد يذكر في اللحظات الحلوه مع ساره اذكر نظارتهاا يلي كلها حب يلي طول الوقت يراجي انها اتحبه وبعد تحقق حلمه وحباته عدت 💔 قعد يبكي حط ايديه علي قبرها والمطر قويه تمطر عليه وهو ما اهتمش قعد يبكي وينادي يا ساره ياروحي انتي كيف تمشي وتخليني انا انحبك انحبك واجد 😭 مانقدر علي فراقك انتي كل شي انتي حياتي ونبض قلبي كيف تمشي بالسهوله هذي ليش خليتيني وعديتي حرام عليكي يا ساره تعذبي فيااا راه انتي اوكسجيني حانموت من دونك مش حانقدر لا نعيش ولا نتنفس اه ياربي 😭💔 وبحت في السماء ياربي مش قادر انعيش بدونهااا هي حياتي وقعد يبكي بقهر وحتى غفير ياما قاله روح وحرام ادير هك بس ما سمعش كلام حد الكل حاول معاه من مراد وايهم بس لا حياة لمن تنادي كان قلبه موجوع مش قادر يتحمل فراقهااا بحت في صورتهاا معاه في تليفونه وقعد يبكي ااه ياربي ليش عدت ليش 💔

وعند جود حابسه روحها في غرفتها تفكيرهاا في حمزه عارفه ان يحب ساره وعارفه ان متعذب توا بفراقهاا صبت وحطت امخاد في سريرهاا ودارت ان هي راقده وعدت جهزت نفسها وخدت شمسيه معاهاا وطلعت من الباب الخلفي وعدت تجري بسرعه وصبت ع طريق وقفت تاكسي وبحتت في الحاج : معليش يا عمي ممكن توصلني للمقبره وهو استغرب في هالوقت بس خلاها علي راحتها وسألها عن اسم المقبره و وصلها وبعد نزلت شافت الغفير بحتت فيه : معليش في واحد ديما قعد حداه قبر زوجته وينه وهو اشر لقدام حاتلاقيه وهو عنيد ما سمع كلامي يا بنتي شوفيه الكل حاول معاه بس مسكين مش مصدق وجود هزت راسها وعدت طول وشمسيه فوقهاا وكانت مطر قويه سمعت صوت بكاء عرفاته هو بحتت علي يمينهاا وشفاته يبكي عالقبر نزلو دموعها وقربت منه جهته وحطت شمسيه فوقه وهو حس بالمطر وقفت عليه ولكن حواليه تمطر رفع راسه وبحت فوق وشاف شمسيه بس ما شاف يلي ماسكهاا يسحبه الغفير قال : اه يا عمي خليني والله حالي بدونهاا سيء ياعمي ان نبيها انحبهاااا ما نبي غيرهاا ليش عدت وجود نزلو دموعها وقالت : انا جود يا حمزه حمزه سمع اسمها مسح دموعه وصبا وحول شمسيه من عليه وبحت فيها انتي وهي نزلت راسها بالي معاك ليش تعذب في روحك هك وبحتت فيه حرام عليك انت تعذب فيهااا ما تتصرفش هك ياا حمزه وبحتت في عيونه يلي حمر قعدن من البكاء حرام   عليك وحمزه قال بدموع : هي عدت وخلتني انا انحبها هي روحي ياا جود مش قادر انتحمل انهاا ماتت والله مانقدر نعشقهاا موت اناا وجود نزلو دموعها وبحتت فيه : انا عارفه انك اتحبها وعارفه انك مش حاتقدر تنساهاا بس ماتتصرف هك انت قبل ما تعذب نفسك وتعذبها راك اتعذب فيااا انا عارفه ان مش وقتها الدوا هذي بس ما نتحمل نشوفك هك ياا حمزه والله ما نقدر وقعدت  تبكي  وحمزه مصدوم من بكاءهاا بالشكل هضاا طاحت الشمسيه من يدها انا انحبك والله انحبك مانبي نشوفك هك انت انسان مؤمن بربي لازم تدعيلهاا ياا حمزه مش تبكي علي قبرها بهالشكل خليك قوي وبحتت فيه وهو نزلو دموعه : كيف فهميني كيف حانتحمل مش حانقدر والله مش حانقدر هي روحي يا جود هي الروح 💔😭 وجود مسكت وجه بين ايديه لا تعذبني وهو قعد يبكي وحضنها وبكااه في حضنهاا وهو يبحت في قبرهااا وجود تبكي معاه بحتت فيه : روح لحوشك لو اتحبها فعلا روح ماتقعد هنا في السقع علي شانها لو اتعزهاا واتحبها وما تبيها تزعل منك وحمزه نزل راسه وقعد تحت وحط ايديه بين وجه اه ياربي ااه مش قادر كيف نمشي قوليلي وجود قعدت جنبه : انا مش حانمشي اذا انت قعد انا مش حانخليك مش حانقدر وبحتت فيه وهو حول يديه من وجه وبحت فيهاا : لالا روحي ما يصير تقعدي هنا توا يحسو عليك انتي من جابك وجود قعدت تلعب علي صوابع ايديهاا بإرتباك انا طلعت بدون ماحد يحس علياا كنت مشغوله عليك واجد وبحتت فيه انا اسفه بس انا غصبا عني حبيتك غصبا عني والله وصبت توا نمشي لو مضايق من وجودي وربي يصبرك علي فراقهاا وعدت تمشي بسرعه وحمزه بحت في القبر ونزلو دموعه اه ياربي قلبي موجوع وبحت في جود يلي عدت بسرعه تنهد وصبا بضعف وعدا يمشي ويلحق فيها وكل اشويه يلتفت ويبحت في القبر تنهد بوجع وكمل طريقه *وشافها* مصبيه حداه الطريق وتبكي قرب من جهتهاا وبحت فيها : توا انوصلك يا جود مانقدر نخليك تروحي مع حد غريب وفتح سيارته وهي تبحت وساكته وهو جاه ودرس السياره حداهاا وهي مسحت دموعها وخشت للسياره وهي ترعش بحت فيها وهي قعدت تعطس وحمزه قال : خديتي برد ليش جيتي هنا يا جود وهي بحتت فيه : كيف تبيني نحط راسي عالمخده ونرقد براحه وانا متغطيه في السقع ودافيه والشخص يلي انحبه قعد في هالثلج ويبكي وحزين اه يا حمزه لو نقدر ناخد هالحزن ونخفف عليك والله قلبي تقطع مش قادره انشوفك هك وحمزه سكت وساق السياره وماردش كان عارف هالاحساس صعب انك تحب حد واتشوفه موجوع حس فيها وبحت فيها اخراا وما انتبه قدامه وجود انتبهت حمزه انتبه وهو بحت قدامه طول ولف السياره في اخر لحظه قبل ما تخبط في البطاح وتنهد وحط راسه عالدومان وجود قالت بوجع : انتبه كنت حاتسبب في حادث بشع وهو بحت فيها : اسف والله تعبان وماعندي حيل وجود قالت : انزل توا نسوق انا بابا علمني قبل مايموت وحمزه بحت فيها وهز راسه وفتح الباب وطلع وهي جات وقعدت في مكانه وحمزه جاه لمكانهاا وهي ساقت وكانت اتسوق بسرعه وشاطره في السواقه وحمزه بحت فيها كيف تتجلب في سيارات انصدم برمشت عين وصلو بسرعه للحوش نزلت وعطاته المفتاح انزل واقعد عند مراد صاحبك الليله انت ماتقدر اتسوق السياره يا حمزه لو سمحت وعدت بسرعه وخشت من الباب التاني وما خلت حد يحس عليهاا وحمزه تنهد وبحت في الحوش
وقعد لوقت في السياره وبعدها نزل ورن الجرس
وجود ابتسمت عشان عرفاته حايخش وبحتت مع روشن وشفاته تنهدت براحه ان حايتريح اليوم في الدفاء وما يقعد في السقع برا هالليله ابتسمت بوجع

نرمين : بحتت فيه مراد كأني سمعت الجرس رن
مراد : يلي تحت يلي رن تقصدي
نرمين : اها سمعته تأكد شوف مع روشن في سياره او لا واذا مافيش معناها مافيش حد رن الجرس
ومراد صبا وبحت مع روشن وشاف سيارة حمزه
ألتفت لبس جاكته توا نجي هضا حمزه وعده بسرعه ونزل مع الدروج وفتح الباب : حمزه
حمزه : بحت فيه بحزن تستقبلني هالليله
مراد : تي عيب يا راجل خش الحوش حوشك تفضل
وخشاه للمربوعه قولي كيف حالك ليش حالتك هك
حمزه : والله يا مراد مانقدر انت عارفني انحبهاا 😞
مراد : والله عارف وحاسس بيك الله غالب هضا عمرها ادعيلهاا وربي يصبرك يا صاحبي علي فراقها هيا توا نجيبلك فراش وملابس بلكي تبي ادوش وتغير وعدا وحمزه تنهد وحط وجه بين ايديه ومراد خش لحوش عيلته وجاب فراش ومخده وبطانيه وشاله للمربوعه ورد مره تانيه وجاب فراش له وبطانيه وبحت في جود يلي بحتت فيه : من ؟ وهي تستعبط ومراد ابتسم : هضا حمزه حايرقد هناا
جود : باهي تبو حاجه  نديرلكم عشاء
مراد : اه اكيد مش واكل شي فديري ربي يعطيك الصحه وطلع وعدا للمربوعه وبحت فيه توا نجيبلك ملابس وركب مع دروج وخش لشقته وعده لغرفته ونرمين بحتت فيه : كيف حاله حمزه
مراد : فتح الدلاب وخداه توته وبحت فيها والله سيء ربي يعينه وان شاء الله ربي يصبره
نرمين : لن شاء الله
مراد : قرب باس راسها انا راقد تحت في مربوعه لو احتجتي لشي اتصلي بياا اوكي وهي هزت راسها وهو ابتسم وعداا
وجود بعد سمعت خوها ركب عدت للمربوعه وبحتت من جهت الباب : شكرا وعدت بسرعه بعد سمعت خطوات مراد عالدروج وحمزه تنهد وضغظ علي راسه من الوجع 💔 قعد يكح وجود انشغلت عليه ودارت عشاء ومراد جاب ملابس من عنده لحمزه وهو خداهم وشكر مراد وخش دوش قعد يبكي تحت الدوش وحالته حاله وبعد طلع خش لفراشه وقعد يرعش من السقع ومراد خداه ملابس حمزه و ولع عليه في الغساله وعده لاعنده : تريح شنو مرضت صح
حمزه قعد يكح :  شكلي خديت برد
مراد : لا باس عليك وسمع دقت الباب عده خداه سفرة من جود ودايره حتى ليمون بالنعناع له ومراد بحت فيه تفضل واذا رفضت نزعل منك راه وحمزه بحت فيه : يا مراد والله ماعندي نيه لشي نبي نرقد وبس ومراد : هز راسه لالا لازم ما تاكل وتغذي نفسك  هيا لو تعزني وحمزه تنهد وقعد وعرف ان جود هي يلي دارت هالسفره خداه الليمون وشربه وجود خشت لغرفتها وقعدت عالكرسي وبالها معاه وان ربي يصبره
وبعد وقت سمعت مراد خش بالسفره عدت للمطبخ وبحتت فيه ومراد بحت فيها : بالإيش خليته ياكل مسكين مش قادر يتقبل موتها حطيت روحي مكانه اكيد مش حانقدر نتحمل والله الفقد وعر وحط يده علي كتفها تصبح علي خير وعده وجود تنهدت وضمت السفره وعدت لغرفتها ورقدت في سريرها

وفي صباح نهار جديد /

حمزه طلب من مراد لبسته وخداهاا بعد مراد جابها له وشكر مراد علي استقباله ليلة امس
مراد : تي عيب يا راجل انت صاحبي والحوش مفتوح لك امتى ماتبي تعال وحمزه ابتسم : تسلم هيا مع السلامه وعدا ركب في سيارته وتنهد وبحت في روشن وجود سكرت الروشن دغري بعد بحت وحطت يدها علي قلبها وهو عرفها هي تنهد وساق السياره وعدا لحوشه وامه بعد شفاته فرحت بجيته وحضناته وهو باس راسها : كيف حالك
امه : مشغوله عليك يا وليدي باهي يلي روحت
حمزه : نزل راسه ربي يرحمها وعدا لغرفته هو وياها وسكر الباب وراه وبحت في دلاب عده وفتحه وطلع لبستها خداها وشمها ونزلو دموعه عده للسرير وقعد وهو ماسك لبستها ويبكي بصمت والله رايفتلك 💔 ....يتبع