#آحببت_غجريه 🔥 🆕 🔥 الحلقه 21 🔥
طلعت ساره من المستشفى بشكل جديد وجها تغير وندمت علي كل شي دراته سابقاا وان بدل ما يتشوه وجه نرمين تشوه وجها هي ولعبت اللعبه علي نفسها مش علي نرمين يلي خداها مراد ورغم انها ماتحبش بس كانت ماتبي حد يحكي عليها وان هو خلاها وخداه وحده غيرها رضت بلي صار معاها بحتت في حمزه يلي رغم يلي دراته فيه ومعاملتها القاسيه معاه مزال يحبها ومتمسك فيهاا شفاته فتح لأمها الباب وبعدها فتحلها هي الباب وابتسم وقال : تفضلي وهي ابتسمت وقعدت وهو عده لكرسيه وبحت فيها مع المرايه وغمزلها وهي ابتسمت بخجل وهو ذاب من هالبسمه و وصلهم للحوش امتعهم وخداه منهم موعد يجيب امه وتخطبله ساره وعدا وهو فرحان ❤❤
ايهم رد لاعند غرفة حسن وشفاته عزيزه عدتله : وين كنت وهو تنهد كنت ندور علي نرمين داخت وخليت مراد معاها وجيت وعزيزه قالت بخوف : كنها شنو صارلهاا وايهم قعد عالكرسي : مش عارف توا يجو ونعلمو وما كمل كلمته انفتح الباب ومراد ماسك يدها واليد التانيه لافها علي خصرها وخايف عليها وهي تبتسم وجود وعزيزه بحتو فيهم ومراد قال بفرحه : ماما نرمين حامل حايجي البيبي يلي طول عمرك تحلمي بيه حفيدك حايجي وهي فرحت وحتى عزيزه وايهم 😍 : مبرووك يا مراد وهو ابتسم الله يبارك فيك عقبالكم وايهم ابتسم وعايشه فرحت وحضنت نرمين : مبروك يابنتي فرحني هالخبر ونرمين قالت : بخجل الله يبارك فيك ومراد قعدها وبحت في بوه عداله وقال : حايجيك حفيد وحسن ابتسم وفرحله وشد علي يد مراد وهو فهم عليه ان يسامحه ومراد بحت فيه : انا مسامحك ولكن حاندير المستحيل حتى ماما وجود يسامحوك وهو نزلو دموعه ومراد مسحهم له وباس راسه وبحت في امه يلي قالت : خلينا نمشو يا مراد تعبانه وهي تتهرب تبحت في حسن ومراد ما يبي يضغظ عليها وقال هيا يا ماما ونرمين وقبل جود تبي تصبي ومراد يندايها اشويه قالت عايشه : ماتمشيش معانا هذي يا مراد ومراد بحت في امه بس هي وعايشه قطعاته قتلك اختار امك او بنت بوك ومراد انصدم وجود نزلو دموعها وايهم قال بسرعه : لا توا تروح معانا يا مراد خليها مع عزيزه تبي تقعد مع اختها وعزيزه ابتسمت : اها وبحتت في جود ومسكت يدها حاتمشي معايا وجود هزت راسهاا ومزالت مصدومه ومآثره واجد ومراد قرب منها وباس راسها حانجي نشوفك بكرا باهي وهي هزت راسها وقالت : مبروك ومراد ابتسم الله يبارك فيك بحت في عزيزه ونظارته تحكي انها تدير بالها عليها وهي اشرتله انها بعيوني ابتسم وباس راس عزيزه وألتفت صباها لنرمين وامه عدت معاهم نزلو تحت فتح الباب الخلفي لنرمين وتمددت في الكرسي الخلفي وفتح الباب لامه وقعدت في الكرسي يلي جنبه وهو بعد ركب بحت فيها : ماما جود شنو ذنبها
عايشه : بوك يا مراد تزوج عليا وما قال لحد وانا انقول كنه زمان متغير وديما حزين تاريتا حزين علي زوجته يلي ماتت والله ما خطر عليا ان هو متزوج كان يقول عنده شغل ويسافر يطول مايجي مرات يقعد بالشهر وشهرين وبعدها ماعش عده شكلها ماتت في هضك الوقت وبحتت قدامها وهي معصبه من حسن ومراد تنهد وساق السياره وما يبي يزيدها علي امه وهي معصبه بهالشكل ما يبي يزيدها عليها توا وعدا للحوش ونزلو وركبو في حوش مراد فوق ومراد فتح غرفة وقال لأمه تريحي فيها اكيد تعبانه توا لليل وهي قالت بتعب : اكيد عليك نهار اسود وخشت ومراد تنهد وبحت في نرمين يلي زعلانه عالوضع قرب منها مراد وشالهاا بين ايديه لغرفتهم وحطها في السرير وسلح كندرتها وغطاهاا وبحت فيها تريحي يا عمري اوكي وهي مسكت يده : تبي تعدي وهو باس يده : ضروري نمشي بس ندوش قبل ونعدي عشان ايهم يروح بالبنات ونرمين هزت راسها ومراد ابتسم وقرب باسها 💋❤ وبحت فيها ديري بالك علي روحك ونرمين ابتسمت روحي هي أنت فإذا انت كنت بخير انا حانكون بخير وهو ابتسم وباس راسها انحبك وهي ابتسمت وشدت علي يده : انت حاتقعد احلى اب في العالم وهو ابتسم وقال : وانتي حاتكوني اجمل واحلى ام في العالم وقرب همسلها بجنون ام مجنونه ومزعجه وهي ضحكت وهو ذاب في ضحكتها يلي يعشقها : ناعليا منك 😉❤ وهي وجها قعد احمر : وناعليا منك وهو انفجر ضحك وقال بخبث خليني نمشي يا بنت تبي تخليني ننسى ونقعد معاك وهي ضحكت خلاص عدي بس بشرط ومراد ابتسم وقرب بحت في عيونها : شنو هالشرط يا عسولتي وهي ابتسمت : لما توصل رن عليا نبي نسمع صوتك عشان نرقد وهو انفجر ضحك هضا شرطك خلاص اعتبريه صار يا عمري انتي وباسها بحب 💋 وعدا يدوش وهي ابتسمت وحطت
ايدها علي بطنها وابتسمت ❤
أنت تقرأ
احببت غجرية ( روايات ليبية )
Romanceقصة حب غريبة نوعآ ما فا هي نشأت بين شاب كلاس و بنت " غجرية " فكيف كان لقاءهم و ما مصير حبهم ؟ للكاتبة : السلطانة كوكي
