احببت غجرية ( روايات ليبية )

حلقة 18🔥

#آحببت_غجريه 🔥 🆕 🔥 الحلقه 18 🔥
نرمين ومراد قعدو يتمشو عالشط اخرا من طلعتهم من البحر وهي مسكت يده وقالت : ما توقعت تتعصب هك امس وهو ابتسم وقال : يلي عصبني وهماا يحكو عليك وانا هالشي عصبني مانبي اي حد يحكي عليك انتي ملكي وتخصيني و ولد عمي عصبني قال عندهاا اخت هي كيف تبيني انكون من الطبيعي انعصب وننهار انتي تخصيني اناا وبس وزدتيها عليا لا تردي لا ع مسجات ولا ع اتصالاتي وفي سياره ندويلك وانتي مش معايا وانا مانحبش هالتصرف اسمعيني قولي اي شي بس ماتقعدي تمضغي اوكي وهي ابتسمت وحضناته : حاظر حانحاول اندير يلي يريحك بس قولي شنو صار في ساره ؟؟؟؟ ومراد تنهد : هي ابخير ماتفكريش فيهاا وحمزه طمني عليهااا مافيها شي زي الحصان بس وجها تغير دارولها عملية تجميل ونرمين قالت : رغم نواياهاا بس وجعتني ومراد : ابتسم وباس راسها نجيلي انا وخلاص الطيوبه وحضنهااا وهي ابتسمت وهمست انحبك ❤ ومراد قال : انموت فيك انااا ❤

ع الساعه 4 العصر //

فتحت عيونهاا ساره ولقت حمزه قعد ويتفرج مع روشن فرحت عشان ما عدش وقعد غمضت عيونها بعد تحرك وهو قرب وقعد عالكرسي مره تانيه وبحت فيهاا وهو يبتسم مسك يديهاا وقعد يلعب علي صوايع يديهاا وهي شدت علي يديه وهو بحت فيهاا : ساره وهي قالت وهي تكح : جيبلي ماما نبي نشوفهاا هي تبي تغضب عليااا يا حمزه 😭 ماعندي غيرهاا تبي تخليني وانا بحاجتهاا فجيبهاا لياا وشكرا علي وقفتك معايا وانا مسامحتك شكراا وانا كل يلي درته عشان الناس وصديقاتي يلي في مدرسه ما يحكوش عليا اني خلاني مراد عشان نرمين وكذا بس هو في الحقيقه صار نقاش بيناتناا وانا تطاولت عليه وقتله كلام ما كانش لازم انقوله انا يلي خسرته بيدي وضيعته مني وهو مايحب اني نعلي صوتي عليه وهضا كله عليت كنت معصبه لما شفته يلعب مع نرمين عصبت ورقيتلي منه بس خلاص يلي صار صار وهو تزوج وخلاني والكل خلاني ماعندي حد وحمزه باس يدها : انا قعد انا مش حانخليك مستحيل انخليك اصلا قتلك انتي في قلبي ساكنه فيه ومش حاتطلعي من هالقلب وانا انحبك ما كنت نبي نعترفلك زمان قبل ما تنخطبي من مراد كنت متردد من ردك لان يلي شفته ان وهي قطعاته : اني انسانه مغروره ونحب مظاهر ونبي واحد غني صح وان مش حانبعت فيك كلامك صح لو قتلي وقتها كنت شفت رد قاسي مني يا حمزه واكيد حانرفضك بس توا مستحيل نلاقي انسان كيفك رغم قسوتي هو مزال يحبني وشدت علي يده وانا حانحاول انحبك يا حمزه رغم اني ماعمري حسيت بيه راه مراد مانحبش يلي حبيته هو فلوسه وبس وجماله وان نكون رافعه راسي فيه علاقتي مع مراد علاقه من الاول كانت فاشله رغم الاعترافات الكاذبه يلي عطيتهم له وهو ماعمره قصر معاياااا وهو ما يحب ان نخش في مكتبه وهضا كله انخش مايبيش اصحابه يحكو عليه وان يخشش في خطيبته بروحهم في مكتب وخاصة وهو مسكر وهضا كله انعاند فيه وهو تحملني واجد انا انسانه سيئه يا حمزه انحب الكل يحكي علياا وان يا عوينهاا عايشه في عز وكذااا بس هالعز والغرور والحقد دمرني كان نهايته تشوية لوجهي يلي كل رجاله ما يشيلو عيونهم من عليه هو تشوه توا وماما غضبانه علياااا وانت في الاخير صدمتني من حبك لياا رغم يلي درته فيك ولزيتك من هنااا بس رديت اخرا و وقفت معايااا انت انسان ما تتعوض وانا نشكرك ومش زعلانه منك بخصوص دفتك ليااا وان لولا ما درت هك كنت ضيعت نفسي اكيد مراد مش حايسكت وحايحبسني بس انا عنيده ودرت اللعبه وهاللعبه ألتعبت علياا ونزلو دموعهااا وحمزه شد علي يدها : بحتي فياا انا جنبك ومعاك انا انحبك كيف ما كنتي انتي مستعده تكملي حياتك معايااا انا ماعنديش حوش نحطك فيه يعني لو وافقتي عليه حاتعيشي معايا مع مامااا وهي انسانه طيبه وحاتحبك اكيد وهي قالت بسرعه : الفخفخه دمرتني يا حمزه وانا موافقه عليك وحانحبك وهو ابتسم وقرب باس راسهاا وهي ابتسمت له وهو هالبسمه ردت فيه الروح وهمس انتي تجنني وهي ابتسمت اخراا وشدت علي يده وهو صبا وهمس حانجيبلك امك اوكي وهي هزت راسها وهو عده زي الطير الطاير وجابلهاا امهااا لاعندهاا وسماحتهااا هضا يلي تبيه ان اترد بنتهاا زي ماا كانت وهالشي فرحها اكتر بعد علمت ان حاترتبط بحمزه وتمنت لهم السعاده ❤