#آحببت_غجريه 💃 🔥 🔥 الحلقه 15 🔥
مراد فتح فمه بعد عده لجهة غرفة المعيشه 😮 وشافها راكبه عالكنبه وترقص واتنط وتغني اخراا وهو بحت في الكنبه وخاف عالكنبه تنكسر 😱 هههههه وشير عليهاا وهي بعد شفاته جاه قعدت تضحك علي منضره وجاته تجري ومسكت يديه ارقص معايا هياا ونط وجن معاياا يا عريسي الحلووو وكرت خدوده عسل اموااه 💋🔥 انحبك انا يا قلبي نجيلي العسل وشفشفت شعره وهو راح فيها جنناته وهضا كله مزال ما شاف وجه يا حنه خلاته يرقصهاا وقعدت لعبه بين ايديه وهو بادي ينسجم وهي تضحك علي وجه ومسكت تليفونه وبدت اتصور فيديو وقربت من وجه ناعليا من هالصباح ريتوو وجه ناعليا ماريتن ميستري وهو انصدم بعد حق خرابيش والبوسات يلي في وجه خريطه حط ايديه علي وجه 😱 شنو درتي في وجي انتي وهي تضحك وقالت بدلع صبحيه حلوه يا حلو وغمزتله عشان يلي درته ليا امس وغمزتله وما شفتش شي يا قلبي هذي البدايه وانا قتلك في السياره حاتشوف مني الويل الويل 👌 وهرجه ديما ديما واتشوف يااا حبي وقربت بساته 💋 وعدت اتنط وهو طاح عالكنبه 😂 وهي انفجرت ضحك وعدت تجري رقدت جنبه وحطت راسها علي قلبه الحمدلله قلبه ينبض ومزال عايش هههههههه وهو كرهااا وهمس انا متزوج مجنونه رسمي وبعد درتيها حانوريك وشالهااا للحمام وسكر بالمفتاح حاتشوفي الويل الويل وهي قعدت تعيط 😂 حط ايديه علي وذنه من صوت عياطهااا يا مجعزه اسكتي وهي ضحكت منضرك فستري يا مرادي الحلوو وهو ضحك وجاهاا وطيحها في الحوض و ولع الدوش عليهاا انفجرت عياط وانتقم منهاا شر انتقام علي ازعاجها له 😂🔥
ونحنا وصلناا عند ساره حركت يديهاا وامهاا فطنت لهاا وحتى حمزه وبحتو فيهاا وهي فتحت اعيونها واذكرت انها في المستشفى رفعت يديها و بحتت فيهاا ولقتها ملفوفه بالشاش انصدمت ولمست وجها ولقاته حتى هو ملفوف بالشاش قعدتي منهاره وتبكي وجات تبي اتحول الشال بس حمزه كتف يديهااا وقال : اهدييي اششششش ماتفكيش الشاش تواا الدكتور قال بعد اسبوع وساره قعدت تعيط : حول اطقني شنو دخلك انت نبي انفكه وانشوف وجهي مش شورك بيااا انت واصلا كله بسببك انت شوهتلي وجهي ياا حقير الله ياااخدك انا نكرهك خربت كل مخططاتي وحمزه 💔 كلماتها الاخيره حطمنه طلق يديها ونزل راسه انا مانبي انخليك قبل ما تتحسني وبعدها حانمشي ومش حاتشوفي وجهي اخراا وساره قالت بحده : اطلع توا مانبيش نشوفك وجات تبي تفك شاش مسك يديهاا وقعد ينادي ياا دكتور وامها قعدت تبكي وماقدرو يهدوهااا وناادوو الدكتور وجااه وحمزه بحت فيه نبي اي شي نقدر نكتفهاااا بيه تبي اتفك روحها وهي من لما سمعت يلي قاله تواا انهارت بزياده : شنو اتقول انت تكتف من اطلع برا قتلك اطلع وهو مكتف يديهااا وبحت فيهاا زيين وعيونه حمر ولا كلمه ومش حاتفكي الشاش وانتي وجهك متغير علي فكره مش ساره يلي قبل القاسيه يلي تبي اضر الناس وشد علي ايديهااا غيري من نفسك في الوجه الجديد وقبل ماتحكي وتهزبه اخرااا امها قالت : انا حانغضب عليك ليوم الدين لو ما تغيرتي ورديتي بنتي يلي زمان يلي ربيتها انا مش حانسامحك لو ما تغيرتي وحمزه خداه رباط من ممرضه يلي توا جباته وكتف ايديهاا في السرير وهي قعدت تبكي : حرام عليكم فكوني وخلوني انشوف وجهي نبي انشوفه وحمزه بحت فيهاا وطلع تليفونه وصورهااا و وراها الصوره هضااا وجهك وهي قعدت تبكي بزياده : انت السبب انت يلي شوهت وجهي انا نكرهك ياا معفن امشي لشغلك مش انت متع مقصف امشي اشقى بشغلك انا وين وانت وين والله اهتمامك بموضوعي تاخد عليه في فلوس وهو انصدم 💔 اااه يارب قرب وبحت فيها بإستحقار وطلع وسكر الباب بالقووه وراه تعاير فيه عشان فقير ويشتغل في مقصف شد علي ايديه وضرب الباب بالقوه 👊 وهي سمعت التخبيطه همست حقير وامها هزبتها : شنو الدوا يلي قلتيها توا تحشمي علي وجهك شنو صايرلك انتي وهو مسكين ما خلاكش بكل وحاسس بالذنب من يلي صارلك وانتي هنتيه بهالشكل ربي يسامحك دنيا واخراا وخليك هك وحيده مافيش حد جنبك وبوك الله يرحمه الحمدلله ما شاف يلي درتيه وطلعت وسكرت الباب وبحتت في حمزه عدي يا وليدي ما تستاهل هذي عدي لشغلك وخليهاا وانا خانخليها توا تحس بالوحده بلكي اترد لعقلها قشرت وجهي مش قادره نرفعه لك ونزلو دموعها وهو قعد يهديي فيهاا ماتبكيش ويلي صار صار ولا يهمك وهيا انوصلك في طريقي وهي قالت : الله يربحك يا وليدي شكرا وهو ابتسم وهو حزين يبحت في الباب وان يخليهااا بروحها وهي يلي غلطت في حقه توا ولزاته تنهد وعده يبي يوصل امهاا
أنت تقرأ
احببت غجرية ( روايات ليبية )
Romanceقصة حب غريبة نوعآ ما فا هي نشأت بين شاب كلاس و بنت " غجرية " فكيف كان لقاءهم و ما مصير حبهم ؟ للكاتبة : السلطانة كوكي
