#آحببت_غجريه 💃🔥 الحلقه 2 🔥
المدير يراقب وبعد قرب من جهتهم هي خلتهم يلعبو كورة قدم ⚽ والكوره كل مره ماشيه لجهه حتى هي ضربتها وكانت لابسه حذاء سبورت وطبت الكوره في وجه المدير مراد 😱 وهو مسكها بعد طاحت من وجه وبحت فيها بعصبيه وهي قعدت تضحك ولا عدلت ولا تندري أن هضا المدير والطلبه قبل يبو يضحكو بس سكتو وماسكين ضحكتهم 🔥 وبحتت نرمين فيه وهو قال بصوت يحاول يكون هاديء
مراد : شنو هالتصرف وبدل ما تتأسفي تضحكي
نرمين : وعليش نبي نتأسف يا بابا انا ما غلطتش انت يلي داك خشمك في ساحة رياضه عليش جاي مصبي هنا وتتفرج علينا ورمشت عيونها بطريقه طفوليه 😜
مراد : شد علي يده ألحقيني وبلا كترة دوا تعالي نتفاهم معاك في مكتبي وعداا
نرمين : رفعت حاجبها هضا كنه قووول خابطه ضي فيش يحس وبحتت في الطلبه انتو اقعدو هنا توا انجي خليني انشوف اخرتها وعدت وهي تتمضغ في المستكه وقعدت ادور بعيونها وين عده المطرشق هضا وبحتت في مومر لقاته يمشي بهدوء رفعت حاجبها ريت مشيته قوول نعجه تمشي 😂✊ ووو
وعدت وراه وهو قعد علي كرسيه وهي ما انتبهت للفاته ان هضا مكتب المدير خشت بسرعه وصبت وحطت يديها علي خصرها : نعم شنو تبي عندي شغل
مراد : تأفف وبحت فيهاا وقبل ما يحكي قطعاته وقالت : تيي كنك تتأفف انت فيش اتحس معليش
مراد : تي خليني نحكي كنك تحكي هك انتي ما عرفتك بنت والله راجل شنو هالبنت هذي
نرمين : لالا لا هك واجد وقربت منه وجات وراه الكرسي امتعه وقربت همست من يلي راجل يا باشا
مراد : احترمي نفسك راك تحكي مع وقطعاته
نرمين : ان شاء الله من حتى وزير شنو تسحب روحك يا بابا انت شوف روحك بس شوف مشيتك قوول نعجه 😂 وتحكي عليا اتقولي ماعرفتك بنت والله راجل شنو اتحق فيا حسستني نسكر زيكم يا معفنين
مراد : انصدم وصبا وهي وخرت وقعدت مقابلته وهي تمضغ في المستكه وتنفخ فيها واطربق فيها في وجه وهو مصدوم اول مره بنت تتصرف معاه هك شد علي يده ويبحت فيها زين ورفع صبعه في وجها 👉 انتي زودتيها راك معليا صوتك برا انتي والطلبه وهنا تقللي في ادبك معايااا راه انا مدير والمدرسه هذه ملكي
نرمين : طربقت المستكه وحطت يديها في جيوبها واذا وكان انت مدير هالحاجه الكبيره نسحبك وزير وانت تتصرف زيهم حتى اللبس وهي تشير عليه لابس قرواطه خبر طلعت من متعاين القروايط 👔 😂
مراد : دخاخين فوق راسه انتي كنك انا جايب استاذه هنا والله طالبه انعاني فيهاا احترمي نفسك
نرمين : علت صوتها تي شنو نحترم نفسي شنو درتلك حسستني واخدتك بالاحظان وانبوس فيك
مراد : 😨 ياربي صبرني
نرمين : هههههههههههه ناقصني انا قطيعه وألتفتت تبي تعدي خشت وحده في قمة الاناقه والجمال خشت تمشي بكعبها العالي وتدلع بمشيتها ونرمين تبحت فيها من فوق لتحت وفي نفسها عليك شكل هذي ماشيه لمدرسه والله لعرس 😑
ساره : قربت من مراد اه حبيبي اسفه تأخرت كان في زحمه برا وحصتي انا هي الرابعه مزالت يعني
نرمين : تعايب عليها وتحرك في ايديها ومراد يفنص فيهااا وقال بصوت عالي : انتي كنك راك عصبتيني
نرمين : طربقت المستكه مره تانيه وغمزتله ترا عصب علي هذي والله عشان تدلع عليك يا معفن تبيني ندلعك وغمزتله وألتفتت وعدت وهو مصدوم
ساره : رفعت حاجبها ولوت شوربها 😏كنها الغجريه هذي كنها تحكي هكي عليك منظر باكو الوان لابسه ولسانها طويل و وقحه حسيتهاا
مراد : حط ايديه الاتنين عالمكتب وخداه نفس عميق وبحت في خطيبته ممكن تسكتي راه معصب بكل انا
ما تزيديها علياا لو سمحتي وعدي لحصتك توا نحكو بعدين
ساره : تأففت باهي خليني نحضنك بس كنك جاف انت ومكار اليوم
مراد : عصب قتلك برا افهمي اطلعي وشير عالباب
ساره : عصبت وطلعت وسكرت الباب وراها
نرمين : طلعت من الحمام وشفاتها معصبه ضحكت 😂 وساره خطمت من حداها وقالت شرشوحه
ونرمين سمعتها بحتت في عامل النظافه وهو يمسح في الارضيه بحركه سريعه منها كرت صابون وجات وراها وكباته عالارضيه يلي قدام ساره وهي بعد فطنت لها كانت عافسه عالارضيه وزلقت وطاحت اااااه ونرمين انفجرت ضحك 😂 وبحتت فيها جربي ماتحطي راسك براسي يا حلوه لان المره الجايه حانشوه هالوجه المزيت بالكلور والاشيدو حايقعدو منبيض اكتر من توا وغمزتلها باي يا حلوه وعدت وساره صبت وقعدت تسب فيهااا وعدت لمكتب مراد تبي تشكي فيها وهو كان طالع وهي خاشه وخبطت في راسه وقالت بعصبيه هي وياه :
ساره : ااه تي كنك ما اتحق
مراد : تي كنك ما اتحقي انتي عليش جيتي اخراا
ساره : من الهمجيه هذي طيحتني يا مراد اتصدق طح سعدها توصل فيها انها اطيح خطيبة المدير شنو تسحب روحها هذي وانا اول مره نشوفها شكلها جديده نصيحه مني افصلها وشوف حد تاني
مراد : نزل يديه من راسه وبحت فيها انا يلي نأمر مش انتي وطلع من المكتب وهو معصب ناقصني انا
أنت تقرأ
احببت غجرية ( روايات ليبية )
Romanceقصة حب غريبة نوعآ ما فا هي نشأت بين شاب كلاس و بنت " غجرية " فكيف كان لقاءهم و ما مصير حبهم ؟ للكاتبة : السلطانة كوكي
