جريت وم عارفه الاتعوقت منو في بناتي ،،،جريت لقيتها بتي الصغيره وبتعيط من راسها وفوق شلتها دخلتها جوا لقيت زول مافي ابوي تلفونو مقفول وعمتي طلعت وم عندها تلفون ومافي زول اتصل عليهو غير حامد ،،،اصدق احمر ادنقر مافي طريقة غير اتصل عليهو ،،،في النهايه دي بناتو ،،،اتصلتا عليهو قال لي متصله علي شنووو ،،،قلتا ليهو قبل اي شي بتك دي اتعوقت ومافي زول بوديها معاي الدكتور غيرك تعال سوقها ،،،،قال لي بتي من يومك الطلعتيها من البيت دا م بقت بتي ،،،وقفل لي الخط في وشي يعني بفوق لي انو خليت كرامتي تداس عشان بتي يعمل فيني كدا.
جا راجل الجيران شالها ركبها في عربيتو وانا فتشتا قروش وركبتا معاهو وودانا لحدي المستشفي ووقف معانا لحدي جبصوها ليها وجابنا البيت شكرتو شديد وقلتا في قلبي انت عملتا الما عملو ابوها بس خليهو والله الا اشفي قليلي فيهو.
جا ابوي لقي رجل رميساء مجبصه قال لي مالها حصل عليها شنووو ،،،دموعي جات جاريه قلتا ليهو ضربه سيد المويه انت وين كنتا وتلفونك كان مقفول وم عرفتا اعمل شنووو الا راجل الجيران ساعدنا ،،،طلع تلفونو قال لي معليش يابتي قفلتو ونسيت افتحو وهسي اخدتا لي ساعتين عشان اجي ارتاح فيهن وارجع ،،،مريم وين ،،،،قلتا ليهو عمتي طلعت وم عارفها مشت وين اصلآ ،،،تاني م عبرني بكلمة ،،،قال لي لمن تجي انا عندي معاها حساب تاني كيف تطلع بدون م نكون عارفين هي مشت وين ،،،،قلتا ليه في قلبي هي هينه ي ابوي اعرف بتك بتمشي وين اول.
بعد ساعه عمتي جات داخله شايله ليها كيس صغير في يدها ،،،ابوي قال ليها كنتي وين ي مريم ،،،،قالت ليهو من بتين بتسالني ماشه وين وجايه من وين ي حسن ،،،،قال ليها من الليله انتي عارفه هسي الحصل شنو في البيت دا من وراكي ،،،،قالت ليهو م عرفتا ولا دايره اعرف كنتا مع سامية اختي ارتاح من الدوشه البقت في البيت دا شووويه ،،،،قال ليها هوي ي مريم الله يهديكي من المشي الساي دا ،،،قالت ليهو اجي ي حسن مشي شنو الساي انت وحات الله دا م كلامك دا كلام بتك دي مش دايره تخرب علينا بيتنا العامر بس بعد م خربت بيتها ،،،قال ليها هوي ي مريم وطي صوتك دا البت م تسمعك هي م ناقصه والفيها مكفيها ،،،قالت ليهو لا لا والله خليها تجي تسمع من هي جات في البيت دا الحصل فيهو شنووو ،،،سمعتا الصوت جيت جاريه قلتا ليهو خير ي ابوي وعمتي صوتكم دا الجيران كلهم سمعوهو ،،،عمتي قالت لي تعرفي لي التصنيت وزرع الفتن م قدرتي تفتني ابرار في ابوكي دايره تفتنيني انا مش ،،،قلتا ليها والله انتو بتتكلمو عن شنو زاتو م عارفه ،،،،قالت لي اااي اااي اتمسكني واعملي انك م عارفه شي ،،،،شوفي هنا انا وانتي بيت واحد م بلمنا تاني وي انتي وي انا في البيت دا ،،،وانت ي حسن قرر ي بتك ووبناتها في البيت دا ي انا ،،،،قال ليها هوي ي مريم انتي دايره ليكي طريقه تطلعك من البيت دا مش لكن كان ماشه الا امشي ،،،لكن بتي ببناتها الصغار ديل م عندها م كان بتمشي ليهو انتي عندك اخوانك واخواتك قاعدين كان بتمشي الا امشي ،،،،قالت ليهو تفضل بتك علي انا الخدمتك السنين دي كلها ،،،لمت ملابسها وجات طالعة قالت لي م تتوقعي اني اخليك تتهني والله م اريحك وطلعت مشت ،،،،ابوي حضني وقال لي سامحيني ي بتي عارف اني م حصل وقفتا في صفك يوم ،،،بكيت وحضنتو علي شديد ودي المره الأولي البحس بيها انو بجد عند اب ،،،والمره الأولي الربنا نصفني فيها.
جات ابرار من الجامعة بقت تنادي ي امي ي امي ،،،،قلتا ليها امك مافي ، ،قالت لي وانتي مالك م مشيتي الشغل الليله ،،،قلتا ليها رميساء وقعت عوقت نفسها وقعدتا معاها ،،قالت لي ايوااا تمام امي مشت وين قلتا ليها مشت بيت خالتك ،،،قالت لي ليه لزمن دا م رجعت حكيت ليها باي شي قالت لي يعني ابوي فضلك علي امي مش ،،،قلتا والله انا جيت لقيتهم بتشاكلو قلتا ليهم يوطو صوتهم عشان الجيران كلها سمعت ،،،امك فكرتانو انا حرشتا ابوي عليها وابوي قال هي بقت تطلع كتير وم بتكلمو عشان كدا ،،،قالت لي امي مسكتك ولمتك في بيتها واعتبرتك زي بتها وتجي في النهاية تكافيها بالطريقة دي ،،،،قلتا ليها انا ي ابرار كرهتا حاجه اسمها تبرير وانتو م بتصدقوني نهائي انا علي فكره انسان وعند مشاعر حسو بي شويه يااااخ وطلعتا وخليتها.
انا ي صفاء عمتي دي تعبتا منها خلاص وتاني بعد كدا والله ولا بشتغل بيها ولا بتعب عشانها مش هي عندها بنات ليه انبلا بيها انا ،،،،صفاء قالت ليها وراجلك دا قاعد ساي يعني م يمشي يكلم اخواتو يجن يقعدن مع امهن هسي لو انتي كنتي مافي ومنى مافي كان بناتها بلمنها ولا بقعدن يبلنك بيها زي دا ،،،هوي ي صفاء الناس ديل لو لقو مره مسكينه بطلعو ليها في راسها وبستغلوها زي م عايزين لكين الزول يديهم العين الحمراء بس ،انتي قايله انا لو كنتا في مكان منى دي بخليهم يعملو فيني كدا عشان جبتا ليهم الا بنات والله اخليهم يصرفو علي بناتهم بالمحكمة ولو حامد دا كان م بصرف علي بناتو م سجنتو م يكون اسمي منال لكن لقو مني
مسكينه بس ،،،صفاء قالت ليها م تكوني حنيتي عليها بس م تنسي الضرب الضربتنا ليهو ،،،اااي ضربتنا بس م تنسي بسبب مد يدها علينا حامد طلقها ورامها هي وبناتها رميت الكلاب ،،،قالت ليها يختي م تكضبي علي نفسك م طلقها بسببنا نحنا طلقها بسبب امو قالت ليهو م عافية ليك لو م طلقتها ،،،،منال قالت ليها لو مهما كان السبب المهم انو طلقها ويوم داك اتصلت ليهو قالت ليهو رميساء ضربتها الكارو ولا اشتغل بيها وقفل ليها الخط في وشها اختك مسيطره يابت م يتخاف عليها ،،،،صفاء قالت ليها اقدري سيطري علي نسيبتك يختي والله ي منال لو م عملتي ليك خطه واثبتي انو نسيبتك دي م بتريدك تخلي حامد يطلق زي م طلق منى وياهو قلتا ليكي ،،،،بس مع كلامها حامد جا خاشي قال ليها انتي بتقولي في شنو ي صفاء......
